👧كرونيك يقتل :لعنة -أنثى 💗💓❤️‍🔥

48

#الحلقة_48❤❤
#لعنة_أنثى 🔥🔥
#خولة_عزيز 🌶🌶
_ عند ليان ... قامت لقات روحها رقدت جنب اختها قامت من غير ماتعمل حس فاتت لصالدوبان تغسل ...ميرنا فتحت عيونها على صوت الباب قامت لقات بدنها كلوا ينمل عليها ... رجعت تحك فيه تعرفش علاه خرجت ليان بعد ماعملت دوش لقاتها على هذيك الحالة قربت منها
ليان : شبيك عزيزتي ... علاش تحك هكا
ميرنا : جسمي ياكل فيا من كل طرف نعرفش علاش ...
ليان : باهي قوم خليني نفحصك يمكن كيت حاجة خلاتك تتحسس
ميرنا : لا توا ناخذ كاس ونصير مليحة
ليان : ميرنا الشراب مش باهيلك ولازم تبعد عليها ... ميرنا فدت من كلام اختها وبش تتهنى من نقيرها عملتلها براسها باهي ... ومشات دخلت لصالدوبان
ليان : ان شاء مايطلعش لي في بالي ياميرنا ... ... ليان كانت تظن انوا اختها رجعت مدمنة كحول اما ماتعرفش انوا حالتها اخطر من هكا ... قامت مشات لغرفتها لبست ونزلت مشات للمشفى ... توقفت ونزلت تزرب بش تلحق عليه ... لقاتوا راح يغلق الاسنسور
ليان : باسل باسل ماتسكرش ... ودخلت
باسل : صباح الخير
ليان : صباح الخير
باسل : شبيك تنهج هكا ... ياخي كنت تجري ... ليان تلبكت كان تقولوا ايه فهو راح يديها في روحوا ويحسب انها جرات بش تلحقوا
ليان : لا .. اما عندي توا عملية وخفت نتأخر على هذيكا وقفتك قبل لا تغلق
باسل : برافوو هكا نحبك ليان خدمتك لازم تحبها .... ليان فرحتها ماتعطيهاش لحد اول مرة يقولها نحبك ... وشكرها
_ كانت تجري ومش حاسة بحد كأنها في عالم آخر ... كأنوا اليوم نولدت من جديد والحياة فتحتلها حضنها ... بوسة منوا خلاتها تنسى إسمها وكيانها .... توقفت في وسط الطريق تنهج ترد في النفس... صوت الزمار عامل حالة وهي مش سامعة به نزل ومشالها
احمد :  ياخي طرشة عندي ساعة نزمر عليه 
جيلان : بربي مسيب.هذي طريق كلها ومعلق عليا ومادخلكش نوقف وين نحب .. يغزرلها كيفاش تعارك لا وفوق ماهي الغلطانة تلوم فيه وقت ماحبتش تسكت وتخليلوا مجال انو يحكي حط يدوا على فمها غلقهولها وزير عليه لين وجعها
جان : ياخي بالعة كاسيت اتنفس شوي بين الكلمة واختها .. وزادا انت الغالطة ولازم تعتذر مش انا لان انتي لي واقفة نص طريق
جيلان : لاتكون طريق بوك وأنا نعرفش ...وتحلم كان نعتذر منك مالا بهيم
جان : زايد ماتحشمش ... كان اهلك مارباوكش انا بش نربيك .... جيلان كلاموا وجعها وحست بغصة في قلبها تجمعوا الدموع في عيونها .... دزاتوا وتعدات غير بعدت عليه خلاتهم نزلوا ... اما هو بقى يسب ويلعن فيها ...
_ميرنا بعد ماغيرت نزلت ... لقات بوها وامها يڨحروا لبعضهم كيف العادة
ميرنا : صباح الخير
حاتم : شنوا ياخي انتي كل ليلة تبات هوني كأنك ماتزوجت
صفية : ( ڨحرتلوا ڨحرة موت ) صباح النور عزيزتي اقعد تفطر
ميرنا : لا ماعينيش تسدت نفسي .... ومشات خرجت تروح لدارها
صفية : علاش عملت هكا مع البنت توا ندرا فاش تخمم
حاتم : تخمم ولا تطرطق اصلا فديت من بنت وتصرفاتها ... وهاني نبه عليك كان نزيد نلقاها بايتة هوني بش نطردها مش ناقصني نربي فروخة على كبري ...تعداها وخلاها تاكل في روحها من داخل تعرف مليح شنوا يقصد ... هو يعاملها هكا خاطرها مش بنتوا بنت أدم ...نفخت وقامت هي زادا
_ لؤي كان فاق ولبس ونزل بش يمشي للشركة لقا بوه خرج واموا قاعدة تفطر
لؤي : شنوا ياخي نشوفك هوني مش بش تمشي للشركة
جهيدة : ناس تصبح قبل لا عاد تتربى ... ومانيش بش نمشي للشركة بعد اليوم وبش نحضر لحفلة الملكة جيلاااان
لؤي : اووووه لالاجهيدة لا يكون خذيت تقاعد
جهيدة : ايه تقاعدت وسلمتلك المشعل ليك ان شاء الله ماتحشمنيش كيف العادة ... حسها نبزاتوا تعصب من كلامها ... خرج وخبط الباب ... وصل لسيارتوا شاف ميرنا وقت نزلت من سيارتها مشالها
لؤي : شنوا يامدام لا تحسب روحك في اوتيل تدخل وقت تحب وتخرج وقت تحب
ميرنا : بربي فكني ماشني في نهاري ... غزرلها بإيتغراب وشاف لون وجهها كيفاش شاحب وتحت عيونها زروقا ... هزلها بكتافوا بمعنى مادخلنيش فيك وركب خلاها دخلت ... جات تطلع وقفتها وقت سألتها وين كانت ... سمطتها وفاتت لغرفتها ...تحس البرد تسلل لكل عظامها وكل شبر منها ينمل عليها طلعت في فرشها وتغطات تهزت على صوت الباب لي تفتح بقوي
جهيدة : وقت نكلمك تجاوبني كيف خلق ربي مانيش خدامة عند امك فاهمة ..هزت الغطاء من عليها وتحكي بصوت تاعب
ميرنا : انتي علاش تعاملني هكا ... شعندك ضدي
جهيدة : لتوا تسأل ... نسيت عملتك ... مش انت والساقطة هذيكا لي جيتوا ليلتها وقلبتوا حياتنا ... لا وانت في عوض ماطفي النار قمت جبت الفيديو وغصبت ولدي انوا يتزوجك
ميرنا : ولدك لي وافق .. كان ينجم يرفض تهديداتي بما انوا جيلان ماتت وتخلصتوا منها ... باز ماتكونوا عندكم يد في الحادث لي صرالها
جهيدة : تصدمت من كلامها ... اكيد جنت حتى تلفقلها تهمة بالقتل ... هاي انتي شايفتني خريجة سجون ولا ساقطة كيف امك ... ميرنا جنت قامت ودزتها للحيط تهدد : كان سمعتك مرة اخرى حكيت على امي بالعاطل والله نقتلك ونطرتها جات طايحة ترد في النفس وتغزرلها بغل قامت على روحها وخرجت تتوعد إلا ماتفضحها الليلة
💥 جام ورأيكم في الريبوند 💥