👧كرونيك يقتل :لعنة -أنثى 💗💓❤️‍🔥

64

#الحلقة_64❤❤
#لعنة_أنثى 🔥🔥
#خولة_عزيز 🌶🌶
_عند أيهم : كان راقد وهي في حضنوا فاق على صوت تلفونوا .... هز لحاف عليه بش يقوم قابلوا بدنها عريان ... تبسم على جنب ... وتمتم
ايهم : حتى وانتي راقدة تحرك مشاعري ... وقف لبس دبشوا ونزل .... شافوا لتحت رايح جاي ...تقول يعمل في طواف
ايهم : علاش تفيق فيا يازح ...
رائد : بربي توا ترقد ... وايجا هوني خبرني وين كنت غاطس ... وعلاش دبشك هكا .... ايهم غزر لحالتوا ... هز شوميزوا دخلها في السروال ... كنت في الحمام
رائد : مش من توا قلت كنت راقد
ايهم تي شبيه #### راح تعملي استجواب
رائد : اهدا وايجا عندي مانسمعك ... مشاو للبيرو وسمع أيهم التسجيل الصوتي لي صار بينهم .... تبسم بخبث
أيهم : فرصتنا .... إمشي اتحرك لازم نعملوا كل حساباتنا ....
رائد : ياخي بش تمشي هكا ...
أيهم : ماتجننيش وامشي شبيها حالتي ...ضحك رائد وخرجوا يتناقروا ....
_تعدا الليل وطلعت الشمس لي ضربت في عيونها ... خلاتها تتململ ... على الضوء لي تعكس من النافذة ... فتحت عيونها .... تبسمت وقت تذكرت ليلة البارح ... دور وجهها لجهتوامالقاتوش باز يكون فاق قبلها ... عدات يدها على بلاصتوا .... بقات هكاكا مدة من الزمن .... وبعدها قامت عملت دوش ولبست سروال نواغ وبودي نواغ وهزت شعرها كامل ذيل حصان ... نزلت لتحت تعدات للمطبخ عملت قهوة وهزتها مشات للصالون قعدت تترشف وتستبن في مذاقها ... مقررة ماتمشيش اليوم للشركة مش حابة تعكر مزاجها بحد اليوم .....
_باسل ليل كامل ماغمضتلوش عين ... مركز عيونوا وفكروا على فهد لين شافوا خرج وركب سيارتوا ... خدم سيارتوا هو زادا ولحق ...
_أيهم ورائد كانوا في مقر المخابرات ... عملوا خطتهم وخذاو كل الاحتياطات ... بقاو هكاكا لين لحقت الساعة 7 تاع الليل .... تذكرها ... خرج مشالها ... مع فتح لباب جات واقفة ترمات في حضنوا
جيلان : تي وينكم نهار كلوا وانا نستنى فيك .... جبدها من حضنوا شوي
ايهم : كان عندنا خدمة برك ...
جيلان : وفريتوها
أيهم : جيت نطمن عليك ونمشي نكملها ...
جيلان : تاعش هذي الخدمة ...
أيهم : خدمة وأكهوا وتعدا لبيروه .... وديبلاصة مسجلة الصوت لتلفونوا ... هكا بش يكون خذا كل الاحتياطات كان ضيع حاتم ... يلحف فهد ...
جيلان : متعلقة بالمنظمة مش هكا
أيهم : ماتتعبش من الأسئلة انتي .... باسها على خدها وخرج .... خلاها واقفة ... ركب سيارتوا جاء يقلع ... ركبت هي زادة
ايهم : فاش تعمل ... انزل ماتعطلنيش
جيلان : مانيش نازلة ... وكان بقيت تحكي ... بش تتعطل اكثر ... نفخ وسلم امروا لله وحكى
أيهم : بش تبقاي داخل السيارة ... ماتنزلش منها مهما يصير ... هزتلوا براسها كمل مشى لين وصل لرائد نزل ...
رائد : علاش جبتها معاك ؟
أيهم : عندت ... وماكنتش في وضع يسمحلي ناقشها ...
رائد : ماقواها ... باهي خلينا نمشيوا الاشارة بدات تتحرك ..
ركب رائد وايهم زادا يسوق من غير مايحكي شي
جيلان : بش توفى لحكاية مش هكا
أيهم : ....
جيلان : نحكي معاك علاش مطفيني
ايهم (بغش ) توا كي نوصلوا ونشوف مانجمش نقولك توفا وانا مالحقتش للمكان ...
لحقوا للمكان لي يهزوهم منوا توقفوا السيارات ... نزل عمر وحاتم ومعاه زوج رجال اخرين ... قربوا منهم رجال اخرين بداو يفتشوا فيهم ... جبدوا تلفوناتهم طفاوهم وعطاوهم لواحد آخر ... وكبسولهم على عيونهم بشاش اسود وركبوهم في سيارة سودا وحاتم كان حاط جهاز تعقب في زر شوميزي تاعوا وهكا يخلي فهد يعرف موقعوا بسهولة
جيلان : فاش يعملوا
أيهم :فتشوهم وخذاو تلفوناتهم حتى يتأكدوا انوا مافما حد يلاحق فيهم
جيلان : يعني مانجموش نلحقوا عليهم ...اشارلها ايهم بصبعوا للجهة الخلفية ... تغزر لسيارة مش واضح شكون فيها ...
أيهم : هذوك بش يوصلونا للمكان ... جبد تلفونوا وحكى مع رائد .... الخطة تغيرت خبرهم اننا نتقلنا للخطة الثانية وحاولوا ماتضيعونيش ... وعلق عليه ...
جيلان : مش فاهمة حاجة
أيهم : خاطرك مزال صغيرة .... جيلان : بربي وڨحرتلوا خلاتوا يتبسم على تفوريخها ... اصلا مايعرفش كيفاش دار على كلامها وجابها معاه ...
مشات السيارة لي هازة حاتم وعمر وبعدت على العيون وبعدها لحقتها سيارة فهد ورجالوا .... وايهم ورجالوا وراهم من بعيد ....مشاو تقريب ساعتين طريق بش لحقوا للقلعة  توقف ايهم وقت شاف اشارة تعقب فهد توقفت ...  ...
جيلان : علاش توقفنا ...
أيهم : خاطرنا وصلنا وتوا انتي بش تبقى هوني وكان حسيت بأي خطر خوذ السيارة و اهرب من هوني باااهي هزتلوا براسها بمعنى ايه .... باسها على جبينها ونزل ... لحق وراه رائد ...
أيهم : خلي كل الوحدات تحاوط المكان
رائد ماتخافش الكل بش ياخذ موقعوا .....
💥 جام ورأيكم في الريبوند 💥