👧كرونيك يقتل :لعنة -أنثى 💗💓❤️‍🔥

97

تفاعل

#الحلقة_97❤❤
#لعنة_أنثى 🔥🔥
#خولة_عزيز 🌶🌶
_عند جيلان فتحت عيونها على صوت حاتم
حاتم : نحب نقابل الرئيس ....
راجل البوص : ميسيو حاتم ماتنجمش تقابل الرئيس قبل مايلحق موعد الاجتماع الخاص بالمنظمة ....
حاتم : اما الامر ضروري ويهموا برشا
راجل البوص : خبرني بالموضوع وانا ننقلوا للرئيس
حاتم : لا مايمكنش اما بش نبعثلك صورة ... وهي لي تخليه يطلب يشوفني .... علق عليه حاتم ودور وجهوا لقى جيلان فاقت قرب منها
حاتم : واخيرا فاقت الاميرة النائمة ..... باهي توا بش نلعبوا لعبة مزيانة برشا .....مشى لجهة جنان وقرب من الكرسي النقال وجروا جهة جيلان .... ورجع وقف مقابلهم يتبسم .... بعدها هز تلفونوا وصورهم ....
حاتم : ههههههههه طلعتوا كيف الام وبنتها .... كلاموا خلا جيلان تهز حاجبها .... اما حاتم بعث الصورة لي صورها لراجل البوص .... وتبسم بخبث .... وقتها كان راجل البوص بلغوا انوا حاتم طلب يقابلوا ... وفي نفس اللحظة وصلوا ميساج من حاتم .... فتحوا لقاه بعثلوا صورة زوج نساء يتشابهوا طبق الاصل الشي لي يفرق بينهم انوا وحدة كبيرة ووحدة صغيرة .... مشى وعطى تلفون للبوص ... لي تصدم وقت شافهم يعني هو يلوج عليهم في السماء وهوما جاو لعندوا برجليهم .... قهق بالصوت ووقف ....
رئيس المنظمة : ههههههههههه وأخيرا لحق اليوم .... بلغوا خولة تنسحب من دار أيهم .... وجيبولي صفية هوني
راجل البوص : حاضر .... خرج وطلب منهم يحطوا ميرنا في نفس غرفة صفية وجوزيف
_كانت في الفيلا تتفرج في التلفزة وتاكل في الفراز  لين رن تلفونها .... جاوبت لقاتوا من رجال البوص
خولة : ها طمني
راجل البوص : العملية تمت والبوص طلب منك تنسحبي ...
خولة : أما ...
راجل البوص : تعليمات الرئيس تقول انك تنسحبي توا من المكان .... علقت عليه ونفخت بالقوي .... هو وعدها انوا مايعمل شي لأيهم ورائد .... قامت طلعت لغرفتها وجهزت روحها ونزلت خرجت ....
_سيارة رجال البوص توقفت قدام القصر ... نزلوا رجالوا ونزل منها محمد وهو مزال محمل ميرنا لي غايبة على الوعي ....
راجل البوص : تقدم ..... (وغزر لواحد من الرجال وكمل يحكي ) ... البوص في غرفتوا ....
الراجل 2 : في غرفتوا وطلب تحطوهم مع جوزيف ..... دزوا يمشي قداموا وهو وراه لين وصلوا للغرفة فتحها ودزوا دخلوا .... طاح على الارض وطاحت ميرنا من حضنوا اما هوا لقفها قبل لا يخبط راسها للحيط ... دور وجهوا ليه وڨحرلوا .... جوزيف كان يغزرلها مصدوم ... وصفية دموعها شلال على خدها قاعدة تعافر من غير جدوى ....
تقعد محمد وتكى ظهروا للحيط وجبد ميرنا قداموا وحطلها راسها على حجروا ويغزر لصفية وجوزيف ...
جوزيف : شبيها دايخة
محمد : دايخة من المهدئ وقت يوفا مفعولوا تفيق 
جوزيف : وانت علاش جابوك هوني ...
محمد : وانت علاش تسأل اتلهى بروحك ...
جوزيف : ماتجننيش وجاوب .... شتعمل مع ميرنا ... غزرلها محمد وغزرلوا معنتها يعرفوها ... فهم عليه جوزيف وحب يهدي الجو بينهم
جوزيف : ميرنا بنت اختي وهذي اختي لي هي امها ....
محمد : بربي .... وعلاش مخلينها هكا .... قريب ماراحت فيها ...
جوزيف : على شنوا تحكي
محمد : البنت كانت تتعاطى وخذات جرعة زايدة ..... جوزيف وقت سمع كلاموا صرخ وصفية دموعها حرقوها ... يعني حاتم نتقم منها وخلا بنتها مدمنة ....
جوزيف : حاااتم ياكلب بش ندمك ...
💥 جام ورأيكم في الريبوند 💥