👧كرونيك يقتل :لعنة -أنثى 💗💓❤️‍🔥

78

صحة شريبتكم وشكرا للتصويت برغم زوز أشخاص صوتوا الا اني سعيدة جدا لأنكم تقدرو في مجهودي
لا تنسوا ان تضعو نجمة ⭐ ورأيكم

#الحلقة_78❤❤
#لعنة_أنثى 🔥🔥
#خولة_عزيز 🌶🌶
_ صفية كانت تخمم وتفكر كيفاش تطلع من هوني ... مالقات شي ... تبسمت بخبث وقت جاتها فكرة في بالها فتحت الباب وتكلمت
صفية : ياخي شبيها العين مش حابة تتفتح ... بربي ايجا شوفها ... دخل الراجل وقرب من العين فتحها لقاها ماتمشيش
الراجل : نعرفش باز تكون من تحت خلي نضرب طلة ... هزتلوا براسها ... مع شافتوا نزل لتحت برجليه ... هزت مقص ورشقاتوا في كتفوا خلاتوا يتوجع ... خرجت وغلقت الباب وراها .... وطلعت لفوق دخلت على غرفة جهيدة تعدات لدرسينڨ تفركت على حاجة تلبسها ... لين قابلها طايور بسروال في الاسود لبساتوا ... وتعدات للقجر تلوج على لينات ... بالوقت طاحت علبة مجوهرات ... هزتها وتبسمت بخبث .... جابت صاك من تاع جهيدة ووفرغتها فيه ... حطت اللينات على عيونها وزادت شال فوق شعرها ونزلت تتسلل كيف لي عملوا عملة ...وقت حست بصوت عباد جاي فاتت على المطبخ تخبات .... حتى بعد هذاك الصوت ... غزرت شافت باب يخرج للحديقة الخلفية .... مشاتلوا فتحاتو وخرجت تزرب .... وقت وصلت للباب الخلفي لي يطلع لطريق تبسمت وحكات بين شفايفها
صفية : كان تفكر اني ممكن نخليك تعمل شي ياحاتم تكون تحلم ... خذات طاكسي ديراكت للفيلا جمعت كل غراضها والاوراق الخاصة بها ورجعت ركبت في سيارتها ومشات ....
_ عند أيهم كان يلاحق فيهم ومش فاهم نفسوا علاش يعمل هكا ... لي يعرفوا انوا مستحيل يخليها معاه ... توقف وقت شاف سيارتوا توقفت ... تكى راسوا وهز يدوا يفتح في زراير شوميزتوا وجهوا احمر من الغش كبس على يدوا بقوة وقت شافها دخلت معاه للدار ....
جيلان : ياخي باسل وينوا كانوا مارجعش ...
جان : يمكن جاي خليني نمشي نعمل قهوة
جيلان : ممم باهي هاني بش نجي نعاونك
جان : هههههه بربي حتى القهوة يساعدوا فيها ... كيف حابة تساعدني هوكا اعملها انتي ... ڨحرتلوا تبسملها ومشى يعملها وهي كيف العادة تنشنش كاشما تلقى تاكل ... جبدت حكة شكلاطة فتحتها وبدات تاكل ... جان كان يعمل في القهوة وعيونوا على شفايفها لي مبلبزين بالشكلاط ... شاهي يعدي لسانوا عليهم ويستطعم ذوق الشكلاط منهم .. ماحسش على روحوا كيفاش فاضت القهوة وقت فطنت من الشرود لي كان فيه تهز وماعرفش كيفاش ساحت عليه القهوة صرخ ...
جان : اي اي .... حطت علبة الشكلاط ومشاتلوا تجري ... حطت يدها فوق المكان لي ساحت فيه القهوة وتحكي بلهفة
جيلان : بربي وين كان عقلك ... حتى عملت في روحك هكا
جان : عندك ( طبعا قالها في قلبوا ) جيلان : انزع مريولك بسرعة قبل لا تمشي الحريقة فيه ... ساعدها تنحيلوا المريول ... وقت حطت يدها على الحريق بدنوا رعش ... اما رعشتوا كانت بسبب لمست يدها مش بسبب الوجيعة
جيلان : خليني نجيب ثلج ... فتحت الثلاجة مالقاتش ثلج ... ماعرفتش شنوا تعمل ... غزرت للعين عبت كاسوا وطرشاتوا فوق صدروا تخطف
جان : فاش تعملي ياخي ؟؟؟
جيلان : شنعمل؟؟؟ نلعب ... واضح نعالج فيك
جان : تقوم تكب عليا الماء وتبللني
جيلان : الماء البارد مليح للحريق قريتها في الانترنيت ... غزرلها يستغفر ...
جان : مزيا ماجيتش دكتورة ... وخر خليني نمشي نغير دبشي .... قلبتلوا عينيها
جيلان : انا الغالطة لي خممت نعالجك هاك طلعت ناكر للخير .. ان شاء الله تتحرق في نار جهنم مش بالقهوة برك ... جان من الصالون
جان : ارفع صوتك اكثر مش سامعك .... جاء بش يمشي لغرفتوا سمع الجرس يرن ... هز كتافوا زعما شكون يكون ... باز يكون باسل .
💥 جام ورأيكم في الريبوند 💥