👧كرونيك يقتل :لعنة -أنثى 💗💓❤️‍🔥

74

#الحلقة_74❤❤
#لعنة_أنثى 🔥🔥
#خولة_عزيز 🌶🌶
_ اليوم بش تكون دفينة عمر ولؤي .... حاتم كان مستكلف بكل شي ....وخبر الكل بش يحضروا
جيلان فاقت الصباح ... لقات باسل واقف حاب يعقم جرحوا اما مانجمش ... قربت منوا ونحاتلوا الضماد وبدات تعقملوا في جرحوا .... كملتلوا لبس دبشوا
جيلان : وين ماشي ...
باسل : باز ماتكونيش عايشة ... الدنيا مقلوبة برا وعمر ولؤي ماتوا واليوم بش تكون جنازتهم ( جيلان وجهها تخطف )
جيلان : مممماااافيباليش ... توا نمشي نشوف شنوا صار
باسل : باهي نتلاقاو في الدفينة ...
جيلان : ياخي جنيت تمشي بحالتك هذي .. ماعندك علاش تمشي ... اصلا مش منجم توقف على رجليك ...
جان : جيلان عندها حق خلي يرتاح جرحك وامشي عزيهم ...
باسل : ماتجننونيش انتو الثنين ...
جان : اهدا مش باهيلك الغش ... توا انا نمشي معاك هكا نطمن عليك اكثر ... باسل مالقى مايجاوب خاطروا كون يرفض بش ترسالوا قاعد هوني ..
باسل : باهي
جيلان : مالا خلوني انا نمشي نغير .... سلمت عليهم ومشات روحت ...... دخلت طلعت لغرفتها تفاجئت وقت شافتها خارجة من غرفتها ...كرزت ...مسكتها من ذراعها ضاغطة عليه ...
جيلان : شتعمل هوني في غرفتي ...
خولة : بالله صدقت انك فرد منا وهذي غرفتك ....
جيلان : شوفي ماتكلبينيش ... انا نعرف مليح انك منهم ... ليلتها انتي قوصتي عليه
خولة : ماعندك حتى دليل يثبت هذا الشي ... وزيد كان نحب انا نغرقك ونخلي ايهم يعرف انك ليلتها كنتي تساعدي في باسل بش يهرب ....
جيلان : وحدة حقيرة .. لاعبتها صح ...اما تحلمي كان نخليك تتهناي يوم في حياتك .... ودزتها للحيط ... تهزت على يد ايهم لي نطرها بقوة لين ضربت في صدروا ... يغزرلها بغش ...عيونوا دم
أيهم : تعاود ترفع يدك عليها نكسرها ...
جيلان : أيهم افهمني هي ... ماخلاهاش تكمل جبدها ودخلها لغرفتها وغلق الباب خلاو خولة برا تتبسم بإنتصار
أيهم : انتي هوني في مهمة وماتنساش روحك منين جيت ...
جيلان : اتهنى مانسيتش ... اما انا بش نثبتلكم عكس هذا الشي ووقتها تندم
ايهم : انتي وحدة الغيرة عاميتلها عيونها والحقد ساكن قلبها .. لي تقربلوا تحرقوا ... خلاها مصدومة من كلاموا هزت يدها وعطاتوا كف خلاتوا مصدوم
جيلان : تعرف انك واحد حقير ..... ومشات لصالدوبان .... غير غلقت لباب طاحت تبكي ... كان يسمع في بكاها تغرد تقول ماتلها ميت ... قلبوا وجعوا عليها اما وقت تفكر الكف ... نقم عليها اكثر .... خرج من الغرفة ومشى لغرفتوا .... مش حاب يشوف حد ...
مسحت دموعها ووعملت دوش وخرجت لبست دبشها ونزلت ... توقفت وقت شافتها هازة صحن تاع باتيسريي في يدها تاكل وتستبن ... قربت منها نحاتلها الصحن من يدها وقلباتوا على راسها .... كأنوا تحاول تشفي غليلها منها ..
خولة : انتي وحدة مجنونة
جيلان : مزالت ماشفتي شي من جنوني .... ومشات خرجت راحت للجنازة .... خلاتها تندب وتغلي وحدها  شافها رائد وأيهم بهذاك المنظر طرشقوا بالضحك
رائد : شكون لي عمل فيك هكا ... ڨحرتلو ... ايهم هز صبعوا وعداه على وجهها ولحس صبعوا
أيهم : امممم بنين خسارة طاح فوق وجهك وغزر لرائد لي كان ميت بالضحك .... سبتهم ومشات لغرفتها تغسل وهي تلعن في جيلان لي خلاتها مسخرة وسطهم
💥 جام ورأيكم في الريبوند 💥