اولا اريد ام اشكركم فعلا على تفاعلكم خاصة
صديقتي نورهان
#الحلقة_56❤❤
#لعنة_أنثى 🔥🔥
#خولة_عزيز 🌶🌶
قرب من السرير ودخل في الفرش بجنبها ... يغزرلها ويتأمل في ملامحها ... حط يدوا يعدي فيها على وجهها يحكي في قلبوا
أيهم : ماتستاهلش تعيش هذا الكل انتي كيف الملاك ... ولي تعانيه توا بسبب ذنب عباد اخرين ...قتلوا البنت لي داخلك ودخلوك لعالم الدم والجحيم ...مانتصورش انك تقوم هذي المرة على رجليك ... قرب منها اكثر وجبدها لعندوا حضنها .. جبد نفس طويل من شعرها مابنها ريحتها ... ماحسش على روحوا كيف هزوا النوم ....
_في فيلا عمر .... بعد ماغادروا الكل بقى كان عايلة حاتم
جهيدة : شنوا ميرنا كيف شفت الحفلة خلصت رتحت .... ڨحرتلها ميرنا ...
صفية : بنتي من يومها قوية ومش المرض لي يرقدها خمسة وخموس عليها من عيون الحاسدين
جهيدة : على شكون تمعني ياساقطة
صفية : ماساقطة كان انتي ماتخلينيش نجبد الماضي ...
حاتم : يزي عاد تقول ماكم كبار .... عمر ڨحر لجهيدة لي بلعت لسانها من كلام جهيدة اكيد تقصد منوا شي ...
لؤي : لحظة لحظة ... شنوا الماضي لي تحكي عليه
فهد : (صفر ) اوووه طلع فما ماضي واسرار هات ازرع ينبت ياصفصوف
عمر : يزي ياولاد ماكم تعرفوا النساء وعمايل الغيرة .... لؤي الميساجات لي يوصلوه وكلام صفية وسوسوا خلاه يدخل بعضوا اكيد عندها شي ... بقى متلكمت على روحه يخمم ...
ميرنا : لؤي شبيه وجهك مخطوف ....
لؤي : حتى شي تاعب وتعداهم طلع لحقت وراه ميرنا ... جاء يغلق الباب قابلاتوا
لؤي : شنوا ياخي تلحق فيا
ميرنا : شبيك انت نسيت انها غرفتي زادة .... طفاها وتعدا حط تلفونوا نحى جاكيتوا وفات لصالدوبان ...ميرنا قربت من تلفونوا ... بالوقت خرج رجع هزوا ودخل ... ستغربت علاش طول الوقت التلفون في يدوا وفوقها ياخذوا وين مايروح ... شكت انوا يكون يخونها دخلت عليه لصالدوبان
ميرنا : هاي انت شحكايتك مع التلفون والله كان نعرف انك تخون فيا مانقتلك
لؤي : باز تكون جنيت ... فاش تخرف ياخي
ميرنا : شتفسرلي تصرفاتك هذوا
لؤي : ماعندي مانفسرلك ... وتذكر مليح انوا زواجنا على الورق
ميرنا : بربي توا كي صرت حلالك رجع على الورق علاش في الحرام كنت ترقد معايا
لؤي : هاك قلتها في الحرام ... وانا ماتلزمنيش وحدة رقدت معايا بلا زواج فاش يضمنلي انك مارقدتش مع غيري
ميرنا : الله يلعنك ياساقط انااشرف منك ... الله ياخذ فيك الحق عندها الحق جيلان وقت قالت انك ساقط ... لؤي الغش تملكوا قرم على فكها يضغط عليه لين حست وجها بش يتقسم على زوج
لؤي : ماعادش تجيب سيرتها هي على الاقل ماسلمتليش روحها برضايتها .... ودزها طاحت على البينوار ...... تبكي على غلطة عمرها وقت خممت انها تتزوج به ..
ميرنا : هاك ياميرنا بعدتهم على بعض وتزوجتوا ... اما مانجمتيش تبعدها من عقلوا وقلبوا ... لعنتها مزالت تلحق فيك ....
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
