#الحلقة_29❤❤
#لعنة_أنثى 🔥🔥
#خولة_عزيز 🌶🌶
جابلها فهد كاس جو .. مسكاتو عليه وعملت راح تشرب وهووب تقلبوا عليه ...
جيلان : اه بربي سامحني ... والله ماقصدت نعرفش كيفاش لفت رجلي وتكب الكاس
فهد : لا عادي خلي عليك توا نغير
جيلان : بربي سامحني امشي معايا خلينا نمسحوه ... ماسيباتو غير وقت مشى معاها دخلوا للفيلا لداخل ... طلعوا لفوق تعدا فهد لصالدوبان ... قبل لا يدخل ... وقفاتوا وقت حطت يدها على كتفوا
جيلان : لحظة خليني نساعدك ...
فهد : (تبسم بخبث ) ايه مايسالش تفضل ... دخل هو ودخلت معاه ... خلاتوا ينحي الجاكيت وجات تمسكها عليه قاست يدوا يدها .. حصرها مع الحيط وهز يدوا عداها على كل ذراعها كل مايطلع يدوا تطلع روحها معاه متقززة من الشي لي يعمل فيه حست رجليها يرجفوا ومش حاملينها .. قرب شفافوا من شفافها جاء يبوسها دزاتو وبدات تتعڨن في الكلام .... أااانا بش نطلب حد يجيبلك شوميز ... ماخلاتوش يحكي وخرجت تزرب وفي يدها الجاكيت ... قابلتها وحدة من الخدم نازلة...
جيلان : بربي اختي ميسيو فهد تكب عليه العصير تنجم تجيبلوا شوميز اخرى
الخدامة : مممم باهي توا نجيبلوا من غرفة سي لؤي ... تبسمتلها جيلان ولحقت عليها ... دخلت الخدامة ودخلت هي زادا دورت وجهها على كل الغرفة ... تعدات الخدامة لدرسينق تلوج على شوميز وجيلان ستغلت لهوتها ولصقت الكاميرا في في الكادر لي كان معلق ... بالوقت رجعت الخادمة محملة الشوميز في يدها ... خذاتها من عندها ومشات ... وصلت لباب الصالدوبان توقفت لاحت يدها في جيوب الجاكيت مالقات شي نفخت زادت فتشت الجيب الدخلاني لقات قلم جبداتوا وفتحاتوا من داخل وغرست فيه مسجلة الصوت ورجعاتوا في الجيب ودقت عليه الباب فتح عليها وطلب منها تدخل ... اما هي طلعت اشطر منوا
جيلان :تفضل خليت الخدامة دبرلك هذوا تبسملها ومسكهم عليها وهو يتبسملها بخبث ... سحبت روحها بسرعة وعملت حالها صونالها تلفونها
جيلان : اسمحلي لازمني نجاوب هذي صديقتي من امريكا ... خلاتوا وعطاتو بظهرها نازلة رجعت للحفلة ... تعدات ديراكت لطاولة أيهم ... لي كان فد من القعدة هوني مش جوو .. اما ملزوم يجي
جيلان : (تهوي بيديها على وجهها ) تحس بالعرق يتصبب منها
أيهم (ببرودة دم ): شنوا عملت
جيلان : عملت كيف ماقتلي ... غزرلها مستغرب ... تاع بسهولة هذي قدرتي تفلتي منوا
جيلان :(فهمت عليه وحبت تلفوا اصلا عايفة روحها من لمساتو) ستعنت بالخادمة وتحججت بالتلفون بش نتلفوا
أيهم : (تبسم على جنب) ممممم هاك بديت تخدم مخك
جيلان : ڨحرتلوا ودورت راسها تغزر للؤي وميرنا كيفاش يرقصوا على الموسيقى تحت ضوء خافت وهي محاوطة رقبتوا بيديها .. حست بغصة في قلبها ... بلعت ريقها وهزت راسها للسماء تحاول تمنع دموعها ودورت وجهها لأيهم : ترقص معايا
أيهم : تبسم ... علاش تحب تغيضوا وتردهالوا...
جيلان : شكون قالك نحب نغيضوا ...هو اصلا مايعرفنيش بهذا الوجه... جيلان لي يعرفها ماتت
مدلها يدوا ومشى بها لابيست حاوط خصرها بيد ويدا مسكها بها ... قربها رهوجوا وريحة شعرها سكراتوا ... تتمايل بين يديه وعيونها تراقب في حركاتوا ... تغزرلوا كيفاش يتبسم وحاضنها .. كبست على أيهم من غير ماتحس من الغش ... كان حاسس بالنار لي شاعلة فيها ... اما ماينجم يعمللها شي ... لازم هي تنقذ روحها وتتخلص من كل شعورها ... سحبها جاو مقابلين لؤي وميرنا ...
أيهم : تنجم تسمحلي برقصة مع عروستك ... .لؤي غزرلوا وغزر في جيلان لي كانت مكبشة في أيهم مستغربة من الشي لي يعمل فيه ... ماحستش بيد لؤي لي تمدتلها غير وقت حكي
لؤي : مدموزال جيلان تسمحلي ... غزرت لعيونوا ومدتلوا يدها ... تتمايل معاه مش مستحملة قربوا ريحتوا تذكرها بماضيها لمساتوا يذكروها بولدها لي مات ... سحبت روحها منوا
جيلان : سامحني اما نحس في روحي تاعبة ... خلات واقف ومشات لأيهم
جيلان : أيهم نجموا نمشيوا راسي يوجع فيا
أيهم غزرلهم وبعدها سلم عليهم وعاود باركلهم وحضنها بيديه ومشى بها لسيارتوا ... هو عمل هكاكا بش يخليها تفيق ... رماها لحضنوا بش يذكرها في الشي لي عملوا فيها ... حب يزيد كرهها ليه ورغبة انتقامها منوا ...خرجوا تحت انظار الكل ... كان لي حاسدوا على جمالها وانوثتها وكانت لي حاسدتها على وهرتوا ورجوليتوا ... أما حد مايعرف انو هذوا الزوج في قلوبهم كان الحقد والرغبة في الانتقام
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasia#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
