👧كرونيك يقتل :لعنة -أنثى 💗💓❤️‍🔥

13

#الحلقة_13❤❤
#لعنة_أنثى 🔥🔥
#خولة_عزيز 🌶🌶
باسل : تفضل اقعد توا ننده لأمي ونرجع ... هزتلوا براسها ايه ... مشاء وخلاها واقفة لفت انتباهها كادر وقفت قربت منوا تشوف في الالوان كلها مداخلة الوان تعبر على الغضب والصخب .. تهزت على صوتوا
أيهم : شتعمل هوني ... تلفتت قابلها شاب ملامحوا باردة ماتعبر على شي عروق وجهوا مكبوسة .. خلا رجليها يرجفوا من الخوف صوتوا وملامح وجهوا وحدهم رعبوها .. جات ترد بالوقت جاء باسل واموا لي قربت منها تسلم عليها
سلمى : مرحبا بنتي تفضل علاش واقفة ... تخزرلهم بالواحد كأنها تايهة وسطهم .. وبعدها قعدت حشمانة ماعرفت شنوا تحكي
أيهم : حد فيكم يقولي شتعمل هذي هوني ..
باسل :امي مايسالش هذي الصغرونة تبات ليوم بحذانا ..
سلمى : مممممم بالطبع ولدي داري مفتوحة لكل الناس
أيهم :( يتمتم تحت لسانوا ) افتحوها دار ايتام احسن ... فد منهم ومن تصرفاتهم لي تتحكم فيهم العاطفة اكثر ... تعداهم وطلع لغرفتوا ... جيلان حساتوا موش مرحب بوجودها ومعصب منها كأنوا يعرفها او حكى معاها من قبل تي هي في الاصل اول مرة تشوفوا كيفاش حتى يتعامل معاها هكاك فطنت على صوت سلمى
سلمى : ماعرفتنيش بروحك يابنتي
جيلان : اسمي جيلان
باسل : تي هاو طلع اسمك مزيان وتخبي فيه علينا ... ضحكوا الكل ... خذاتها سلمى لغرفتها وماسيبتها غير وقت حكاتلها كل شي من صغرها لحتى ليلة ... ماعرفتش كيفاش نجمت تحكيلها اما هي حستها كيف امها ... كانت تسمعلها بكل تفصيل وتتجاوب مع حكايتها عن طريق الدموع ولا وقت تضمها لحضنها تحب تحسسها بالامان والحنان ... وقت حستها تعبت قامت حبت تخليها ترتاح وترقد اما صدمتها وقت طلبت منها ترقد في حضنها وسلمى ماكانتش من المعارضين ... في الاصل حبتها واحساس داخلها يجذبها ليها ... كأنها قطعة من روحها ... رقدتها في حضنها تمسحلها على شعرها حتى رقدت
💥جام ورأيكم في الريبوند💥