#الحلقة_10❤❤
#لعنة_أنثى 🔥🔥
#خولة_عزيز 🌶🌶
ميرنا لحظتها حست انو الحبل بدا يفلت من يدها وهوما راح يتفقوا ويلموا لحكاية وتخرج هي منها ببلاش
ميرنا : ههههههههههههه والله طلعتي قوية ياجيلان مالاخبث عندك ... بسرعة قبلت تتزوج به مع انو هو لي حطلك المنوم في الجو ... ( جيلان تصدمت خزرتلوا تحب تتأكد من الشي لي سمعتوا ... نزل وجهوا للارض كانوا يهرب من تساؤلات لي في عينيها .. دورت راسها تكمل تسمع لكلام ميرنا ) ... وبعدها طلعك للغرفة وغتصبك وخلاك تحمل منوا ... ههههههههه .... على اخر كلامها الكل تهز .. من صدمة لصدمة كأنها ليلة الصدمات
لؤي : (خزر لجيلان )حامل ... بالوقت كبست على كرشها ونزلوا دموعها ... تقدم ليها خنقها : هي كلمة وحدة انتي بش تنزلوا انا مستحيل نعترف به ...
جيلان تحاول تفكلوا يديه لي على رقبتها تحس في الهواء قص عليها .. ومش منجمة تتنفس ...
جهيدة : سيبها سيبها ياولدي بش تقتلها وتحرقلي قلبي عليك ... ماحس غير بحد دفعوا رجع للورا ...
عمر : يارخيس ياطحان ... راح تجلطني على اخر عمري ... طاح عليه يضرب ماسيبوا غير وقت حس بحاجة كابسة على قلبوا حط يدوا جهة قلبوا وطاح في الارض
جهيدة : عمر شبيك ياعمر بربي جاوبني
لؤي: بابا شنوا صارلك ...
ميرنا : حطت يدها على عليها تحاول تفيقوا شبيه عمي عمر ... عمي تسمع فيا ... نطرلها يديها ودزها .
لؤي : كلوا من جرايرك كون ماجيت انتي ماكان صار شي ... حمل بوه وجرا به حطوا في السيارة ركبت معاه اموا وديراكسيون للمشفى .... ميرنا خزرت لجيلان وكيلتها وتبسمت بإنتصار وركبت سيارتها لحقت عليهم
جيلان واقفة تخزرلهم ... كل شي جاء وراء بعضوا .. كل لي صار ماكانتش مخططتلوا هي جات بش تحكي معاه وتقنعوا ... موش بش تكون سبب في مرض بوه ... بالوقت نزلوا دموعها ... صرخت باعلى صوت "" علاش ياربي علاش انا ... كل مانحاول نتمسك بهذي لحياة تجيني ضربة اخرى تكسرني ... علااااش "" طاحت على الارض تبكي
_كان في سيارتوا قاعد ويراقب في كل شي ... سمع كل شي من خلال الكاميرا لي حطها قدام باب الفيلا ...سخفوه دموعها قلبوا وجعوا عليها ...... ونقمتوا عليهم زادت اكثر ... كبس على بونيتوا وضرب الفلون ... رجع راسوا لورا وغمض عينيه يتفكر في ليلتها ... كان صغير وقتها كلهم فرحانين بولادة بنت خالهم اما صار شي قلب فرحتهم ورجعها دم ورصاص ... فتح عيونوا وتنهد ... تلفت جاء ينزل بش يمشيلها مالقاهاش ...رجع غلق الباب ومشى سيارتوا باز تكون مابعدتش... يسوق ويدور في عينيه على كل جهة ماشي لازم يضيعها هي فرصتوا بش يوصل للي يحب عليه ... بالوقت شافها ركبت في طاكسي ... بقى يمشي ورا السيارة لين توقفت قدام حي شعبي ...
من شكل الحي مبين انهم ناس على قد حالهم وبسطاء نزل من سيارتوا وبقى يتبع فيها لين شافها دخلت لواحد الدار قعد يراقب فيها لين تأكد انها دخلت ... جبد تلفونوا وكلم واحد من الرجال
ايهم : بش نبعثلك عنوان نحبك تعرفلي كل شي على الناس لي عايشة فاه باهي ... وسكر تلفونوا ورجع لسيارتوا ركب وديمارا
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
