تفاعل كي اكمل
#الحلقة_71❤❤
#لعنة_أنثى 🔥🔥
#خولة_عزيز 🌶🌶
أيهم كان في بيروه يراقب فيهم من الكاميرا لي حطتها جيلان في غرفة لؤي ... ماحاولش يدخل ... خلاهم لين كملوا خلصوا على بعض وكلم الشرطة .... بلغ على الحادث .... هز راسوا وقت دخلت ...
جيلان : ممكن ندخل
ايهم :( من غير مايغزر لوجهها ) مممم تفضل وشاورلها بيدوا تقرب للمكتب ... مشات على جهتوا دورلها الميكروا ... تقدمت اكثر وقت شافت الشي لي صرا من غير ماتحس على روحها قربت منوا اكثر تحاول ترجع الفيديوا لورا وبفعلتها خلات بدنوا كلوا يتكبس من قربها ... السخانة تمكنت منوا ....دارت لعندوا جاء وجهها في وجهوا نفسها تخلط مع نفسوا ...ركز عيونوا على شفايفها ...كان راح يحط شفافوا فوق شفافها دخلت عليهم خولة .... جبد روحوا منها بزربة ... وعدا يدوا على وجهوا يسب ويلعن في روحوا على الشي لي كان حايعملوا ...كان هو يحب خولة من زمان وكان ينتقم لخاطرها ... علاش يضعف وقت تكون بقربوا جيلان ... علاش ماينجمش يقاومها ... علاش كل مرة يبعد يلقى رجليه هزوه ليها ...صحيح هي لعنة ونزلت على راس الكل ... وهو كان ماجبدش روحوا منها بش يخليها تحرق قلوب العباد لي يحبهم ... هو صنع الوحش لي داخلها وهي مارحمتش حد بنارها ... قبل شوي برك كانت السبب في موت عايلة كاملة .. ولا اختها لي ماتعرفش بوجودها اصلا خلاتها ترجع مدمنة ... لا هو ماهوش بش يعطيها فرصة تاذي خولة او تفرق بينوا وبين عشيروا ... قام ومشى لخولة جبدها جات في حضنوا ... يحكي عند رقبتها .
أيهم : عزيزتي مزيا جيتي كنت بش نقولك خلينا نخرجوا نتعشاو برا ...خولة حملاتوا وباساتوا بوسة قريبة على شفايفوا
خولة : بالطبيعة حبي خليني نمشي نجهز روحي بسرعة ... باسها على خدها ومشات فرحانة انها قدرت ترجعوا ليها ... كانوا يبوسوا في بعض ويتمعشقوا كأنوا هي مش واقفة قدامهم ...قلبها مقسوم على زوج وجيعة مش نورمال في حزامها ...خلاها مصدومة من فعلتوا قبل شوي برك كان قريب ليها لدرجة تسمع دقات قلبوا ... كون مادخلتش هي يمكن يغطسوا في شفايف بعض ... كركرت رجليها وخرجت من غير ماتغزرلوا .... ليوم تأكدت انها ماتعنيلوا شي هي كانت مجرد نزوة في حياتي او يمكن كانت شهوة من شهواتوا ووقت رقدت معاه طفى ... ركبت سيارتها وخلات دموعها ياخذوا طريقهم على خدها حرقوها وحرقوا قلبها ... كانها لتوا ماتعلمت شي من الحياة ... ياه قداش كانت غبية وقت سلماتو روحها ... هاو عطاها بظهروا وقت رجعت خطيبتوا ... يمكن كلام رائد صحيح ولازم تطلع من حياتهم اصلا الشي لي دخلت على جالوا كملاتوا انتقامها وفا توا ... دورت مفتاح سيارتها ومشات ...
_في دار سي عمر ...الشرطة محاوطة المكان صوت سيارة الاسعاف ...صرع الكل ... غطاوهم وهزوهم ... بالوقت لحق حاتم وليان وصفية ... مشاو يجريوا يفهموا شنوا حصل ...
صفية : ميرنا بنتي شنوا صار ... ميرنا تبكي
ميرنا : طاطا جهيدة قتلتهم ... شهقوا الكل ... دوروا وجههم وقت شافوا جهيدة ويديها مكلبشين والشرطي يجر فيها ... تمشي جهامة من غير روح كأنوا مش في وعيها ... ركبوها ومشاو
ميرنا : خلينا نلحقوا عليهم
حاتم : ماعندنا علاش نلحقوا هوما ماتوا والشرطة توا تعمل اللازم ... ماناش ناقصين صحافة واخبار مزيفة
ليان : بابا فاش تحكي نسيت لي عمي عمر صاحبك وولؤي ولد صاحبك ونسيبك ..
حاتم : مانسيتش ... وبش نعمل لي عليا بش نخلي جهيدة ترشى في الحبس ... غزرولوا كلهم بدهشة من غير صفية لي واقفة تتبسم كأنوا الحكاية جات في صالحها ... هوكا تهنات من الولد الغير شرعي لراجلها ... ڨحرلها حاتم ... لمت تبسيمتها ... ليان طفاتهم وخذات اختها ومشاو للمشفى ...
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
