#الحلقة_17❤❤
#لعنة_أنثى 🔥🔥
#خولة_عزيز 🌶🌶
_ميرنا وفهد كانو في السيارة يستناو فيها وكتاه تجي للفاك .. ورجالوا من ورا ... باسل فد على اللخر .. لحق لوقت وهي ماجاتش ..
فهد : بفففف ظاهر ماهيش بش تجي ليوم انزل امشي لقرايتك وغدوة نفذوا مهمتنا ... ميرنا كانت بش تطلب منوا يصبر شوي مع تلفيتتها شافتها نازل من سيارة ... عيونها لمعوا من الفرحة .. جبدت تلفونها بسرعة وخذاتلها صور وهي نازلة ووقت سلمت على الراجل لي كان معاها أما من سوء الحظ وجهوا موش باين كان عاطيها بالظهر ... سبتها ولعاناتوا .. وفهد يخزرلها ومستغرب من الشي لي تعمل فيه
فهد : شنوا تعمل ... ياخي
ميرنا : خذيت صور تذكارية ... وتوا تنجم تأمر رجالك بش ينفذوا المهمة .... جبد تلفونوا وبعث ميساج لرجالوا ونبه عليهم مايلخبطوش فيها .. وهوما بمجرد ماوصلتهم الاشارة نزلوا قاصدينها مستغلين الفرصة أنوا السيارة لي جابتها مشات ومافماش طلبة ياسر داخلين خاطرها هي جات متأخرة وضيعت عليها الكور الاول ... أما لي مايعرفوش فهد انو فما زادا شكون يحب عليها وقاعد يراقب في خطواتها ...
_جيلان تحكي : سلمت على باسل وشكرتوا خاطروا وصلني وهو كبش فيا إلا ماناخذ المصروف لي عطاهولي ومشيت داخلة للفاك شفت لساعتي لقيت الكور الاول تعداني ومانجمش ندخل توا ... وحسيت بكرشي تخرج اصوات باز يكون من الجوع ... جيت مدورة بش نمشي نشري حاجة مانحس غير حد ورايا حاط شي حاجة على جنبي ويتكلم عند وذني
هو: مدموزال كان تحب تعيش .. تمشي معانا من غير ماتخرج صوت ....
رجليا حسيتهم موش حامليني خوف كبير تملكني دقات قلبي متسارعة ... نعرفش علاش اول حاجة جات لبالي هو ولدي خفت يصيرلوا شي او يعملولوا شي ... هزيتلوا براسي بمعنى باهي .. غرس المسدس في جنبي اكثر.. حسيت بوجيعة ... خرج معاها صوتي .. : شكون انتوا ووش تحبوا عندي
هو : مش مهم توا شكون احنا خلينا نمشيوا من هوني وتعرفي ... ولسلامتك ماتعملش اي حركة باهي
عملت لي طلبوا مني ...و مشيت معاهم من غير مانخرج حرف على لساني ..لحقنا لسيارة كحلة زجاجها فيمي .. فتح الباب ودزني لداخل ..بالوقت دموعي لقاو طريقهم على خدي ... ركبوا وامر صاحبوا يسوق ... كل مرة نبعدوا فيها على المكان قلبي يتقبض أكثر حاسة كأنوا شي راح يصير ...وجيعة كرشي تمشي تقوا ... نعرفش من شنوا ...ستسلمت لقدري وتوقفت على مقاومتهم لي ماجابت فايدة نغزر للفراغ ... زعما شنوا بش يصيرلي اكثر من هكا ياريتني خذيت راي امي سلمى وباسل ومامشيتش ليوم للفاك يمكن هذا الشي ماصار اما شنوا بش ينفعني الندم توا .. بالوقت رن تلفون واحد منهم
هو: ارتاح ميسيو فهد كل شي يسير كيف مخططلوا ... ڨحرلوا صاحبوا وقالوا يعرف كيفاش يحكي موش يلبز برك
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
