👧كرونيك يقتل :لعنة -أنثى 💗💓❤️‍🔥

58

#الحلقة_58❤❤
#لعنة_أنثى 🔥🔥
#خولة_عزيز 🌶🌶

_جيلان كانت تكوبس ... العرق يتصبب منها ... تنطرت قايمة مفجوعة على صورتوا وهو فوقها لقات روحها انها كانت تحلم .... مسحت وجهها بيدها .. دورت وجهها على الغرفة لقاتها متاع أيهم ... قامت لصالدوبان غسلت وجهها ... وبقات تغزر لروحها في المرايا
جيلان : كل شي فيا تغير حتى ملامحي ... الكل حاولوا يستغلوني ... اما مستحيل نخلي حد بعد اليوم يعفسني ... خرجت قابلتها بوشاتها فوق الكوافوز ... هزت فتحتها جبدت منها الشي لي مشات على جالوا ... خرجت من الغرفة نازلة ... توقفت على اسم فهد بقات تسمعلهم مكبسة على الادلة لي في يدها ....
_ رائد : فهد هو بش يكون الطعم لي يوصلنا للراس لكبير
ايهم : لا فهد ماراح يفيدنا بشي احنا بش نلاحق الشخص الصح لي هو حاتم ... من زمان وأحنا نلاحق الشخص الغلط كل إحتمالاتنا كانت دور على عمر اما حاتم كان عارف كيف يلعبها ويتخبى وراء عمر
رائد :  اما المنظمة لقاءتها كلها تكون فجأة ويتحدد مكانها في آخر لحظة
أيهم : حاتم اذكى ويكون عمل حساب لهذا كلوا ... تركيزنا توا عليه وبش نلاحقوا من اشارة تلفونوا خاطروا بش يستخدم تلفونوا كوسيلة بينوا وبين فهد ..
... جيلان بقات تتسمع على كل حديثهم ... ماحست كان على روحها قاعدة في الدرجة نزلت دمعة من عينها مسحتها بزربة تحكي في قلبها ( لا من اليوم مافماش دموع ياجيلان ...) جبدت نفس وريڨلت شعرها وهزت الادلة ونزلت ... وقفوا على شوفتها
رائد : جيلللاااان
ايهم تفجع يحسب كاشما جرالها ... قام من بلاصتوا مخطوف لقاها لفوق في الدرج مشالها يجري ... حط يدوا على وجهها يغزرلها ... بخوف
أيهم : جيلان فيك شي ... صارلك شي .. علاش قمت من فرشك ... انتي تاعبة
جيلان : لا انا مليحة ... جبت هذوا ( عطاتوا الادلة )
أيهم : مش وقتهم ياروحي ... ماحسش كيفاش طلعت الكلمة من فموا ... تبسم رائد مهما حاول يخبي حبوا ليها تصرفاتوا فاضحتوا ...
جيلان : لا وقتهم ... وانا بش نعطيهم لباسل يحللهم
أيهم : شنوووووووووااااااا ... باسل لا ... هاتهم هوني انا نبعثوا للمخبر الخاص بنا
جيلاش : اما انا طلبت منوا يعملهم .... وباسل اضمن واحد ... يقوم بهذي المهمة
ايهم : جيلان ماتجننيش باز يكون لي عشتوا الليلة ضرب في مخك ( ماعرفش كيفاش حكى هكا ) ... غزرتلوا بنقمة وطلعت وصلت لنص الدرجة توقفت تلفتت ليه
جيلان : أنا على الاقل كملت مهمتي بالرغم من كل شي صارلي ... كان يمكني اني نهرب وقت ضربتوا ... اما انا لا تقويت على روحي ورجعت جبت الأدلة لي انت قاعد هوني حاط رجل على رجل تستنى فيهم .. وتهنى ماحكيتش لباسل على كل شي انا طلبت منوا برك .. رماتلوا كلامها ... خلاتوا يحس بالندم والحسرة ... هو ماكانش يقصد هي مجرد زلة لسان ...هي لي ستفزاتوا وقت دخلت باسل في الحكاية كانها نسات انو باسل يخدم في المشفى الخاص بهم وساهل عليهم انوا يكشفوه ... هو عمل المستحيل بش يبعدوا من الحكاية وماهوش بش يدخلوا فيها توا ... اما لي مايعرفوش أيهم انوا باسل رجع نقطة من الحكاية وتغلغل داخلها اكثر ..... نفخ وطلع لغرفتوا ... فتح لباب قابلاتوا راقدة في فرشوا وعاطياتوا بالظهر تبسم على جنب ودخل ... بالرغم انها متغششة منوا أما مانجمتش تبعد عليه ... قرب من الفرش حط يدوا على كتفها
أيهم : جيلان رقدتي ؟ .
جيلان : ..........
تكسل بجنبها وحاوطها بيدوا نفسوا السخون حرقها في رقبتها ... قربوا منها وحدوا يكفي انوا يشعل نارها لداخل ..... يعدي في يدوا على كرشها حسها وقت رعشت بين يديها ... قرب اكثر كأنوا فايق بها أنها فايقة
أيهم : سامحني ماكنتش نقصد لي حكيتوا ... انتي لي مشيت وطلبت من باسل شي من غير علمي ... عصبها بكلاموا لتوا يلوم فيها ... تلفتت ليه جات فوقوا وجهها في وجهوا تڨحرلوا وتحكي بغشوا
جيلان : أنا نوثق في باسل ووقت طلبت منوا يعملها خاطرني متأكدة منوا .... خطفها قلبها تحتوا ...خلاها تتلبك وترجف من الجاست ... دورت عينيها ماحبتش تغزرلوا ... عاود دورلها وجهها يحكي
أيهم : أنا مانوثق في حتى حد
جيلان : حتى أنا
أيهم : حتى نفسي ... تصدمت من جوابوا ماكانتش تستنى في هذا الجواب كيف مايوثقش فيها علاش مزالها تخدم تحت امرتوا وعلاش راها في داروا وفي غرفتوا وتحتها ... فطنت على روحها دزاتوا من فوقها تركز على يدوا اما مزالو قريب ليها
جيلان : كيف ماتوثقش فيا علاش جبتني هوني ... سؤالها خلاه يتحير اذا هو مايعرفش جوابوا كيفاش يجاوبها هي .... ستسلم لمشاعروا وخلاها هي تقودوا جبدها لعندوا وحط شفايفوا فوق شفايفها يبوس فيها بقوة ... ونزل على رقبتها يبوس ويمص ... مانتبهش لدموعها ... كمل غطس أكثر ... لين ماعادش فيها دزاتوا بكل جهدها ... وقف مخطوف ... تصدم من روحوا ومن الشي لي كان يعمل فيه ... البنت قبل ساعتين تعرضت لمحاولة اغتصاب .. وهو زاد على مابها .... عاف روحوا ... جبد روحوا منها وقام من غير مايحكي ولا يبرر عملتوا خرج وخلاها غاطسة في دموعها ....
جيلان : كلكم كيف بعض ... تمشيو بغريزتكم تخمامكم كان في نصفكم التحتاني ... الله يلعنكم دنيا وآخرة
💥 جام ورأيكم في الريبوند 💥