👧كرونيك يقتل :لعنة -أنثى 💗💓❤️‍🔥

31

_#الحلقة_31❤❤
#لعنة_أنثى 🔥🔥
#خولة_عزيز 🌶🌶
عند لؤي وميرنا .. بعد ماخلاصت حفلة العرس طلعوا لغرفتهم ...
ميرنا : حطت يديها على صدروا وتحكي بدلال حبيبي تعمل انت دوش الاول ولا انا
لؤي: نزلها يديها ونفضهم .... من الاول كان اتفاقنا انوا يكون زواج على الورق مالاماتلعبليش دور الزوجة المطيعة وقت نكونوا وحدنا باااهي ... وتعدا لصالدوبان خلاها مكرزة ضربت رجلها بقوي وطاحت على السرير تسب فيه ..
_كانو قاعدين في بيروه ... يحكيوا على لي صار ليوم
صفية تحكي وتزير على الكلمة : والله تقول جنان بشحمها ولحمها وغزرت لجهيدة ... لي كل مايجيبو سيرة اسمها تتنفض وونارها تشعل
حاتم : نظن مجرد شبه خاطرني عملت اتصالاتي وتأكدت من معلوماتها ... عندها اسبوع منين دخلت لبلاد ... يعني كل شي حكاتو صحيح ... وزادا طلعت عندها شركة للمواد الطبية في امريكا يعني تفيدنا ياسر ... في خدمتنا
صفية فدت من حكاياتهم لي كلها على الخدمة ... حملت روحها وقامت خرجت مشات لفهد وليان روحوا ...
حاتم : شنوا عمر منين بدينا نحكيوا وانت ساكت
عمر : ها حتى شي تاعب برك
جهيدة : تاعب ولا تحيرولك مواجعك
عمر: تتلمي أحسن من مانكسرلك فمك ....
حاتم : شنوا ياجماعة اخزيو الشيطان ... رانا كبار ماعدناش صغار وكل شي مات مع الماضي
جهيدة : انا الماضي دفنتوا شوف معاه وڨحرت لعمر
حاتم : انا نمشي توا الله يديم لفراح
_جيلان بعد مامشى وخلاها مغزلة ...أفكارها عاملين ضجة ويتصارعوا مع مشاعرها ... هزت سلاحها ورجعت تقوص على الاهداف ... كأنها تقوص على عدوها ...داخلها بركان من الغش والحقد ...
رائد : لي يشوفك قبل ساعة مايقولش انتي ... وين راحت لعنة الهادية المتحكمة في اعصابها متاع قبيل ... شنوا خلاك تتحول توا لشخص هايج ...
جيلان : وانت قلتها لعنة واللعنة وين ماتكون تحرق الكل ... وتوا هي تحرق داخلي ... وهذي البركان لي داخلي بش يطلع ويمس كل اعدائي هو بشيكون السم لي يسري في عروقهم
رائد : العصب ماراحش يوصلك وين تحب لازم تتحكم في اعصابك ... لأن غشك بش يرجع عليك وتخسر انتي وحدك
جيلان : قصدك نبرد قلبي كيفوا
رائد : شكون قالك هو قلبوا بارد يمكن هو نار قلبوا صاخبة كثر منك ...
جيلان ... حكمها الفضول تعرف عليه اكثر.. ايهم بالنسبة ليها ورقة غامضة ولازم تفك لغزو نكات الكاسك من راسك ومشات هزت دبوزة ماء شربت وقعدت مقابلتوا ..
