#الحلقة_44❤❤
#لعنة_أنثى 🔥🔥
#خولة_عزيز 🌶🌶
خرج رائد لاحق عليها شافها وقت ركب سيارتها ..ركب سيارتوا ولحق وراها ..توقف وقت شافها قعدت مقابلة البحر ... نزل ومشالها .. ڨحرتلوا وقت شافتوا
جيلان : شنوا امرك انك تراقبني
رائد : هو مايعرفش اصلا اني لحقت وراك ... هزتلوا بحاجبها ..
رائد : عندك حق كلنا دخلنا للمخابرات على هدف واحد ... انا زادة هوني بش ننتقم ليهم ... ...
جيلان : .... .....
رائد : كان عندي زوج اخوات وحدة منهم كانت مزوجة بباسل وحامل بولدوا خطفوهم وخذاو اعضاءهم وحدة لقيت جثتها اما الثانية لا نعرفش وين رماوها ...
جيلان : (مصدومة نزلوا دموعها بالوقت
رائد : هه علاش تبكي ... شفقانة على حالتي مش هكا
جيلان : لا امااا .. انا تأثرت .. وهو شنوا هدفوا
رائد : في خدمتنا مالازمش تتأثري ولا تعطي سرك لحد ....وقت يوثق فيك هو يحكيلك بنفسوا من غير ماتطلب انتي ... قام وخلاها غارقة في تفكيرها ... معناتوا كل هذي الفترة ماقدرتش تخليه يوثق فيها ... أما ماهيش بش تستسلم وراح تعرف ولو بالقوة ... علاش هو يعرف عليها كل شي ...بقات هكاكا لين لحق الليل ... شافت في ساعتها وقامت مشات للبار اما المرة هذي مشات وحدها من غير رائد ... قررت انها تعمل كل شي يجي في بالها ... من غير ماتطلب اذن حد ... كأنها تغيضوا او تلفت انتباهو في في داخلها مش فاهمة روحها .... دخلت قابلتها كيف العادة قاعدة مع فهد ويضحكوا ... كرزت اما رجعت تبسمت تبسيمة خبث ... ومشات جهتهم ...
جيلان : ماعليش نريح معاكم
فهد : (عيونوا لمعوا هز يدها وباسها ) تفضل ليا الشرف نورت ... ميرنا تغزر لخوها متعجبة في اللطافة لي نزلت عليه مرة وحدة ... قعدت جيلان تتبسم وميرنا مش مستلطفتها خلاص
ميرنا : سامحوني بش نمشي للحمام ونرجع ... هزولها براسهم ... جيلان ماراحش تلقى فرصة كيف هذي ... بدات تقرب من فهد وتتضيحك معاه وهو كأنوا ماصدق وطلق يديه بداو يسرحوا على بدنها ... وهي مش طايقاتوا
جيلان : شنوا ماكش بش تطلبلي شي نشربوا
فهد : عصير مش هكا ... تبسمتلوا مزال متذكر وقت قالتلوا مانشربش وقف فهد مشى بش يجيبلها طلبها ... لاحت يدها في صاكها وجبدت حبتين حطتها في كاس ميرنا ورجعت صاكها لمكانوا وريڨلت قعدتها ... بالوقت جات ميرنا تتبسم ...
ميرنا : وين مشى فهد ... جات تجاوبها ... لقاتوا جاء وحط قدامها كاس العصير
فهد : تفضل يا أميرة ... تبسمتلوا جيلان وهزت الكاس
ميرنا : هه ماكنتڜ نتصور انوا فما حد يجي للبار بش يشرب عصير
جيلان : هههههه انا عزيزتي ... هاك شفت ... ضحكوا كلهم ... وبقاو يحكيوا وميرنا كل مرة تشرب من كاسها لين كملاتوا ...
ميرنا : ننصحك جيلان تذوق كاس والله ماتندم تي تنسى حتى بوووك بكاس واحد ... وبدات تضحك ... جيلان قاعدة تغزرلها وتتبسم بخبث ....
هزت راسها قابلها قاعد ملامحوا باردة كيف الثلج راح يجلطها ... كل مرة بوجه ... جات فكرة في راسها ...
جيلان : فهد شرايك تشطح معايا
فهد : بالطبع .... وقفوا ونزلوا وسط الغاشي وهذا كل تحت أنظاروا بالوقت دخل لؤي قعد جنب ميرنا لي مش سامعة بحد ...
لؤي : شتعمل هذيك مع فهد
ميرنا : هه شكون جيلان .. (وعاودت غزرتلها ) هههه يشطحوا ... لؤي نفخ باين انها سكرت ...
فهد كان كل مرة يقرب اكثر من جيلان ويحط يدوا في بلاصة .جبدها وباسها بوسة صغيرة قدام شفافها .. وهي متعمدة ماتجبدش روحها منوا تحب تعرف شنوا ردة فعلوا .... قام لؤي ومشى جهتهم وحط يدوا على جيلان
لؤي: شنوا يافرخة ماكش بش تشيخني انا زادا
فهد : لؤي شنوا تخرف ماتنساش روحك انت متزوج اختي
فهد : ههههه علاش ياخي تذوق وحدك انا زادة عطشان عندي ياسر مارويتش نفسي ... فهد جن وطاح على لؤي يضرب فيه ... مش لان حكى هكاكا على جيلان خاطر ماحترمش اختوا وقاعد يساوم في وحدة قدامها ميرنا مشات تجري تفكهم ...
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
