👧كرونيك يقتل :لعنة -أنثى 💗💓❤️‍🔥

15

#الحلقة_15❤❤
#لعنة_أنثى 🔥🔥
#خولة_عزيز 🌶🌶
_ميرنا كانت في غرفتها تتقلب ماجاهاش نعاس .. خايفة كون يفيق سي عمر ويعمل لي قال عليه .. هكا يكون كل شي عملتوا طاح في البحر ... ورجعت لنقطة الصفر .. لازمها تلقى حل قبل لا تفلت الامور من يدها ... تبسمت بخبث وقت جات الفكرة في بالها حملت روحها ومشات لغرفتوا هي متأكدة انها انو هو مستحيل يرفضلها طلب دقت لباب ودخلت لقاتو في ورا بيروه يخدم بالرغم انو لوقت متأخر اما هو مزالو يخدم .. كأنو يعبد حاجة اسمها خدمة ومال ... هز راسوا شافها سألها بحاجبوا شتحب ... تقدمت منوا وقعد تحكي لدلال ...
ميرنا : فهودي عزيز اختوا نطلب منك حاجة ونتمنى ماتردنيش
فهد : (بإستغراب ) وهذي لحاجة ماتستناش لصباح يعني
ميرنا : لا خاطرها قضية حياة او موت ... فلت القلم والورق من يدوا ويغزرلها بإنتباه كأنوا الموضوع جذب فضولوا ..
فهد : خوفتني احكي شنوا صار
ميرنا : تتذكر البنت لي حكيتلك عليها هي ولؤي وحبت توقعوا في شباكها وتجبروا يتزوجها
فهد : ممممم متذكر وهي لي بسببها سي عمر في المشفى
ميرنا : بالضبببببط ... نحب هذي البنت تختفي لأيام .. ايام برك بليززز فهودي ماتردنيش
فهد : فتح عيونوا على وسعهم من كلام اختوا ... ماكانش متوقع انها تفكر هكا .... جنيييييت انتي تحبني نخطف بنت وزيد حامل ...
ميرنا : بليزززز ايام برك حتى نعمل لي نحب عليه ونقنع لؤي يتزوجني بليزززز
فهد : ميرنا انتي بالحق تحب لؤي ولا مجرد اعجاب ولا لا يكون حب تملك
ميرنا : لا والله نحبوا من صغرنا نحبوا وهو هو زادا معجب بيا والله اما هذي البنت حبت تفرق بينا ... اصلا حملها مانعرف منين باز يكون من واحد من احياءهم الشعبية
فهد بقى يخمم بينوا وبين روحوا .. ومن خطة اختوا ... هي من ناحية يمكن تفيدوا ويوصل للي يحب عليه .. ومن ناحية ثاني هو يمكن يطيح في ورطة كون تفشل المهمة ويخسر اسموا ومكانتوا لي عمل المستحيل بش وصل ليها ... كان قاتلوا اقتل سي عمر كانت اسهل عليه خاطرو مريض وفي المشفى وموتوا توا ماراحش يلفت الانتباه اما انو يخطف البنت وبعدها يفلتها شوي صعيبة هو يحب وقت يعمل مهمة يكملها للاخر من غير مايبقى خيط دليل
فاق من سرحتوا على صوتها ... وقتها تردد انوا يوافق اما في نفس الوقت مارفضش .. وهذا لي خلاها تفرح يعني عندها امل يساعدها
ميرنا : بليززز .. اصلا انت من وكتاش تخاف انت لي لكل يعملك الف حساب بليززز وافق نعتبروها لعبة ولعبناها معاها وبعدها نرجعوها لدارهم بليزززز ... قعدت تحاول فيه وتستعطف فيه لين قبل .. أما عقلوا مش مطاوعوا في الحكاية هذي
فهد: علاش نخطفوها خلينا نقتلوها ونرتاحوا
ميرنا : شنوووووا على باز جنيت تحبنا ندخلوا للحبس على جال وحدة بنت حرام
فهد : على اساس وقت نخطفوها نروحوا لجزر لمالديف تي حتى في هذي لحالة كان نتكشفوا بش ترسالنا بين اربع حيوط
ميرنا : اوثق فيا مستحيل نتكشفوا هيا عيش خويا اصلا ماعندناش وقت
فهد : وكتاش تحب نهزوا هالكزة
ميرنا : غدوة صباح من قدام لفاك خاطر الحي لي تسكن فاه ضيق ويمكن يراونا
فهد : باهي غدوة نوصلك  ووريني هالهم وخلينا نهزوها ونتهناو
ميرنا : شنواااا ياخي بش تخطفها انت بذاتك
فهد : طول عمرك بهيمة ... انا عمري ولا عملت حاجة بلا مانتأكد انها تمت .. رجالي بش يهزوها وانا نلحق عليهم فهمتي توا
ميرنا : ممممم عيشلي خويا الباهي
فهد : احشيلي احشيلي كيف كل مرة
ميرنا : لا والله انت اروع بو وام واخ .. وباستوا على خدوا بوسة مرسوسة ورجعت لغرفتها طايرة بالفرحة مش مصدقة انوا غدوة راح تنحي اكبر عقبة من طريق سعادتها
💥 جام ورأيكم في الريبوند 💥