👧كرونيك يقتل :لعنة -أنثى 💗💓❤️‍🔥

39

#الحلقة_39❤❤
#لعنة_أنثى 🔥🔥
#خولة_عزيز 🌶🌶
كملت عملت سوندويتش وخذات كاس عصير وجات تخرج من المطبخ بالوقت لحقها ميساج ... فتحاتو قراتو وتبسمت ... ماحستش عليه وقت دخل قابلوا ضوء المطبخ فات لقاها عاطياتوا بالظهر وندرا في شنوا تعمل ... ريحتها تغلغلت في انفوا غمض عيونوا وفتحهم ماعرفش كيفاش لقى روحوا قدامها ... جات دور وتتصدم فيه لقفها قبل لا طيح ... بان شطر من صدرها على الكاب ...مانجمش يبعد عينيه ... عراها بنظراتوا ... هز يدوا وبدا يعدي فيها على رقبتها ونزل لصدرها خلا بدنها يرعش بكلوا ... من تأثير لمستوا.. رجليها مش حاملينها كبشت في جنبوا كأنها خافت طيح  ... وصل لشق الكاب جبدوا بعنف وڨحرلها
أيهم : ماعادش تلبس هكا وتنزل كون دخل رائد وشافك هكا ؟؟ ..... فيقها على وضعها وقت نبزها ...
جيلان : على اساس انت اختي ...ولا راجلي ... انت زادا ماعندكش الحق تعمل الشي لي كنت تعمل فيه
حشرها مع الحيط لين مابقاش بينهم مسافة نفسوا تخلط بنفسها ..
أيهم :( بخبث )شنوا كنت نعمل ؟  سؤالوا خلاها تتلبك ووجها كلوا رجع احمر ...
جيلان : ححتت تى شي .. ضربها على راسها بصبعوا
أيهم : برافو وتوا أطلع غير ... ماستناتوش يكمل وعطات الريح لرجليها من غير ماتلف وراها دخلت لغرفتها وغلقت الباب وتكات عليه تنهج .. تحس النفس تقطع عليها ...
جيلان : الهم هذا ساقط ... قاعد يتلمس في صدري ويقولي شنوا عملت .. مالا هامل تفووه عليه
_ قاعد يراقب فيها كيفاش طلعت ويتبسم ...عدا يدوا على شعروا ودور وجهوا قابلوا السوندويتش لي عملاتوا وكاس العصير هزوا ضاق وبعد خذاهم ومشى لبيروه ....
فاقت على روحها ... وغزرت لتلفونها وتبسمت بخبث ... مشات لدرسينڨ جبدت دبشها لباستوا وشيحت شعرها ... ونزلت تتسلل كأنها سارق حشمانة تقابلوا من الموقف لي صار دورت وجهها على كل الدار مالقاتوش ... زربت مشات للباب فتحاتو وخرجت ...ركبت سيارتها وقلعت توقفت قدام البار ... كبست على يدها كأنها تحاول تتقوا ... فتحت الباب ونزلت ... كان صوت الموسيقى عالي وضجة كبيرة تذكرت ليلتها ... الليلة لي كانت كابوسها ... وقت مشات لعيد ميلادوا ... وقت سرقوا منها شرفها ... استغلوها بلا رحمة ... عيونها رجعت تقدح نار ..الحقد لي في قلبها زاد هاج اكثر ... تلوج على رائد بعينيها لمحاتو مشات لعندوا
💥 جام ورأيكم في الريبوند 💥