👧كرونيك يقتل :لعنة -أنثى 💗💓❤️‍🔥

نهاية القسم الاول تفاعلو كي اكمل

#الحلقة_55❤❤
#لعنة_أنثى 🔥🔥
#خولة_عزيز 🌶🌶
_بعد مانزلت المطر في الحديقة الكل دخلوا للفيلا لداخل ... بالوقت رائد ستفقدها خاطرها طولت برشا ... بقى يلوج عليها بين الحضور ... وفي نفس اللحظة كان فاق فهد من الضربة لي خذاها ... قام ماسك راسوا يتوجع ... شاف في يدوا لقى عليه دم ... تعدا لصالدوبان شبه دايخ ... غسل ومسح وخرج ريڨل روحوا ولبس جاكيتوا وخرج ... تلاقى ميرنا عند الباب
ميرنا : فههههههد شبيه راسك
فهد : حتى شي تصدمت في حاجة ... ميرنا تغزرلوا مستغربة ...
ميرنا : إيجا معايا خليني نعقملك جرحك ...سلم امروا ومشى معاها لغرفتها ... داوات وغطاتلو جرحوا ... وخرجوا ...
فهد : هاني نشوف فيك لاباس علاش يقولوا مريضة ماتكونش تمثل كيف ماحكات جهيدة ... ميرنا ڨحرتلوا بلعها ونزلوا ... جات عينوا على رائد تذكرها ... كيفاش كانت تحتوا تقاوم فيها حط يدوا على الجرح وتبسم على جنب يتمتم ( مزال الايام بيناتنا ياجيلوا ... اما مالا بدن عندك )
رائد يغزرلوا ويغزر للجرح لي في راسوا ... هو مكانش قبل شوي كأنوا يحاول يربط الاحداث في راسوا ... جبد روحوا على جنب وجبد تلفونوا يعيطلها ... لقى ايهم حارق تلفون بليزابال ... خرج برا المطر خيط ... وعاود كلموا
رائد : ايهم لقيتك كلمتني
ايهم : ياطحان ياساقط ليلة #### امنتها عندك تخليها وحدها هز روحك وروح
رائد : شصار فهمني ... جيلان ويني مالقيتهاش
ايهم : مزالك تسأل ... وعلق عليه .... ركب رائد في سيارتوا وروح ....
_أيهم كان يحكي مع رائد حتى سمع صراخها ... تفجع عليها ماعرفش كيفاش رجليه هزوه ليها ... فتح لباب لقاها في حالة تسخف ... مكمشة في طرف السرير ودموعها على خدها محاوطة روحها بيديها ... تصرخ ... قرب منها
ايهم : إهدي جيلان ... يكون كابوس ... اهدي
جبلان : ماتقربش ... خليك بعيد ... قرب منها دزاتوا جات واقفة هاربة منوا هز يدوا عطاها كف كانوا يحب يخليها تفيق على روحها ... وبالحق وصل للي يحب عليه ... واقفة جامدة من غير ماتعمل ردة فعل ... جبدها لعندوا كابس عليها ... عدا انفوا على شعرها كانوا يتنفس من ريحتوا ...
أيهم : وفا كل شي ... اهدي توا ... نوعدك مانخليش حد يقربك بعد اليوم ... نوعدك نخليه يدفع الثمن ... حملها وحطها في السرير ... بقى محاوطها لين رجعت رقدت .... كلمة ندمان مش ممكن توفي الاحساس لي داخلوا .... هز روحوا الغش عاميه يتحلف في فهد ... إلا مايقتلوا بيديه ....جاء يفتح الباب تلاقى رائد ... جبد روحوا وعطاه بونية جابوا في الارض ... طاح فوقوا يضرب فيه كانوا عدووا ... كل ضربة يلوموا فيها ... كانوا حب يحمل الذنب  لغيروا ... اما في داخلوا عارف انوا هو السبب الاول في لي صارلها .... ورائد بدورو خلاه يفرغ غشوا فيه ... وقت شافوا طاح قاعد لاف يديه على راسه عرف انوا لي صار كبير ... حط يدوا على كتفوا وقعد قداموا ...
رائد : عمللها شي مش هكا ...؟؟؟
ايهم : كان بش يتعدى عليها
رايد : الرخيس #### عرفتها وقت شفتوا مجروح .. كلوا ذنبي انا لي تلهيت عليها وخليتها تحاربهم وحدها .. كلوا مني ... انا واحد خايب لا نجمت نحمي اخواتي ولا اقرب صديقة ليا
أيهم : لا المذنب الاول والاخير هو انا ... هي مش قوية لدرجة اني نرميها للنار ... انا بش نجيب اخرتوا وقام خارج راح يركب سيارتوا  لحقوا رائد
رائد : استنى ايهم مالازمش تضيع وتخاطر بكل شي عملتوا جيلان ... هي غامرت بحياتها بش تجيب الادلة وانت كان عملت شي توا بش تضيع تعبها
ايهم : ما #### انت مشفتش حالتها كيفاه ... هي رجعت تكوبس به تعرف شنوا تكوبس به هي توا تشوفوا في منامها .
رائد : طبيعي يصير هكا ... مش ساهل لي تعدا عليها نعرفوش شنوا عمل معاها ( أيهم كبس على يدوا بغش ) انا متأكد انها بش تتجاوز هذي الصدمة هي قوية ... ماتنساش انها خذات اسم جنان #لعنة جيلان لقديمة ماتت ... توا بش نشوفوا كان #لعنة هذي الضربة بش تخليها تحقد اكثر بش دمر كل حد يقربلها ...
أيهم :كنت نجم نساعدها من بعيد من غير ماندخلها في مخططاتي
رائد : مش صحيح ... لان كل شي متعلق بها ... انا نعرف انوا انت شاك انها بنت حاتم او عمر على هذي وافقت على خطتنا انوا نثبتوا ان لؤي مش حاتم ...
أيهم : كان طلعت بنت واحد منهم بش تجن لان في الحالتين راح يكونوا اخوتها واحد منهم غتصبها والثاني حاول يغتصبها ... هي بش تموت ...
رائد : كلها مجرد توقعات ... ماتتسرعش وتخلي خطتنا تفشل بعد ماقربنا .... أيهم خمم في كلام رائد ولقى انوا عندوا حق ... هز روحوا وطلع لغرفتوا قابلاتوا راقدة كيف الملاك ....
💥 جام ورأيكم في الريبوند 💥