👧كرونيك يقتل :لعنة -أنثى 💗💓❤️‍🔥

45

#الحلقة_45❤❤
#لعنة_أنثى 🔥🔥
#خولة_عزيز 🌶🌶
جيلان ماحستش بروحها غير وقت يد جبدتها وخرجت بها في وسط هذيك الضوجة ... يكركر فيها لين لحق لسيارتوا دزا يحكي بعصب
أيهم : شنوا كنت تعمل ؟ علاش بستيه ؟ علاش خليتوا يتلمس بدنك  ...
جيلان : نكون وين نحب ونبوس لي يحب شماكلك انت ؟
جبدها وغطس يبوس فيها بعنف ... بوسة تعبر على كل غشوا والنار لي شعلتها فيه ... كل مايبوسها غلوا يزيد كيفاش حد غيرو يبوسها ... كيفاش تخليه يلمسها ... يبوس وقرم على شفتها التحتانية عضها  لين طرشقت بالدم ماتوقف غير وقت حس بدموعها السخونة لي نزلت ...عدا لسانوا على طول شفايفها يستطعم في الدم لي نزل  سيبها يحكي ببرودة دم عكس البركان الهايج داخلوا
أيهم : هذي بش تتذكرها وقت حد يقرب يبوسك
جيلان : (تبكي وتخرنن كيف الصغار ) انت زادا ماعندكش الحق تبوسني .. بصفتك شنوا تبوسني (وتضرب فيه على صدروا وهو كيف جبل مايهزك ريح ماتزعزش من بلاصتوا ) جاوبني علاش تعمل هكا ...
أيهم : أركب خليني نوصلك
جيلان : سيبني مانروحش معاك ...
أيهم : جيلااااان ماتقلبليش #### اطلع خلي الليلة تتعدى على خير
جيلان : الله لا تعدات ... مانيش ماشية معاك لحتى نعرف شنوا تحب مني علاش مرة تقرب ومرة تجبد ...
أيهم : مانعرفش .... جوابوا خلاها تتوقف على التخرنين ... كانت حابة تخليه يعطيها اجابة اما هو زاد دخلها بعضها ... .. فتحلها الباب وركبها ... دورت وجهها تغزر للفراغ ... تعدا وقت لحقوا للدار .. دور وجهوا عندها لقاها رقدت ... حاول يقومها اما شي تقول ماتت ... نفخ ونزل تعدا لباب تاعها فتحوا وهزها في حملتوا ... بالوقت لفت يديها عليها تتنفس عند رقبتوا حس برجليه خانوه ... مايعرفش كيفاش يلوح خطواتوا ... قربها وحدوا يشعل ناروا وينسيه في الماضي .... دخل قابلوا رائد ... تفجع كيف شافها هكاك
رائد : شبيها جيلان
أيهم : شششش نقص صوتك راقدة .... تعداه وطلع لغرفتوا مستغرب من حالة عشيروا ... اول مرة يشوف يقرب من بعد موتها ... تبسم بحسرة اما فرح وقت جات في بالوا انوا صاحبوا ممكن يحب من جديد ... خاصة كان كانت هذي لبنية جيلان ... صحيح هي فرخة وتعمل لي في راسها اما قلبها طيب
في البار : بعد مافرقوهم الامن لي ثم ... قاموا ...
لؤي: ياطحان تضربني على جال ####
فهد : تي مزال يفتح في جلغوا ويحكي عليها ... تي انت شبيك فيق لعمرك ... جيلان ماعندها حتى دخل في حكايتنا ... انا عملت هكا على جال ميرنا ... وغزرلها لقاها تشوف عندهم وتضحك كأنوا ماهامها شي ... مشى جهتها وخذاها خرجها تحت عيون لؤي لي يحلف ويتوعد فيه
لؤي : بش ندمك يافهد ... كان خليتك تفرح بها بعد عملتك تكون تحلم ...وتبسم بخبث 
_فتح باب غرفتها ونزل حطها في فرشها ... جاء يقوم شعرها لصق في زرار شوميز متاعو نزل لعندها اكثر نفسها المتوازن يحرق في وجهوا ... قابلوه شفايفها منفوخين مجروحة من تحت .. هز يدوا وعدا صبعوا عليهم ...شهاتو انوا يبوسها  نزل اكثر جاء بش يحط شفافوا فوق تاعها فتحت عيونها
جيلان : فاش تعمل ؟؟؟
أيهم : بش نغتصبك ... فتحت عيونها على وسعهم .....ودزاتوا جاء يبعد جبد معاه شعرها ... ڨحرلها ياخي خنست تتوجع من شدة شعرها
أيهم : اركح شعرك علق في زر الشوميز وقت حملتك ... سحب شعرها ونحاه قرب لوجهها أكثر خلاها توخر ...
أيهم : وقت نحب نغتصبك نعملها وانت فايقة مانحبش نتعب بدني على دمية راقدة ...
جيلان : تلم وأحشم ... وجهها رجع احمر بكلوا من جرأتوا لي كل يوم تزيد ... تبسملها بخبث وغمزها ...
أيهم : بوزينوا لي يحشم ... ارقد توا غدوة كان حفلة على شرفك يالالا هاو سي عمر تصل وخبرني خاطرك كنت لاهية بالخمج وڨحرلها وخرج غلق الباب ... خلاها مصدومة هذا الراجل بش يجلطها قبل لا تنتقم لنفسها ... اما في نفس الوقت تبسمت على عملتوا ... فتحت القجر وجبدت تلفون كتبت ميساج وبعثاتوا.... اما ايهم نزل يتبسم ... شايخ عليها وعلى حالتها ... كل يوم تكسر حاجز بينهم ... كأنوا تعود على وجودها ... جاء يعدي لغرفتوا تذكرها ضرب على جبينوا كيفاش نساها طول اليوم .... لعن روحوا ومشى ...دور المفتاح ودخل قابلاتوا الدكتورة لي حاطهالها ... لأن بعد مالحقتوا جيلان هذاك اليوم هو حس بالخطر وخاف يتكشف امر انوا مزالها عايشة ... جابلها دكتورة موثوقة من عندهم في المخابرات ونقلها لقبوا فيه غرفة ومطبخ وحمام وكل شي يلزمها ... هكا يتهنى أكثر ..... قرب ليها وعدا يدوا على خدها
أيهم : ها شنوا عاملة اليوم
الدكتورة : كل يوم تتحسن أكثر ... نجمت تحرك اصابع رجليه وهذا يعتبر تقدم في العلاج ... كل شي متوقف على حالتها النفسية
أيهم : يعطيك الصحة
الدكتورة : الفضل كلوا يرجع ليك انا ماعملت شي .... ايهم علاش مهتم بجنان كل هذا الاهتمام بالرغم انوا المخابرات ستغنوا على خدماتها وحرقوا اوراقها وسلموا إسمها لوحدة اخرى ؟
أيهم : جنان مش خاينة هي ضحت بحياتها وبنتها ... وانا نعتبرها مثلي الأعلى وبش يجي يوم ونثبت للكل هذا الشي .... خلاها مستغربة في ثقتوا الزايدة فيها ... علاش لعنة بالضبط هوكا برشا عملاء ضحوا زادا بحياتهم
💥 جام ورأيكم في الريبوند 💥