#الحلقة_5❤❤
#لعنة_أنثى 🔥🔥
#خولة_عزيز 🌶🌶
_عند ميرنا : دخلت للفيلا تاعهم سلمت على امها سلام واش من سلام من بعيد وصايي وتعدات طالعة كأنوا أمها ماتحكي معاها .. لحقتها تزرب
صفية(ام ميرنا) : وين بايتة لبارح
ميرنا : بربي امي راسي يوجع موش منجمة نحكي تو فكني عاد
صفية : زايد ماتحشمش تحكي مع امك هكا تي انا امك امك فهمتي
دارتلها العصب ياكل فيها ماكلة
ميرنا : قلت أمي .. بربي توا رجعت امي وين كنت وقت كنا بحاجتك.. كل يوم سهرات وخرجات مع صحابك .... بلا مانحكي على حنانة الام لي مانعرفوهاش من الاصل... تي قبل لا تطلب مني نحترمك حاسب روحك قبل .. جايبتها كان حفلات وسفرات واخرتها شنوا اخرتها خيانة وطلاق.. صفية ماحستش كيف هزت يدها ولفتها بكف ..
ميرنا: (شادة خدها )تعرف انا هوني علاش .. خاطر مانحب حتى حد يحاسبني .. انا جيت هوني غير بش نعمل لي نحب عليه موش محبة فيك وتوا ابعد من طريقي
صفية بعد ماسمعت كلامها رجليها ماهزوهاش ودوخة لعبت عليها جات طيح شدت في البوان تاع دروج.. مش مصدقة لي تسمع فيه .. حست بقلبها ضياق عليها .. صحيح هي غلطت ودفعت ثمن غلطتها .. علاش ماتعطيهمش فرصة وتعوضهم السنين لي فاتو
صفية :( تحكي بالصوت وتبكي )لهذي درجة هازة عليا في قلبك ياميرنا لتو لا نسيت ولا سامحتني تي ربي ويسامح وانتي وكتاش بش تسامحني امك راني امك فاهمة امك
ميرنا دخلت غرفتها وطاحت على الفرش تبكي بغصة .. شي من الكف لي كلاتو وشي من القهر لي عاشتوا .. الكل شايفها ميرنا بنت رجل الاعمال الكبير لي تطلبها تجيها اما حد ماشاف داخلها ولا حس بالوجع لي عايشتو ...تقعدت مسحت دموعها وتبسمت بخبث ومشات لصاكها جبدت الكاميرا .. شعلتها .. وتتفرج في الفيديو.. مممممم قلتلي انا كيفي كيفهم توا نشوفوا ياسي لؤي كان تلحق صورة برك للصحافة .. زعما شيعمل بوك فيك وتبسمت بإنتصار
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
