👧كرونيك يقتل :لعنة -أنثى 💗💓❤️‍🔥

82

#الحلقة_82❤❤
#لعنة_أنثى 🔥🔥
#خولة_عزيز 🌶🌶
بعد مافرغت قلبها للبحر وحست روحها رتاحت شوي وقفت طاكسي وروحت ... لحقت نزلت قربت من الباب اما ترددت انها تدخل ... كان تدخل هذا الباب بش يظن انوا خافت منو وكلمتوا لي مشات ...جبدت نفس عميق وفتحت لباب دخلت تعدات طول للمكتب متاعو ... قربت قعد على الكرسي وفتحت الميكرو ... تخربق فيه لين لمحت فيديو من غرفة لؤي ... شغلاتوا ورجعاتوا لوراء .... تصدمت وقت شافت حاتم كيف يعامل في ميرنا وكيفاش حجزها في الغرفة ... بقات تخمم زعما علاش ... جات في بالها انوا هو بش يخليها تورث وبعدها ياخذ كل املاك عمر ولؤي وهذا لي يفكر فيه حاتم بالضبط حب يسيطر على الشركة ... مسحت الفيديوا بسرعة ... وغلقت الميكروا وخرجت .. طلعت بش تمشي لغرفتها توقفت قدام باب غرفتوا حاجة داخلها تقولها افتحي الباب بقات هكاكا لين قلبها تفوق على عقلها ... دخلت قابلها متسطح صدروا عريان خلا بدنها يزوغب ويقشعر ... لمعوا عيونها وهي تغزرلوا ماحستش برجليها كيفاش هزوه لعندوا ... دورت على جهتوا وقربت اكثر هزت يدها ترجف تحب تعديها على وجهوا وقت شافت جروحوا قلبها عصر عليها ... تغزرلوا راقد هادي كيف الملاك عكس الوحش لي كان يعارك فيها قبل سوايع ... راسوا يابس يعرف كان يتأمر كأنوا الناس ماعندهاش قلب عندوا ... وقفت جات راح تمشي ماتحس كان بيدوا وقت شدت يدها ... بقات واقفة من غير مادور عندوا غمضت عيونها بالقوي كأنها تحاول تجمع قوتها تتنفس بصعوبة فتحت عيونها وقت حكى
أيهم : كنت نعرف انك بش تجي .... ..
دورت وجهها ليه لقاتو يغزرلها بعيون مذبلة وتبسيمة خفيفة على شفايفوا رغم الظلمة لي في الغرفة الا انها نجمت تشوف ملامح وجهوا كلها ... نطرت يدها منوا
جيلان : ماجيتش على خاطرك .. جيت ببش نغير وناخذ غراضي من هوني ( متعمدة تحكي هكا تحب تشوف ردة فعلوا شنوا زعما بش يترجاها تبقى معاه ولا يقولها مع السلامة ) ... اما هو غير سمع كلمها جن ... شنوا تخرف هذي يقتلها ولا يخليها تغيب على عينوا ... تي يقوم بها ويرقد بها ... وتوا تقولوا نلم غراضي ... مد يدوا وحاوطها جبدها جات طايحة فوق حجروا وجهها في صدروا ... ريحتوا تغلغت داخلها ... خلاها تمتم بين شفيفها
جيلان : ياربي شنوا يعمل هذا ؟ .. وهو كأنوا حس عليها .. كبس عليها أكثر .. لين مانجمتش رجت تتغوصر بين يديه .. خرج صوتها متقطع يحرق في صدروا الشي لي زاد شعل ناروا ونقم عليها عليها اكثر
جيلان : ايهم سسيي. يبني وجع. تنييي .. وهو مش معاها كامل ... عيونوا مركزين على شفايفها كيفاش يتحركوا ... مانجمش يشد روحوا اكثر وغطس فيهم يمص ويعض ... باسها بكل عنف وغل ..... ماحست غير بلسانوا.داخل فمها يلعب ... حست بوجيعة في كرشها ... والنفس تقطع عليها ... جبدت روحها منوا تغزرلوا بعيون مدمعة غزرة فيها برشا لوم ويمكن احتقار زادا ...
جيلان : واحد ساقط ...كانت بش تخرج اما هو لحق قبلها لباب غلقوا بالمفتاح وتكى عليه يتبسم بخبث. .. الجاست لي خلاتها ترجف ... زعما على شنوا ناوي لا يكون بش يغتصبها مجرد ماخطرة الفكرة في بالها قلبها طاح ... ونزلوا دموعها ... في سع ماتمحات التبسيمة من وجهوا وقت سمع صوت شهقاتها .... قرب منها حاولت تهرب منوا اما هو تقوا عليها وجبدها ليها يحكي عند رقبتها
أيهم : ### علاش تبكي توا
جيلان : ( بصوت يادوب مسموع )بش تغتصبني مش هكا
ضحك وقهقه بالصوت على تفكيرها وين مشا بها ... تغزرلوا فاتحة فمها كيف يضحك اول مرة تشوفوا يضحك هكا ...
💥 جام ورأيكم في الريبوند 💥