👧كرونيك يقتل :لعنة -أنثى 💗💓❤️‍🔥

89

تفاعل

.

..

.
.
.
.
.
.
.
.
.
.
.
.
.
.
.
.
.
.

.
.

.
..

.
.
.
.

💙💙💙🌟🌟🌟🌟🌟💙💙🌟🌟🌟💙🌟💙

#الحلقة_89❤❤
#لعنة_أنثى 🔥🔥
#خولة_عزيز 🌶🌶
الڨارد : امشي من غير حرف ... حاولت تقاومهم اما شي .... حملوها وركبوها في السيارة ومشاو .... بقات تعافر فيهم ... حاولت تجبد تلفونها من جيب جاكيتها أما شافها الراجل لي على جنبها نحاهولها وتبسم بخبث
الڨارد : ثعلوبة كيف خوك ... تعرفوا كان تعضوا اليد لي تمدتلكم
صفية : انتو شكون .. وجوزيف وينو
الڨادر : ماتخافش هانا ماخذينك عندوا توا يتونس بك .. شدوا فران قدام قصر يفتق .. نزلوها وقفت تغزرلوا عجبها على اللخر وعيونها لمعوا في ساع مارجعت لارض الواقع ....غزرتلهم وحاولت تهرب اما هوما كانوا اسرع منها مسكوها وكركروها معاهم فتحوا الباب قابلها خوها جوزيف معلق بسلاسل وبدنوا كل ينزف ظاهر عنفوه ... مشاتلوا تجري حضناتوا توجع شواتوا  ...
صفية : عزيزي انت مليح وشكون هذوا وعلاش عملوا فيك هكا ...
جوزيف : ( بصوت خافت )علاش ماهربتيش .. علاش خليتهم يمسكوك ...
صفية : قلبت وجهها جهة الرجال ڨحرتلهم ... هاي انت فكوا علاش خاطفينا ... قرب منها الڨارد وجبدها من ذراعها وجوزيف يصرخ عليه بش يسيبها
جوزيف : فلتها هي ماعندها حتى ذنب ..انا مش خاين ياخي جبدت روحي عليها من زمان ..
الڨارد : سكر فمك مزال عندك حس وتحكي
جوزيف : اه ياطحان توا رجعت راجل نسيتوا انكم كنتم تمشيوا تحت أمرتي
القارد : هذي زمان وتوا تغير كل شي ... اربطوها وسكرولها  فمها راسي وجعني من صراخها ... قربوا من بلعت ريقها ... تعملهم براسها بمعنى لا ... اما شي جابوا كرسي ربطوها عليه وسكرولها فمها ومشاو خلاوهم نزلوا دموعها بالوقت ...
_في مكان آخر :::: .... كانت توكل فيه ويضحكوا ... للحظة ركز في وجهها ... ضحكتها حلوة برشا وداخلها مزال فما بنية صغيرة ... لون عيونها كيف البحر يخليك تتسحر وقت تغزرلوا ... يعني طول هذي الفترة وهي قريبة منوا ومانجمش يعرفها على قريب ... كانت بش تحطلوا اللقمة في فموا مسكلها يدها ... وعدا يدوا الثانية على خدها وحكى
باسل : تعرف انوا لون عيونك مزيان برشا .... وجهها ورد من كلاموا عمرها تصورت يحكي معاها هكا ولي زاد على مابها ملمس يدوا وهو يعديها على خدها طيرها لسابع سماء ...
ليان : باسل انت مليح ؟؟؟  تبسم على سؤالها تحسبوا يخرف ولا مش في وعيوا
باسل : مممم ماتخافش ... ليان أنا صحيح كنت نتعامل معاك هكاك خاطرني كان مسيطر عليا الانتقام لمرتي وولدي ..
ليان : وتوا شنوا تغير ... بطلت تنتقم ؟؟؟ ... كبس على يدوا بغش ... هو يتنفس على جال حاجة وحدة على جال بش يقتل لي قتل ولدوا حست عليه من نظراتوا ...
ليان : باسل بربي انسى الانتقام ... حتى ولو انتقمت ماكش بش ترجع ولدك ...
باسل : مستحيل ننساه هذاكا ولدي ... ولا تكوني خايفة على بوك وخوك ...
ليان : يعني من كل الكلام لي حكيتوا فهمت كان هذا الشي ... على العموم كون جيت نخمم فيهم ماكنتش ساعدتك ليلتها ... وتوا سامحني لازمني نمشي نغير دبشي ... ووقفت مشات وصلت للباب دور ت وجهها ليه
ليان : في الليل نرجع نطمن على جرحك .... وغزرتلوا بنظرة حسرة خلاتوا يندم على الكلام لي حكاه معاها ...  غير فتحت ليان الباب قابلتها خولة ... غزرتلها ليان بمعنى شكون انتي ...
خولة : باسل هوني ؟؟؟
ليان : هوني اما شكون انتي ... ماجاوبتهاش وتعدات دخلت صدمتها بوقاحتها وبدات الغيرة تتغلغل لقلبها رجعت لباب وعاودت دخلت تغزرلها كيفاش قربت منو وسلمت عليه عادي ...اما طريقة كلامها كرزتها تقول ### ..
باسل : ليان نقدملك خولة أخت مرتي سونا لي توفات ....
ڨحرتلها ليان وخرجت من غير ماتسلم عليها هذا لي ناقص غير تطلع اختها زادة ... هي فتكت من اختها حتى تطلعلها هذي
خولة : اوووه شبيها هذي اللفعة ...
باسل : خليك من ليان وجاوبني وين كنت هذي المدة كل ... تبسمتلوا خولة بخبث وققعدت ..
خولة : تأ ... وقت يوصل الوقت تعرف .... ( ڨحرلها باسل ) اه تذكرت كيف صار جرحك ... بابل وجهوا لخلخ .. منين تعرف هي انوا مجروح يعني صحيح كلام جيلان هي لي قوصت عليه ...
باسل : شعرفك انتي ...
خولة : اوووه شبيك ياخي نسيت انوا خطيبي ...
باسل : شنوااا .. علاش ماقاليش وكتاش عملتوا الخطوبة
خولة : مزال اما عن قريب بش نعملوها ... جيت هوني بش نبهك كان حاولت انك حاولت توقف خطوبتنا بش نخلي الكل يعرف انوا سونا مرتك وحدة من الشارع مش معروف اصلها من فصلها ....
باسل : علاش تحاول تشوه سمعتها حتى وهي ميتة ...
خولة : علاش كذبت ... سنوا مش اختي انا ورائد وانت وهي خبت هذا الشي على جال خدمتها باباها عطاها اسموا اما هي شنوا عملت حطت عينها على املاكي ... حطت عينها عليك وتزوجاتك ... تعرف وقت عملولها العملياة كنت حاضرة فرحت من كل قلبي ... كنت حابة تشوفها وتتعذب اكثر ...
باسل : انتي وحدة مريضة نفسي ...ماتتصورش اني نخلي خويا يتبلى بك
خولة : فكر تعملها وراح نحي لخوك على ليلة العركة وانك كنت ثم وساعداتك جيلان وهكا تظهر خاينة واكيد انت ماراحش ترد جميلها بأنها تبيعها ...
باسل : انتي ماتعرفيش جيلان ... انا كان نكشفك قدام ايهم هي راح تفرح ياسر حتى ولو اعتبروها خاينة ...
خولة : لي عندي قلتوا ... تشاووووو ...
💥 جام ورأيكم في الريبوند 💥