👧كرونيك يقتل :لعنة -أنثى 💗💓❤️‍🔥

12

#الحلقة_12❤❤
#لعنة_أنثى 🔥🔥
#خولة_عزيز 🌶🌶
__ واقفة تخزر في الفراغ البحر هايج البرد تسلل لعظامها ... خرجت تنهيدة طويلة من عمق قلبها .. زعما شنوا مزال ماعشتوش .. يادرا واش مزلتي مخبيتلي يادنيا .. من يوم عرفت روحي وانا نتعذب زعما راح يجي نهار لي نفرح فيه ونضحك من قلبي .. تي اخر مرة ضحكت فيها موش متذكرة وقتاه ..
باسل: الدنيا عملة بوجهين كل ماتقلبها من جهة تشوف حاجة اخرى .. هكاك الدنيا كان حبيتها وتمسكت بها راح تفرحك وتضحكك اما وقت تيأس وتضعف راح تهاجمك اكثر لين تاخذ روحك وتخليك جهامة بلا روح
جيلان : وانت تشوف فيها من اي وجه
باسل : انا واقف في وسطها لا نجمت ننسى ولا نجمت نبدا منين جديد
جيلان : شنوا تنسى .. ... سؤالها حيرلوا مواجعوا ... حب يتلفها جاوبها بسؤال
باسل : شتعمل بنية صغيرة كيفك برا بهذا الوقت
جيلان : هه برا ولا داخل كيف بعض .... كأنو حس بها وفهم لي تقصدوا
باسل : متعبك ؟
جيلان بإستغراب : شنوا ؟؟
باسل : البيبي نحكي على الحمل كان متعبك خاطر وجهك ظاهر فيه تاعب وشاحب
جيلان :( تبسمت بمرارة ) حبيتوا ووثقت فيه اما طلع احقر من الشيطان .. ستغلني وغتصبني وانا مخذرة ووقت واجهتوا نكرني ونكروا وفوقها مسح بكرامتي الارض .. ساوموني على شرفي ..للحظة حسيت روحي ساقطة من الساقطات تاع كباريات .. كل واحد فكر كان في روحوا عفسوني ومشاو ماخمموش في حالتي ... حتى انا كان جات عندي ام راها حماتني وضمتني لصدرها خففت عليا ... انا مانعرفش حنانة الام ولا يمكن نعطيه لولدي .. الحياة مارحمتنيش كيفاش بش ترحموا هو خاصة بعد مارساتلنا في الشارع
باسل : ماتقوليش تخمم في الشي لي في بالي
جيلان : تنجم تساعدني
باسل : مستحيل نعملها .. مستحيل نقتل روح ماعندهاش ذنب .. تلفت ليها ومسكلها يدها : ولدك هو مصدر قوتك هو لي راح يخليك تتخطاي هذو العواقب تمسك به وهو بش يكون نجاتك .. خلي ايمانك بربي قوي يمكن الله حب يعوضك على الشي لي عشتوا حب يعطيك عيلة لي تحرمت منها موش تقول انك ماتعرفش حنان الام يمكن ولدك يخليك تحسوا وتعيش صغرك لي ماعشتوش معاه ..
تسمع لكلاموا وكل حرف يتغرس في قلبها كأنوا سهام .. خلاها تحس روحها ساقطة كيفهم  بلا ضمير .. بلا انسانية .. كيفاش فكرت هكا دورت وجهها على يدوا لي تحطت على كتفها
باسل : قوم خليني نوصلك ... خزرتلوا بنظرات بريئة مكسورة سخفاتوا ...
جيلان : لا مايشقاش ومرسي على كل شي بالرغم انك ماتعرفنيش اما طبطبت على كتفي وخففت عليا ..
باسل : باهي كيف ماتحب اما حاول ماتقعدش برا في هذا لوقت تعرف الشارع مايرحمش
جيلان : لي كنت نخاف نخسرو خسرتوا وصايي ماعاد عندي شي نخاف عليه بعد اليوم
باسل : عندك ولدك ولازم تخاف عليه انتي توا مش وحدك ... تبسمتلوا وهزتلوا براسها ... ودعها ومشى ... كان مفكر انو هو الوحيد لي يتألم ويتعذب في هذي الدنيا اما طلع غلطان .. البحر عندوا برشا عباد مخبي اسرارهم وشاهد على مأساتهم وعذابهم موش غير هو لي يهرب ليه ويفرغلوا قلبوا ... دور وجهوا خزرلها لاخر مرة مزالها قاعدة كيف ماخلاها .. جاء يركب سيارتوا اما شي يجبد فيه ويقولوا هي محتاجتك ماتعطيهاش بظهرك . تلفت راجع عندها .. هزت راسها على وقفتوا مستغربة من رجعوا
جيلان : علاش رجعت
باسل: مانجمتش نخليك هوني ونمشي .. قوم خليني نوصل لدار على الاقل يرتاح بالي
جيلان : يااااه الدنيا مزال فيها عباد ملاح حسبت تقطعوا ... اما انا ماعنديش دار نمشيلها ... تصدم من جوابها ..
باسل : شتقصد بماعندكش دار بوك وينوا
جيلان : حكاية طويلة وكان قصيتهالك بش ترسالك بايت هنا امشي في طريقك وماتتلهاش بيا ..
باسل : باهي قوم روح معايا على الاقل ليلة وغدوة يلقالها ربي حل ... ماتخافش انا بش نحطك بحذا امي .. . خزرتلوا وبعد خزرة للبحر كأنها تسأل فيه وتاخذ في رايوا ... تنهدت وبعدها قامت مشات معاه ... طول طريق وهي مركزة عيونها مع زجاج السيارة .. سارحة تخمم .. توا هي ماشية مع راجل ماتعرفش حتى اسموا .. كل لي تعرفوا انها رتحتلوا .. فاقت وقت توقفت السيارة .. خزرتلوا ودورت وجهها لزجاج .. كأنها تتساءل .. عملها براسوا بش تنزل ... فتحت الباب ونزلت وراه تمشي بخطوات متثاقلة رجل لقدام ورجل للخلف خايفة من مصيرها .. والشي لي راح تشوفوا لداخل .. فاقت على روحها وقت تصدمت فيه
جيلان : بربي سامحني شرت شوي
باسل : مايسالش وتوا تفضل ادخل ... تخزر للباب لي تفتح قلبها يقولها ادخلي وماتخافيش وعقلها يقولها لا بزايد مامشيت وتبعت قلبك بعد صراع كبير تغلب قلبها على عقلها ودخلت دورت عينيها على كل الدار ماحلاها دار كلها دفئ اثاثها يخليك تحس براحة نفسية ...
💥جام ورأيكم في الريبوند 💥