👧كرونيك يقتل :لعنة -أنثى 💗💓❤️‍🔥

84

شكرا للتفاعل تذكير هذي القصة مو الي

#الحلقة_84❤❤
#لعنة_أنثى 🔥🔥
#خولة_عزيز 🌶🌶
_كان راقد وهي بجنبوا .... مش مصدقة انها معاه في دار وحدة وقريب ليها هكا ... هزت يديها عداتهم على لحيتوا وتحكي
ليان : تعرف اني من قبل كنت وحدة شايفة روحها ومستهترة اما اول ماشفتك وتقربت منك غيرتني كليا ... انت المعجزة لي حصلت في حياتي ... كأنوا ربي بعثك ليا حتى تخلصني من الخمج لي بابا غرقني فيه ... قد مانشكرك ياباسل مانوفيش حقك ... نتمنى في يوم تفتحلي قلبك وتعطيني فرصة بش نعالج جروح قلبك ونسيك في الماضي ... نعرف انك خسرت مرتك وولدك وهذا مش قليل بش تدمر نفسيتك اما ربي عطانا حاجة اخرى اسمها النسيان انسى ياباسل وخلينا نفتحوا صفحة جديدة صفحة مبنية على الثقة والامل ... حط يدك في يدي وخلينا نحاولوا ... ... كان يسمعلها وكل كلمة تطلع منها يحسها كيف البلسم على جروحوا ... هي زادة كانت ضحية ... هو استغلقها بش يوصل لانتقاموا كيف ما استغلها بوها في خدمتوا الفاسدة ... تنفس بعمق .. وسرح بأفكاروا .. وهي بقات هكاكا لين هزها النوم ....
_طلع النهار وجات معاه هموموا .... ضوء الشمس ضاربلها في عيونها قلقها  ....هزت اللحاف وحطاتو على راسها  مش شابعة نوم ... تهزت وقت تفكرت ميرنا .... قامت وقت فوق السرير ضربت يدها على راسها ....
جيلان : اففففف يفاه نسيت لازم نلحق قبل لا يعمل عملتوا هاكا الساقط ... ترددت انها تخبر ايهم ... فاتت عملت دوش ولبست دبشها وهزت صاكها ... تزرب ماحستش وقت صدمت فيها
خولة : تش عميت ماتشوفش قدامك
جيلان : سامحني عيوني يشوفوا كان بني ادم اما الافاعي لا خاطر يكونوا يزحفوا تحت رجلي .... كلامها خلاها تتعصب ...
خولة : الافعى لي تحكي عليها بش تلف على رقبتك وتلسعك بسمها ...
جيلان : بربي وخر من طريق ماعنديش وقت لتفاهاتك ... دزتها وتعدات تجري في الدروج خرجت ركبت سيارتها ومشات .... الوقت هذاكا كان حاتم خارج من دار عمر ووصى رجالوا على ميرنا ... كانت تسوق وتتخطى في السيارة مش سامعة بحد ... لازم تلحق عليها هذي فرصتها الوحيدة ... توقفت قدام دار عمر ... قربت للباب اما وقفوها رجال حاتم ....
جيلان : نحب نقابل مدام ميرنا ؟
الراجل : مدام ميرنا مش هوني مشات مع بوها لبارح للدار .... جيلان ستغربت اذا كان هي شافتها لبارح في الكاميرا كيفاش هذا يقولها مش هوني ضربت في راسها وقت عرفت انوا هذوا رجال حاتم لعنت روحها على غباءها ... ستأذنت منهم ورجعتركبت سيارتها ... ودورت على الجهة الخلفية للفيلا .... قابلها باب اما مسكر ... خبطاتوا برجلها ...
جيلان : الله يلعنكم ... تي منين ندخل انا غزرت للصور كان شوي عالي تمشات بخطوات قابلها صور اما نازل شوي ... مزيا مالبستش الطالون اليوم ... تسلقاتوا وسوطات جات في الارض تتوجع ... دورت وجهها يمين وشمال كأنها تحاول تشوف كان فما حد ولالا وقت حست بلي هي في امان دخلت تتسلسل على باب المطبخ ... توقفت وقت حست بحد داخل للمطبخ  ...
الراجل : علاش رجعت الفطور
الراجل 2: مارضاتش تاكل ... خلينا منها الله لا رضات ايجا خلينا نمشيوا لصالون فما فيلم يفتق وجيب معاك لفطور ناكلوه .... وقت حست بهم خرجوا تقدمت بخطوات يادوب مسموعة طلعت في الدرج متسللة لين وصلت لغرفة ميرنا لقاتها مسكرة ...حاولت تلقى شي حاجة تفتح بها اما شي ... ضربتها يدها في راسها قاسها المساك لي في شعرها تبسمت بخبث نحاتو ... وبدات دور فيه لداخل لين تفتح ... فتحت الباب قابلتها مرمية في الارض ...
جيلان : ميرنا فيق ... فيق ميرنا
ميرنا : ( بصوت مرخوف ) جيلان شتعممل هوووني
جيلان : قوم جيت بش نطلعك من هوني
ميرنا : مانجمش بدني كلوا مهدود وراسي بش يطرشق ... امشي جيلان قبل لا يجيو
جيلان : لا مانيش بش نمشي من غير قوم خلينا نمشيو ...
هزتها جيلان وقتها ولبستها جاكيت نوار وخرجوا يتسللوا ..
جيلان : حاول ماتعملش حس خاطرهم تحت ... هزتلها ميرنا براسها وكملوا ينزلوا وجيلان ساندتها لين دخلوا للمطبخ ...
ميرنا : عطشانة
جيلامن : بربي ميرنا توا وقت تعطش ... امشي توا نخرجوا ونشريلك دبوزة ماء ... سحبتها وكملوا خرجوا اما هذي لمرة نجمت تخرج بسهولة خاطرهم طلعوا من الباب ... ركبتها سيارتها ...وركبت جهتها ... جات تقلع ... شافها واحد من رجال رجع يجري لعندهم بش يوقفها اما هي كانت اسرع وهربت منوا ... وقت حست انهم بعدوا نقصت في السرعة ..
ميرنا : نحب على الماء ريقي نشف ... توقفت جيلان في الطريق ونزلت تجيبلها دبوزة ماء وكيف رجعت مالقاتهاش داخل سيارة ... تفجعت دورت وجهها قابلتها قاعدة على الارض وماسكة راسها ... مشاتلها تجري
جيلان : ميرنا علاش نزلت من السيارة .ياخي جنيت كان يشوفك حد .. خوذ اشرب توا وامشي قدامي ... عاونتها بش تشرب وبعدها رجعوا لسيارة ... غزرتلها كيفاش رجعت راسها لورا كانها مش في وعيها ... تكذب كون تقول ماسخفتهاش حالتها ....
💥 جام ورأيكم في الريبوند 💥