جيلان : مممم زعما كل هذا الحقد والنقمة على المنظمة ... باز يكون عندوا دافع اخر غير هذا
رائد : ننصحك ماتدخلش في خصوصياتوا ... نفخت وقلبت شفايفها ... كل ماتحب تعرف عليه شي تتغلق في وجهها حتى رائد ماخذات منوا لا صحيح ولا باطل...... تنهدت وخرجت يلزمها تعرف كل شي بطريقتها الخاصة .. تذكرت وقت تصدموا على شوفتها
جيلان : رائد ياخي علاش عمر ومرتوا وشريكوا تصدموا وتغير لونهم وقت شافوني
رائد : خاطرك نسخة ثانية من العميلة لعنة
جنان : (تبسمت على جنب ) ممممم لعنة كانت المرأة لي حرقت قلب الأم .هههه
رائد : كيفاش عرفت
جيلان : من نظراتها .. تصبح بخير يستنى فينا يوم طويل غدوة ومشات ... كل يوم تصدموا اكثر طلعت اذكى مما يتصوروا وهذا بش يسهل عليهم مهمتهم  .. وهي قاصدة لغرفتها لمحاتو وقت نزل في الدرج حامل في يديه صينية اكل ... ستغربت
جيلان : ياخي هذا علاش كل ليلة يحمل صينية وياخذها معاه لتحت ... تقول جاء من الشر ... فضولها تغلب عليها نزلت في الدرج من غير ماتعمل حس ... وهوب تحس بيد جبدتها لين تضرب ظهرها في الحيط ..خرجت من شفافها آه صغيرة كانها توجعت من اللطمة
أيهم: عيونوا تقدح نار .. علاش لاحقتني ؟؟؟؟
جيلان : ا ااا ااانا كنت كنت
أيهم : كنت شنوا ؟؟ اسمعني مليح وفتحلي مخك هذا ... اخر مرة رجلك تعتب هذا الدرج ... مرة ثانية مايصير خير ... (دزها قريب طاحت ) وتوا اقلب منظرك من قدامي
جيلان غاضتها الفازة لي عملها معاها كبست على دموعها ومشات وبمجرد مادخلت غرفتها سيبتهم نزلوا... تقول كانت تستنى في حد يشدلها يدها حتى تفرغ قلبها .. حاسة بوجيعة تقتل قلبها كأنوا سكاكين تتغرس فيه
جيلان : 😥😥😥 شنوا عملتلوا علاش كل مرة يتصرف معايا هكا ... فوق ما انا نساعد فيه هو يكسرني بكلاموا ... اما لا من اليوم مانيش بش نسمحلوا يتعدى حدودوا معايا .. لي بيني وبينوا خدمة وبس وقت توفى كل واحد يشد طريقوا ... مسحت دموعها وغيرت ثيابها ورقدت حاسة روحها تاعبة
_ميرنا ولؤي كل واحد رقد في مكان ... من الاول تعرف انوا مستحيل يوافق يعاملها كيف زوجة اما كان عندها امل صغير انو انوثتها تتحكم في غريزتوا ... اما لي ماتعرفوش ان لؤي تغير ... وكره كل شي حتى العلاقات ... نقمتوا على جيلان خلاتوا يحقد على كل النساء ... ولا نقولوا حبوا ليها لي ماهوش قادر يستعرف به تجاهها ... هو يكذب في مشاعروا .....
_عند فهد :
دخل للغرفة الخاصة بالعمليات ... كان لازموا يوقف على راس المهمة حتى مايصير حتى غلطة
فهد : ها شنوا صار نجحت عملية النقل ولالا
العرق يتصبب على جبينها  مسحاتوا وجاوبتوا
ليان : صايي كملت والاعضاء لداخل تنجموا تاخذوهم انا تهديت من هذي العملية لازمني نمشي نرتاح ... هزلها براسوا
الراجل : معلم والجثة كيفاش نعملوا معاها ؟
فهد : أدفنوها ولا أحرقوها
ليان : بربي كيف حاب تحرقها علاش نتعب روحي ونخيطوا ... ڨحرلها ... شنفت عليه ومشات خرجت سابقتوا .. تحب تبعد من هوني مش طايقة روحها ... كل مرة يديها يتلطخوا بالدم اكثر ... كل ماتحب تسحب روحها بوها يغرقها أكثر .... أما متحملة كل هذا على خاطروا هو بس
💥 جام ورأيكم في الريبوند 💥