👧كرونيك يقتل :لعنة -أنثى 💗💓❤️‍🔥

69

#الحلقة_69❤❤
#لعنة_أنثى 🔥🔥
#خولة_عزيز 🌶🌶
_ميرنا قامت راسها قاتلها ... مشات لصاكها جبدت علبة الدواء تاع جيلان لقاتها خلصت ... طاحت في الأرض تتلوى من الوجيعة ... وهي هكاكا تفكرت جيلان وقت قالتلها هذا دواء سبيسيال ليا ... هزت روحها ولبست صباطها وخرجت ... وقفتها جهيدة
جهيدة : خير ان شاء الله ... وزيد شبيك رجعت نحفت هكا وعيونوا خرجوا من وجهك ... ميرنا ماكنتش تنجم ترد عليها كملت حلت الباب وخرجت
جهيدة : ان شاء الله يكون لي في بالي ... اكيد اكيد هذوا اعراض السرطان انا شفت في التلفزة برشا عباد هكا .... .
_فاق لقى روحوا متسطح .. جاء يتقعد حكماتو وجيعة مش نورمال ... جاه جان يجري
جان : علاش قايم يابني ... جرحك مزال جديد
باسل : انا كيفاش جيت هوني ... بعدها تذكر جيلان ...
جان : ساعداتك وحدة (تذكر لسانها لي اطول منها تبسم ) وقالت انها تعرفك
باسل : مممم جيلان صايي تذكرت ...
جان : شنوا صار ... وعلاش تصاوبت ... حكالوا باسل لحكاية كلها لين نقذاتوا جيلان ... بحكم هو صديقوا وصديق مرتوا الروح بالروح قراو مع بعض ....
جان : هاي طلعت ماقواها ... وانا لي حسبتها كيف كل البنات
باسل : جيلان غير كل البنات هي فتحت عيونها من غير اب وام .. تعذبت برشا في حياتي الدنيا مانصفتهاش وتوا هي جهامة بلا روح ... جان سخفاتوا حالتها وتذكر وقت قالها كان مارباوكش والديك نربيك وقرر انوا كان تجي مرة اخرى يطلب السماح منها
باسل : ياخي فاش غاطس تخمم ... قوم اعملي حاجة ناكلها ... ميت بالجوع ... تبسملوا جان وقام يحضرلوا لفطور
_كانوا داخل الاجتماع .... حاتم مانزلش عيونوا عليها وهذا لي خلا عمر يشلق عليها ... ويتساءل شبيه صاحبوا ... لؤي كان يغزر لتلفونوا كانوا تعود على الميساجات لي يلحقوه ... جيلان كانت تطرح فكرتها على مجلس الادارة وعجبتهم الفكرة ووافقوا عليها .... خلص الاجتماع وكل واحد مشى لبيروه ... جات تقعد في الكرسي دارت على الباب لي تفتح لقاتها ميرنا .. لي مشاتلها بزربة ...
ميرنا : سامحني جيلان دخلت بلا اذن اما ... انتي سبيل نجاتي ... تغزرلها مبهمة مش عارفة شنوا تقصد ...
ميرنا : علبة الدواء لي عطيتهالي خلصت ووراسي وبدني يوجعوني ياسر بربي كان عندك حبة اعطيهالي جربت كل دواء الراس مافادنيش كيف دواك ... تبسمت جيلان بخبث ...
جيلان : مممممم والله باقيلي كان علبة .... اما مايسالش نعطيهالك ... ماهو صرنا صحاب وحاجة ماتغلى عليك ... قربت منها ميرنا وحضنتها ... جيلان مع الاول ترددت اما احساس داخلها خلاها تهز يديها وتحملها في حضنها .... اول مرة حد يحضنها كيف ماعملت ميرنا توا ....بعد جبدت روحها منها وتبسمتلها .خذات ميرنا حبة وشربتها حست الروح رجعتلها.. باستها  على خدها وشكرتها ومشات ... بعد ماخرجت ميرنا جيلان تملكها شعور غريب ... اما بعد ماتذكرت انها كانت جزء من لي صارلها نقمت عليها .. ورجعت عيونها لمعت كره وغل .... فيقها من الوضع لي كانت فيه دخول رائد ... لي حطلها اوراق التحليل فوق المكتب
جيلان : شنوا هذا
رائد نتائج التحليل وتوا تنجم تكمل الخطة متاعك وتنتقم لنفسك وهكا نكونوا وفينا بوعدنا ليك وخليناك تاخذ حقك
جيلان : نفهم من كلامك انك تقولي اخرج من حياتنا ...
رائد : جيلان من غير مانلف وندور ... خولة اختي وانا نحبها برشا ... وايهم كان خاطبها وكان هدفوا ينتقملها .. وتوا هي عايشة ورجعت ... وتوا نتمنى منك تخرج من حياتهم ...
جيلان : رائد لتوا محترمة الصداقة لي بيننا ... ونعرف كلامي بش مايعجبكش ... اما اختك مش كيف حاسبينها ... هي كانت تقتل في رجالنا وكانت ...
رائد : وكانت شنوا كمل ... جيبلي شاهد واحد انوا هي قتلت واحد من رجالنا ... بربي جيلان ماتخليش حبك لايهم يخليك تالف حكايات من راسك ...
جيلان : ... شكون انت بش تحكي هكا .. بش نثبتلكم بلي خولة خاينة ووقتها بش تندموا انت وايهم وتوا اطلع من مكتبي
رائد : هه مكتبك نسيت شكون حطك هوني ... باهي ياجيلان باهي ... اما نحذرك كان حاولت تضر اختي بش نقتلك بيدي ... ڨحرلها وخرج ...غزرت للاوراق هزتهم قراتهم وتبسمت بخبث ... جبدت تلفونها وصورتهم ... وخذات هذوك الوثائق وحطتهم وسط اوراق الصفقة ... وكملت خدمتها وصل وقت لي تروح فيه ... خرجت عطاتهم لسكرتيرة وخلاتها تعطيهم للؤي بش يوقعهم بإلعتباروا شريك زادة ... وخرجت مشات تطمن على باسل ... وقتها كان عمر متعدي لمكتب لؤي ... سأل السكرتيرة تاعوا عليه قالتلوا بلي طلع قبل ساعة ... غزر للدوصي لي في يدها ... قالتلوا بلي اوراق الصفقة الجديدة ولازم يوقعهم خذاهم من عندها وقاللها هات انا نعطيهملوا ... وخرج ركب سيارتوا ....
💥 جام ورأيكم في الريبوند 💥