👧كرونيك يقتل :لعنة -أنثى 💗💓❤️‍🔥

91

شكرا لتفاعلكم

#الحلقة_91❤❤
#لعنة_أنثى 🔥🔥
#خولة_عزيز 🌶🌶
الوقت هذاكا كانت جيلان دخلت ... جات تطلع لغرفتها سمعت صوت مشات تشوف شنوا يجرا ... لقات خولة خارجة من الغرفة اللي حجزت فيها الدكتورة ... تهزت خولة على صوتها
جيلان : شتعمل عندك ...
خولة : ( تحاول تخبي خوفها ) ههههههه والله مليحة داري ونزيد ناخذ اذن منك بش نتحرك فيها
جيلان : جاوب شتعمل عندك لي نعرفوا انوا هذا المكان خط احمر بالنسبة لأيهم
جيلان : تهنى عزيزتي بعد ماطلبني أيهم من رائد البارح وصرنا مخطوبين رسمي رجع كل لي يملكوا ايهم ملكي ... كلام خولة طاح كيف الصاعقة على جيلان ... يعني كل الكلام لي حكاه لبارح وردة الفعل لي عملها وقت شافها مع جان طلعوا كذبة ... يعني حتى الشك اللي زرعوا في قلبها انوا ممكن يكون يحبها محاه ... ياه قداشها طلعت هبلة ... قربت منها خولة ودفعتها تحب تبعدها من هوني ....
خولة : توا اطلع من داري .... جيلان كرزت والغش تملكها كيفاش تتجرأ طردها وحدة كيف هذي ... بقاو هكاكا يتعافروا لين جيلان دفعت خولة طاحت على الدرج لي ينزل لغرفة جنان .... بقات جيلان مصدومة تغزرلها لتحت كيفاه مرمية ... حسبتها ماتت نزلت تجري لعندها قربت منها تحاول تفيقها شي ... قربت راسها تسمع دقات قلبها لقاتها تتنفس .... نفضتها جات تقوم قابلتها غرفة جنان .... تذكرت يومها وقت شافت أيهم .... قربت بخطوات ثقال لين دخلت .... فتح الباب الثاني لي فيه جيلان قابلتها قاعدة على الكرسي المتنقل اما جيلان ستغربت من غياب الدكتورة لي راتها المرة لي فاتت .... واللي ماتعرفوش جيلان انوا فما كاميرا قاعدة تسجل في كل شي مافصلتهاش خولة وقت فصلت كاميرات الفيلا .... جات تلوح خطوات سمعت صوت سيارات وحركة غريبة طلعت لفوق تفهم شنوا يجرا تصدمت وقت شافت رجال ملثمين وحاملين سلاح نزلت تجري لغرفة جنان وسكرت الباب اما نسات الحيط .... جبدت جيلان تلفونها تحاول تكلم ايهم شي مايردش ... نفخت وقربت من جنان ...
جيلان : اهدي ماتخافيش انا نعرف انوا انتي العميلة #لعنة و ايهم يحمي فيك  ... هزتلها جنان براسها بمعنى لا ... واشارتلها بصبعها للجهة لي مقابلتها ...
جيلان : شنوا مش فاهمة عليك ...اه تحب على ورقة وقلم... هزتلها براسها ... قربتهم منها جيلان وعطاتهملها
مسكت جنان القلم وكتبتلها "" فما باب سري هوني خلينا نهربوا "" ....
جيلان : وينوا ؟؟؟ ... اشارتلها جنان بيدها ...قربت جيلان من التمثال ودورت راسوا تفتح الباب ....تصدمت حست روحها في فيلم اكشن .... غزرتلها مش مستوعبة ... حست على روحها وقت سمعت صوت لبرا
الراجل : كسروا الباب بسرعة ....
جراتلها جيلان وسحبتها خرجوا من هذاك الباب قابلهم ممر طويل .... وقتها جنان وقت طلبت منها بيدها انها ترجع لحيط لمكانوا .... عملت جيلان لي طلبتها منوا .... تغلق الباب بالوقت لتوا مش مستوعبة لي قاعد يصير ... تمشي في هذاك الممر والافكار تدي وتجيب فيها تحس راسها بش يطرشق ....
.  قابلها باب تبسمت جرات لعندوا فتحاتوا لقاتوا يخرج للغابة ... سحبتها ومشات قريب ربع ساعة بش لحقت للطريق ... قلبت وجهها يمين وشمال فماش ترا طاكسي اما شي ... تهزت وقت شافت وحدة جايا من بعيد وقفت في نص الطريق تلوح بيديها بش يتوقف ....
الراجل : شبيك يابنتي اجبد من الطريق كنت بش نصدمك
جيلان : عمي بربي ساعدني ... تنجم تنقلني انا والخالة لي هونيك ... دور وجهوا هذا الشيخ قابلاتوا مرأة قاعدة على كرسي متنقل سخفاتوا حالتها وقلبوا تعاطف معاها ... هزلها براسوا انوا موافق ... ساعدها ركبت جنان وحط الكروسة في صندوق السيارة ومشاو ..... تنفست بقوي ... وتذكرت أيهم جات تجبد تلفونها بش تكلموا مالقاتش تلفونها ...
جيلان : ياعم نلقاش عندك تلفون ...
العم : لا يبنتي انا مانستعملش التلفون وزادا مانعرفش حتى كيفاش يخدموا ... عوجت فمها زعما فما ناس في وقتنا الحالي مايهزوش تلفون ... عطاتو عنوان دار جان ونفخت دورت وجهها للبلار ....
💥 جام ورأيكم في الريبوند 💥