👧كرونيك يقتل :لعنة -أنثى 💗💓❤️‍🔥

46

#الحلقة_46❤❤
#لعنة_أنثى 🔥🔥
#خولة_عزيز 🌶🌶
طالع في الدروج وجهوا كل مدمدم ... دبشوا مكرفص ... تقول نهشوه لكلاب هاز في يدوا جاكيتوا ... يسمع صوت اموا تصرخ .
جهيدة : على جثتي كان تدخل داري جيلان مرة اخرى
عمر: شنوا عملتلك البنية ... علاش حاقدة عليها هكا
جهيدة : ماعملتلي شي اما ماطاحتش على ڨوسطويا ياخي نصوحبها ذراع
عمر : لا انت تتعامل معاها هكا خاطرها تشبه جنان
جهيدة : مالارقعة وجه عندك تذكر اسمها قدامي وفي داري
عمر : انساها وأنسى الماضي وسكر على الموضوع والحفلة بش تنقام برضايتك ولالا .... سمع كل الحديث لي دار بينهم  ... مافهم شي ... شكون المرأة لي كانوا يحكيوا عليها وشنوا علاقتها بجيلان واموا علاش تكره جيلان ... كومة اسئلة حرقتلوا راسو ... تعدا لغرفتوا نحا الشوميز لي عليها الدم رماها ودخل عمل دوش وخرج ... فات للجاكيت جبد تلفونوا وتسطح فوق سرير ...لقى لحقوا ميساج فتحوا يقرا فيه " قبل شهرين انت صدمت وحدة وبدات القصة   " زاد قرا الثاني " كانت اول بنت ترفضك "  خبط التلفوق وقام يصرخ حكماتوا هيستيريا تاع غش قام يكسر في كل شي يجي في وجهوا ...
لؤي : شكون انت ... شكوووون راح نجن ... ميرنا والله موتك تكون على يدي كان تطلع انتي ورا هذوا الميساجات
بالوقت دخلوا عليه اموا وبوه
جهيدة : دورت وجهها على كل شبر في الغرفة شنوا صار علاش الدنيا هكا مقلوبة
عمر : مرتك وين
لؤي : في جهنم الحمرا ... مشاتلوا جهيدة تجري تحاول تهديه ..دزها وخرجهم برا الغرفة وغلق الباب .. طاح على الأرض ...
أيهم : وقت كنتي عايشة كنتي دمرتي حياتي وبعد موتك رجعتي كابوسي انت لعنة ياجيلان وحلت على راسي ... أرتاح في قبرك واطلع من حياتي صاايي فديت ... انتي ربحتي في هذي اللعبة
_ عند ميرنا وفهد :
وهوما داخلين قابلتهم ليان ... مشاتلهم
ليان : فهد شتعمل معاك ميرنا ... علاش ماروحتش لدارها ...
فهد : كنا سهرانين وصرات مشكلة بيني وبين لؤي وتعاركنا وانا هزيت ميرنا معايا
ليان : فهد مايجيش لي عملتوا ميرنا صارت تحت اسموا مش كل عركة تصرا بينكم دخلوها في حساباتكم ...
فهد : افففف ليان مانيش ناقص همك توا مش شايفة حالتها خوذها لغرفتها ... حاوطتها ليان ومشات بها لصالدوبان فتحت عليها المرش بلكشي تفيق على روحها مايجيش تسكر كل ليلة ... خرجتها وحطتها فوق السرير وجابتلها دبش جديد بش تغيرلها تصدمت وقت شافت بدنها كلوا ازرق
ليان : شكووون عمل فيك هكا
ميرنا : تغزرلها وتغزر ليتراس لي عليها وضحكت ...
ليان : لؤي مش هكا ؟؟ هزتلها ميرنا براسها
ميرنا : تعبانة ونحب نرقد ... عدلتها في فرشها وتسطحت قدامها تمسحلها على راسها وتحكيى
ليان : اه ياميرنا شعملت في روحك تبعت قلبك هوكا وين وصلك ... لحقت به يضربك .... هه نلوم فيك انتي لي صغيرة وانا هاني انا كبيرة وغطست في الخمج تاع بوك على جال قلبي .... اه ياباسل لو تحس بيا وبالتضحية لي عملتها على خاطرك .... بقات على هذيكا الحالة لين رقدت جنب أختها
💥 جام ورأيكم في الريبوند 💥