👧كرونيك يقتل :لعنة -أنثى 💗💓❤️‍🔥

18

#الحلقة_18❤❤
#لعنة_أنثى 🔥🔥
#خولة_عزيز 🌶🌶
_يسوق في سيارتوا يسب في باسل ويلعن فيه
ايهم : الله يلعنك ياباسل علاش تورط روحك في وحدة كيف هذي ماضيها كلوا مسخ ... وكل مرة مع راجل شكل .. لا تعرف عليها شي وجايبها لوسط دارنا ... الطفلة هذي وراها حكاية ويمكن زادا انها كانت تمثل ليلتها قدام فيلا سي عمر ... خاطر موش صدفة انها تعرفكم لزوج ...
العصب تمكن منوا وعيونوا يقطروا غش حالف إلا مايروح يفرغ فيه كل غشو خاطروا يتحرك بلا مايخطط لشي وهو هكاكا يشوف في زوج سيارات تابعين السيارة لي كانت فيها ويحاولوا يتخطاوها... اما السيارة الاولى زادت في السرعة ودخلت لطريق التلة وهوما لحقوا عليها .. ستغرب من الشي لي يصير عفس على الفران لاحق وراهم ... قابلوه كيفاش السيارات كيفاش يحتكوا بالسيارة هذيكا ويحاولو يوقفوها اما صار لي ماكانش يتوقع السيارة لي فيها البنت ضربت بسيارة وقلبتها وكملت طريقها ...تعدا السيارة المقلوبة يغزر للرجال لي ميتين فيها ... جبد تلفونوا وطلب رائد وعطاه عنوان المكان وطلب منوا ينظف الحالة ويعرفلوا رجال من هذوا ... دور عينيه ... يشوف السيارة لي كانت فيها البنت تقلبت ... ورجال الثانيين نزلوا جهتها .. كأنهم يلوجوا على شي .. بالوقت شافهم كيفاش يسحبوا فيها من داخل امت وجهها كلوا مجروح ومدمدم .... جبد سلاحوا ونزل من سيارتوا قاصدهم ... للحظة تلفت واحد منهم حب يسحب سلاحوا ... زرب ايهم وقوص عليه ... وتعدا للراجل الثاني لي كان يسجب في جيلان لي باينها ميتة زاد قوصوا هو زادا عند رجلوا خلاه يتألم .. ومشى جهة جيلان يتلمس فيها يحب يتأكد من موتها وتلفت للراجل هذاك معصب
أيهم : شكون انتم وعلاش تحاولوا تقتلوها
الراجل : مانعرفهاش انا عبد مامور بربي سيبني خليني نمشي
ايهم كلام الراجل خلاه يعصب اكثر ضربوا لرجلوا لي مقوصة ومشى هز جيلان وحطها في سيارتوا من ورا ورجع ضرب الراجل على راسوا لين داخ وحملوا رمان في لامان ... توا نعرفوا شكون انتم وعلاش قتلتوها. خدم سيارتوا ومشى للمقر السري تاعو
_فهد بعد ماتأكدوا انو رجالو خذاو البنت وامرهم يراقبوها مليح ومايمسوا شعرة منها سلم على اختوا وأمرها تمشي تقرا ... وهو يكمل الباقي ومشى للشركة
_عند ليان : كانت تخدم في ليزيرجونس وكل دقيقة تهز راسها تلوج عليه ... مش من عادتوا يتأخر ... لمعوا عيونها على شوفتوا خلات المريض لي كان بين يديها ومشاتلوا
ليان : صباح الخير باسل .. علاش تأخرت
باسل : (هاز حاجبوا ماعجباتوش طريقة كلامها ) شنوا ياخي تحاسب فيا ولا شنوا ..."" ليان تلعثمت وحمارت من نبزتوا قدام زملائها "" وثاني مرة ماتخليش مريض يستنى حتى ولو تشوفي بوك قدامك يموت ... وتوا نقولك صباح الخير ... وتعداها يتفحص في المرضى لي ثم
ليان جاتها صاحبتها تهمسلها في وذنها
هي : فكك منوا باينتوا موش ساهل وزايد شايف روحوا
ليان : لا مستحيل .. بش نبقى وراه لين نجيبوا للثنية ولا مانكونش ليان وغمزت لصحبتها وضحكوا ومشاو يكملوا خدمتهم
💥 جام ورأيكم في الريبوند 💥