👧كرونيك يقتل :لعنة -أنثى 💗💓❤️‍🔥

23

#الحلقة_23❤❤
#لعنة_أنثى 🔥🔥
#خولة_عزيز 🌶🌶
فتح باب الغرفة لي كانت فيها لقاها واقفة قدام المرايا .. تقدم جاء واقف وراها ... تصدمت على شوفتوا جات تحكي سبقها هو
أيهم : أكيد مستغربة شنوا نعمل هوني او بالاحرى انتي لي شنوا تعملي هوني
جيلان : أنننننت لي خطفتني ؟ 😮😮😮
ايهم : شايفتني فارغ شغل حتى نخطف فروخة ...( كرزها بكلاموا وبوقاحتوا  ڨحرتلوا ) شكون هذوكا وواش مشكلتك معاهم
جيلان : (فهمت قصدوا اما حبت تفركهم عليه ) شتقصد
أيهم : تتعرضي للاغتصاب .. تحملي .. تتساومي على شرفك .. طردك خالتك لي هي في الاصل مش خالتك من الدار ... .. تصدمت من كلاموا من وين يعرف هذا كلوا .. زعما تكون هي خبراتوا
أيهم : عرفت لروحي حد ماخبرني .... (فتحت عيونها على وسعهم كأنوا يقرا في افكارها ... خلاها تجمد في بلاصتها )
جيلان : اااننت شكون
أيهم : أيهم رجل اعمال ..
جيلان : هذا الكل يعرفوه ...نحب نعرف لي مخبيه ..
تبسم على ذكائها .. عدا صبعوا على انفوا وكمل يحكي : عندي ليك اقتراح ... نساعدك تنتقم من الناس لي عملوا فيك هكا ... نعطيك وجه جديد بنفس الملامح تدخل وسطهم ... وفي عقر دارهم ... تخلي كل شخص تعدى عليك يدفع الثمن
جيلان : شنوا المقابل ... علاش تساعد فيا هكا
أيهم : عدونا واحد .... يكفيك هذا السبب .. وتوا نخليك تفكر في الامر ... مع انوا عرضي مايترفضش عطاها بظهروا ومشى
جيلان : لاا
توقف على كلمتها ... عرفها ماهيش بش توافق بسهولة هذي ... تكلم من غير مايدور ليها
أيهم : أغزر لوجهك في المرايا ... حط يدك على بطنك ... انتي الخاسرة الوحيدة خسرت ولدك وخسرت وجهك .. ماعندك دار تمشيلها ولا اهل تتقوا بهم ... الكل عايش كيف مايحب ... من غيرك انت ... رمالها كلماتوا وخرج .. خلا افكارها تتصادم داخل عقلها وقلبها يتألم بشدة .. كلاموا صحيح هي الخاسرة الوحيدة .. هي كانت قوية بوجود ولدها هو لي عطاها الامل بش تقاوم وتواجه اما توا صايي مشى وخلاها غارقة في ضعفها ... مشات ترمات على السرير تبكي بقهرة ...
كانوا قدام الباب يسمعوا في بكاها ... غزرلوا غزرة اسف بمعنى ماهيش بش تنجم .. ماهيش الشخص لي يمكن يساعدهم .. قاطعلوا حبل افكاروا وقت تكلم
أيهم : راح توافق ... بش نخليها توافق ... #لعنة راح ترجع للساحة وبش دمر كل شي ... خلي الطبيب يكون حاضر
💥 جام ورأيكم في الريبوند 💥