👧كرونيك يقتل :لعنة -أنثى 💗💓❤️‍🔥

92

تفاعل بليز

للتذكير هذي قصة منقولة

بسم

الله

الرحمان

الرحيم

نبدأ

#الحلقة_92❤❤
#لعنة_أنثى 🔥🔥
#خولة_عزيز 🌶🌶
_في نفس الوقت كانو رجال البوص قلبوا الفيلا ومالقاوش جنان ... قابلتهم خولة مرمية في الارض قرب منها واحد من الرجال
الراجل : مدام خولة فيق ... ويضرب فيها بكفوف خفاف لين فاقت
خولة : اه راسي ... شنوا صار ... وتذكرت وقت جيلان دزتها ...
الراجل : وينها المدام جنان مش خبرتي البوص انها هوني ... خولة هزتلوا براسها واشارتلوا للداخل
الراجل : مافما حتى حد داخل الغرفة ...
خولة : شنواااا باز تكون جيلان الكلبة خذاتها طلعت تجري لفوق ... ودور كيف المجنونة ... دوروا عليها بسرعة قبل لا نتفضحوا بسرعة علاش واقفين
الراجل : باهي مدام وانتي كمل تمثليتك انك دايخة ... باهي ... هزتلوا براسها وطاحت في الارض قدام باب الدخلة تاع الدار .... وهوما خرجوا وبعدوا من المكان ....
_باسل كان يخمم في حل للمصيبة لي وقعتهم فيها خولة ولقى انوا الوحيد انو يكشف اوراقوا قدام ايهم ويعترف انوا لي ضرباتو هي خولة وجيلان كانت تحسب انوا مخطوف وساعداتوا ... مافماش حل اخر من غير هذا ... هو بش يساعد خوه ويبعد عليه هاكا اللفعة متاع خولة ....
_عند أيهم :
نازل من سيارتوا هو ورائد حاس بدنوا كلوا مهدود ... وزادلوا وجع كتفوا من ضربة جان ... قربوا من الباب فتحوا رائد قابلاتوا اختوا مرمية في الارض قلبها يدق بسرعة مستحيل مجرد التفكير انوا يخسرها بعد مالقاها خلأ رجليه يرجفوا من الخوف مشى لعندها يجري ... حملها في حضنوا
رائد : خولة عزيزتي فيق شبيك ..
أيهم : ياخي شبيها خولة افتح عيونك ... كلمني بربي رد علينا .... بدات تفتح في عيونها بشوي ... وبعدها هزت يدها وحضنت أيهم تبكي في حضنوا وتحكي بكلام مش مفهوم ... جبدها من حضنوا ويسأل فيها
أيهم : اهدي خولة وفهمني شبيك ...
خولة : ( تحكي وتبكي) جيلان ورجال المنظمة هاجموا الفيلا وضربوني
أيهم : شنواااا ... مستحيل جيلان تعملها ...
رائد : وانتي من وين عرفتي انهم رجال المنظمة ... بلعت ريقها تلوج على كذبة
خولة : من لبستهم مش انا كنت مخطوفة عندهم!!!
أيهم ضرب راسوا وقت تذكر جنان نزل يجري ... قابلوا الحيط مفتوح والباب زادا ... ماعرفش بروحوا كيفاش دخل ... تصدم وقت مالقاش جنان .... ضرب يدوا ببوكس في الحيط وصرخ خلا رائد وخولة ينزلوا ....
أيهم : جيلاااان ياخاينة بش نقتلك بيدي ... دور وجهوا قابلوا رائد مصدوم ... يعني جنان ماماتتش وأيهم كان مخبيها على المخابرات والمنظمة زادا ... غزر لصاحبوا غزرة لوم ... بمعنى لهذي درجة ماتوثقش فيا ...
أيهم : بربي رائد مش ناقص نظراتك هذوا امشي خلينا نلوجوا عليها .... وطلعوا خارجين رائد يمشي وراه ويسأل
رائد : زعما علاش جيلان خانتنا وسلمت جنان للمنظمة ..
