#الحلقة_52❤❤
#لعنة_أنثى 🔥🔥
#خولة_عزيز 🌶🌶
_كانت تمشي وتلعن في روحها خاطر ماخذاتش بكلام ايهم وغيرت الغوب خاطرها ديرونجاتها في المشية حطت يديها عليها وهزتها تزرب في خطواتها ... تلوج على غرفة بوه لان غرفة لؤي تعرفها من قبل ... دخلت لاول غرفة لقاتها خاطية تعدات لثانية زادا مش هي ... بقاتلها غرفة وحدة .. مشات فتحت الباب ... شافت صورة بوه واموا في الكادر عرفتها هي ... مشات ديراكت تلوج على حاجة تنجم تفيدها ... فتحت القجر جبدت مشط لقاتو تاع اموا ... زادت جبدت الثاني لقات فيه شعرات قصار عرفتوا تاع بوه ... خذات شعرتين وحطتهم في الكيس ... وغلقت الدرج وخرجت تزرب ... تعدات طول لغرفة لؤي ... دخلت وغلقت الباب حطت يدها على قلبها ... ماتولهتش لميرنا لي راقدة في السرير ... مشات للكوافوز مالقات شي ... تعدات لصالدوبان .... لوجت مالقات شي (تسب في قلبها الطحان حتى شعر مايطيحش ان شاء الله كونسار يحكموا ويطيح بكلوا ) دورت وجهها تغزر لشوميزي متاعو قربت منها هزتها لقات فيها بقعة دم ... ظاهر مش قديمة ياسر ... سلمت امرها لله ونفخت .. جبدت مقص ونحات قطعة منها ملطخة بالدم ... جات ترجع الشوميزي في بلاصتها بعدها تذكرت انو ممكن يشلقوا عليها ... هزتها وفرغت عليها دواء الاحمر وبعدها رماتها في البوبال ... وخرجت ...
_ كان يغزر لرائد كيفاش يحاول يشتت انتباه فهد ويسأل فيه اسئلة تافهة خلاتوا يتبسم ...حتى جات عينوا على الكامير لي في غرفة لؤي ... تصدم وقت شافها خارجة من الصالدوبان ولي زادت فشلتوا اكثر وقت شاف ميرنا في السرير
ايهم : شتعمل ياجيلان باز جنييييت ... بش تجلطني الليلة كيفاش مانتبهتيلهاش انها في الغرفة ... وغمض عيونوا ماهوش حاب يشوف الشي لي راح يصرا
ميرنا فطنت على صوت الحس لي تحت ... حلت عيونها تفجعت على شوفتها واقفة ...
ميرنا : شتعمل هوني .... جيلان كأنوا سطل ماء وكبيتيه عليه خافت تلف ...جيلان كأنوا سطل ماء وكبيتيه عليه خافت تلف ليها ... مخها تحرق من التفكير الليلة ...
جيلان : انااا انا انا .. كنت ماشية للحمام ووقت ماشفتكش سألت عليك قالولي انوا مريضة حبيت نطمن عليك ووقت دخلت لقيتك راقدة فستغليت الفرصة وستعملت حمامك ... سامحني بربي ... وقربت منها تحاول تغير الموضوع
جيلان : شبيهم عيونك هكا ...
ميرنا : (كبست على راسها ) نعرفش عندي ايام على هذي الحالة نحس راسي رزين وبدني ينمل عليا ... تبسمت جيلان بخبث ... وفتحت بوشاتها جبدت علبة منها ...
جيلان : خوذ هذا الدواء ايفيكاس لوجع الراس ... انا عطاتهولي طبيبة متاعي دارسة في امريكا وهو غالي برشا ... ميرنا تغزرلها وتغزر للعلبة شدتها عليها وفتحتها جبدت حبة شربتها
جيلان :( هزت كاس ماء )استني يابنتي علاش بلعتها هكاكا خوذ اشرب وراها الماء ....شربت ميرنا الماء وجيلان بقات تغزرلها ... بعد ثواني ميرنا رجعت لطبيعتها كانوا مش هي لي كانت قبل شوي تتلوى في فرشها
ميرنا : الظاهر انوا الدكتورة متاعك شطرة ياسر
جيلان : فوق ماتتصوري ... كان تحب خلي العلبة عندك وقت تحس راسك يوجعك اشرب منها ...
ميرنا : اما انتي قلتي غالي برشا ... جيلان : مايغلاش عليك عزيزتي واصلا انا وجيعة راسي تجيني مرة في العام
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
