#الحلقة_43❤❤
#لعنة_أنثى 🔥🔥
#خولة_عزيز 🌶🌶
جيلان قعدت تخمم في كلام جهيدة وركزت اكثر على انها تشبهلها ... يعني لعنة لي حكاو عليها هي نفسها جنان لي كان يحبها عمر ومرت أدم ... كأنوا الحكاية معقدة ياسر ... هزت صاكها وخرجت ... مشات لأيهم ... لحقت للمقر متاعوا نزلت وطلعت لعندوا لقاتوا في بيروه غاطس ... هز راسوا ڨحرلها ...
أيهم : شنوا عداك رائد انتي زادا تدخل بلا مادق ... طفاتوا وتعدات قعدت على الكرسي لي مقابلوا خلاتوا متعجب في خلق ربي وفي وقاحتها
أيهم : هاااي انتي كأنك نسيت روحك ماتقلبيليش ####
جيلان : بلابلالبلا ... تي انت ماتنجمش تحكي كلمة بلا ماتسب ... ڨحرلها يحاول يتمالك روحوا ولا يقوم يخنقها في بلاصتها هز راسوا وقت حكات
جيلان : لؤي مش ولد عمر ... (بقى مركز مع كلامها من غير ماينطق حرف ) عمر عقيم وجهيدة بش تنقذ زواجها حملت من راجل آخر وهو حسبها حامل منوا
أيهم : منين جبت هذي المعلومات
جيلان : صفية ... مرت حاتم كان تتذكرها
أيهم : ممممم هذيك من أول يوم شفتها مارتحتلهاش
جيلان : علاش انت فما حد ترتاحلوا ... ياخي خوك وماتوثقش فيه .... ڨحرلها بلعت لسانها ...
جيلان : حقا قبل لا ننسى جنان لي حكات عليها صفية شكون ... أيهم ملامحوا تغيرت ... أما هي كأنها تأكدت من شكها أما حبت تتأكد منوا قربت ليه ونزلت على مستواه وحط يد من ويد من ... صدرها قريب على وجهوا كأنها تتعمد تلبكوا ... عدا لسانوا على شفايفوا يغزرلها في شنوا تعمل ... بحركتوا خلاها تتشهى تبوسوا ...
أيهم : شتعمل
جيلان : جنان لي حكات عليها هي نفسها العميلة لعنة مش هكا ... وقربت اكثر كأنها تحاول تضيق عليه النفس ... للحظة ضعف قدامها وجبدها جات فوق حجروا وغطس في شفايفها مرة يرخف مرة يقوي ...خلاتوا يغطس أكثر وقت حطت يديها على رقبتوا وزيرت عليها كأنها تقولوا كمل وماتتوقفش يبوس فيها بلهفة طيرها وطار معاها في عالمهم الخاص عالم مافيهش مهمات ولا انتقام ولا حقد ... عالم مش معروف حد فيهم مش فاهم شنوا يحصل توا بينهم ... جبد عليها وقت تقطع عليها النفس ... يغزرلها بنظرات كلها شهوة ... مقاومتوا للنساء طاحت قدامها كأنها مغناطيس يجذبوا ليها كل مرة يكون معاها .... خلاها مصدومة من الشي لي صار توا رخفت يديها من غير ماتنزلهم وجهها مزالوا قريب من وجهوا تكلم فوق شفايفها
أيهم : ممم أنتي هي جنان ... ماعرفش كيفاش جاوبها ماهموش شي حتى ولو كان لي عملوا توا غالط اما هو جاوبها من غير مايكذب ... بقاو هكاك لين دخل عليهم رائد دزها من فوقوا وعمل روحوا يخربش في الميكروا ويورجيها في شي يحب يلم الموضوع وهي ماتفرقش عليه مزالها مخذرة من لمساتوا شفايفها منفوخين ... غزرلهم رائد كأنوا فاهم ومش فاهم
أيهم : ها رائد جيت .. صار تطورات ولازم تعرفهم خطتنا بش تتغير ... قرب رائد منهم وهو يغزر لجيلان لي هادية وفي عالم آخر ... شنوا صار
أيهم : لؤي مش ولد عمر ... وكانوا كان فما علاقة بين جنان وعمر وجهيدة حملت من شخص آخر بش تبعد العميلة لعنة عليه ...
رائد : يمكن تكون جهيدة هي لي خططت لحادث جنان وادم ...
جيلان : ويمكن يكون شخص آخر ... شخص عندوا القوة حتى يفكر يتخلص من عميلة ...
أيهم : انا زادا نخمم كيف جيلان ... جهيدة مش ممكن تفكر تقتلها وتورط نفسها ...لان العميلة لعنة دخلت وسطهم على جال المنظمة مش بش تحب وتتمعشق وڨحر لجيلان ...
رائد : المراة وقت تحب توصل حتى تقتل مش هكا جيلان
جيلان : شبيك انت وياه كل مرة تلمحوا على حاجة ... اولا انا لؤي نسيتوا ويمكن زادا اني ماحبيتوش من الاصل ولتوا لا قتلت حد بش ننتقم لنفسي ...
أيهم : كيف نسيتوا وماحبيتوش ... علاش حابة تنتقم منوا ومن عايلتوا .... كبست على يدها ...كانوا يحاول يستفز فيها اما ماراحش تعطيه فرصة انوا يوصل للي يحب عليه
جيلان : انا ننتقم لولدي ... ننتقم لجيلان لي قتلوها وقت خسرت وجهها ... فهمتوا توا ... انا على الاقل اوراقي واضحة اما انتم الزوج مزالكم غامضين مرة نحسكم في مهمة ومرة نحس بنار الانتقام لي في عيونكم ... وقت تتعاملوا معايا كاني واحد منكم تعرفوا وين تلقاوني ...
رائد : جيلان توقفي انتي فاهمة غلط
أيهم : خليها تمشي ... ڨحرتلوا وخرجت ... كل مرة تلقى روحها وحدها ...
رائد : كلامها صحيح هي صارت منا وفينا ... علاش مانصارحوهاش
أيهم : مانيش ملزوم نحكي شي ماتنساش انا رئيسها وهي مجرد عميلة وقت توفى مهمتها بش تمشي في طريقها
رائد : أما المنظر لي شفتوا من قبيل زادا ضمن المهمة
ڨحرلوا أيهم كانوا فهم على شنوا يمعني ..
أيهم : ننصحك تشوف طبيب عيون ... وطفاه غطس في الاوراق لي قداموا ...
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