أيهم : نعرفش وبربي لا عاد تسألني شي .. فتح الباب قابلوا باسل عند الباب ...
باسل : مرحبا .... مارجعلوش ... غزرلوا بإستغراب ... دزوا وتعدا ولحقوا رائد .... دور وجهوا شاف خولة واقفة
باسل : شقلتيلوا حتى مطفينا هكا ... جاوب
خولة : والله انا ماعملت شي جيلان لي عملت
باسل : شعملت ...
خولة : هربت وحدة كان مخبيها أيهم من سنين وسلمتها للمنظمة ... نظن ايمه جنان .وايهم يتوعد إلا مايقتلها خاطرها خاناتوا ... ..باسل وجهوا لخلخ ... اكيد مش صحيح لي يسمع فيه خلاها واقفة وخرج ركب سيارتوا ....
_لحقت جيلان لدار جان نزلت ونزل معاها العم ساعدها نزلوا جنان ...
جيلان : قد مانشكرك مانجمش نوفيك حقك
العم : من غير مزية يابنتي هذي واجبي واهتمي بأمك .... هزتلوا جيلان بحاجبها ...
جيلان : مش امي ... هي صديقة شخص عزيز عليا ....
الراجل: ماعليه يابنتي وتوا نستأذن .... قربت جيلان من الفاز تاع الورد وسحبت المفتاح خاطروا جان كان ديما يحط الدوبل ثم ... دخلت جنان ودخلت معاها .... نحات جاكيت تاعها ... وقعدت كسلت رجليها تحس روحها تاعبة .... دورت وجهها قابلها الهاتف ... هزاتوا وكلمت جان ...
جان : اهلا جيلان وينك يابنتي من وقت مشيتي لا رجعتي
جيلان : سامحني جان نعرف تعبتك اما تحملني شوي ... نحبك تهتمبميرنا حتى نجي ممكن ؟؟؟
جان : طبعا عزيزتي انتي لي تطلبوا يتنفذ وانا قداش من جيلان عندي ... ضحكت ووداعاتووعلقت ... تغزر لجنان وتبسمت ... عاودت طلبت ايهم اما شي تلفونوا هذي المرة مسكر ( طاحتلوا الباتري وهو مش عارف )  ... نفخت وكلمت باسل .... رن مرتين وجاوب
باسل : ألو شكون معايا
جيلان : باسل هذي انا جيلان ... من ساعة نكلم في ايهم وتلفونوا مسكر ماخلاهاش تكمل وحكى
باسل : جيلان ايهم عرف انوا انتي خاينة وتوا يلوج عليك بش يقتلك ...  اهربي .جي... وتقطعت المكالمة
باسل : #### تي مالقيت وقتاش تطفى .... وضرب تلفونوا
قاعدة وفاتحة عيونها على وسعهم ... كيفاش هذا خاينة .. ويلوج عليها بش يقتلها ... غزرت لجنان وبعدها قامت لبست جاكيتها .... لازم تمشي من هوني اول مكان راح يلوج فيه ايهم هو هذا المكان ... فتحت الباب وسحبت جنان تعافر بش دخلها للسيارة .
جيلان : اففف ياربي شنوا هذي الورطة لي طحت فيها يعني انا كاتبلي كان الشقاء .... بالوقت نزلت دمعة من جنان ... شافتها جيلان
جيلان : سامحني مش قصدي عليك .... كملت طلعتها وركبت هي زادا مزيا سيارة جان هوني ولا رساتلها تلوج على طاكسي في الوقت هذاك ظهرت الاشارة لرجال حاتم وبداو يتعقبوها .... تسوق ومخها تالف ... وين بش تهرب توا .... الطريق كل لفتها ماعرفت وين ... حتى جات في بالها دار فريدة وجميل ايه الدار لي كبرت فيها مافماش حد راح يشك فيها .... ...
💥 جام ورأيكم في الريبوند 💥