#الحلقة_27❤❤
#لعنة_أنثى 🔥🔥
#خولة_عزيز 🌶🌶
فيقهم من سرحتهم رائد وقت دخل ...تصدم وقت شافها مشالها ومسكها من يدها يلف فيها
رائد : مالا قنبلة تي تسحر يابنتي ليلة بش تجلطهم الكل بجمالك ... نظمنلك بش تعمل سيكسيو الليلة وطيرها للعروس ... جيلان وقت سمعت كلمت عروس تمحات الضحكة من وجهها ... وحست بمرارة في حلقها ... بالوقت رجعوا عيونها يلمعوا حقد وكره ليهم الاثنين
اما ايهم وقت شاف لبستها كيفاش مفصلتها كرز منها والعصب نهشلوا مخوا من كلام و غزرات رائد ليها كبس يدوا لين عروقوا ظهروا ...تمنى كون غرس صباعوا في عيونوا وقصلوا لسانوا بش يتعلم يحكي مرة اخرى .. بالوقت فاق نفظ راسوا وطرد الافكار الخايبة لي جاتوا ... هو شمدخلوا فيها ...تعمل لي تحب عليه هي مجردة عميلة تخدم تحت يديه ... كل لي يهموا انها توصلوا للراس الكبير ... حمحم واشارلهم بش يمشيوا ... لأنهم تأخروا ... رائد مد يدوا لجيلان بش ترافقوا ... أيهم غزرلهم ونفخ مشى قبلهم ركب السيارة يسوق وكل مرة يغزرلها من Rétroviseurs..وقت شافها طلعت راسها تغزرلوا هي زادة ڨحرلها خلاها دور وجهها مش ناقصة كلاموا لي يقطر سم اصلا الستراس والفشلة نخرت عظامها نخير
_ في الفيلا : نازلة لابسة غوب بلونش جاتها فتوقها ... وهو كوستيم بلو فونصي ... ماسكة في ذراعوا وتتبسم ... اما هو كأنوا مش عرسوا ملامحوا ماتعبر على شي. .. امها واختها يمشيو وراها ويصلوا على النبي ... تقدموا لين وصلوا لطاولة العقد ... كانت تمشي بخطوات ثابتة اما توقفت وقت شافتوا ماسكها وقعدوا على طاولة العقد كبست على يد رائد لي كان ماسكها .. أيهم حس عليها ... تقدم منها وكبس على يديها غلغل صباعوا بين صباعها ... هزت راسها غزرتلوا ... بالوقت رمشلها بعينوا بقات تغزرلوا كأنها تستمد قوتها من غزرات عيونوا ... وقت يكون بجنبها تحس بقوتها ... نزلت على يدها ثانية وحطتها فوق يدوا لي مساكتها وهزتلوا براسها بمعنى حاضرة للمواجهة مشاو دخلوا لقاوهم يصفقوا باز يكونوا تزوجوا وخلصوا وقت هوما لهاو بالنظرات لي تبادلوها اسرتهم قبل شوي اصلا ماحسوش بالوقت قداش تعدا وهوما هكاكا واقفين ... الكل تلفت على دخلتهم .. حضورها طغى بجمالها .... وفما لي تصدم بشوفتها ومنهم لي غرق وداخ من زينها واناقتها ... فهد كلاها بعينيه ...لدرجة انوا مارمشش من شوفتها ... على عكس صفية وجهيدة وحاتم لي تصدموا ... أما عمر عيونوا لمعت وقت شافها قلبوا رعش وتحركوا داخلوا مشاعر كان دافنها ... نطق اسمها من غير مايحس جنان ... تلفتتلوا جهيدة تغزرلوا بنظرات كلها حسرة ... بالرغم من كل هذوا السنين مامحاهاش من ذاكرتوا ..باسل يغزر لخوه وهو ماسك وحدة طبق الأصل على مرت خالو
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Фэнтези#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
