👧كرونيك يقتل :لعنة -أنثى 💗💓❤️‍🔥

49

#الحلقة_49❤❤
#لعنة_أنثى 🔥🔥
#خولة_عزيز 🌶🌶
_عمر كان في مكتبوا وقت دخل ليه حاتم ... هز راسوا يغزرلوا ... كيفاش جبد كرسي وقعد حاط رجل فوق رجل ويجبد في سيجاروا
حاتم : وصلني خبر انوا المنظمة بش تعمل إجتماع  هذا الاسبوع
عمر : علاش فما ياخي كل الخدمة تمشي تمام .. وكل لي امر يطلبوه نفذوه
حاتم : هذي المرة غير ..رئيس المنظمة بش يحضر الاجتماع بشحموا ولحموا
عمر : (فتح عيونوا على وسعهم يحكي بصوت متقطع ) متتتتأكد يعني بش نشوفوا الرئيس ونحكيو معاه وجه لوجه .... تبسملوا حاتم بخبث
حاتم : مممممم وأخير بعد سنين بش يطلع من وكروا ... تبسملوا وقام راح يخرج وقفوا عمر وقت حكى
عمر : الليلة فما حفلة على شرف الشريكة الجديدة في الفيلا متاعي وماذا بك تحضر
حاتم : ههههههههههههه ماتخافش بش نحضر بش نحضر قربلوا ونزل عليه يتمتم .... تعرف انها تذكرني بجنان نفس الشخصية والقوة ... ننصحك ماتقربش منها اكثر ...حتى ماتتصدمش مرة اخرى .... رمالوا كلاموا وخرج خلاه .... يغلي قلب كل شي كان على المكتب ... دخلت السكرتيرة طردها .... حاتم كان مابعدش ياسر وقف يتبسم على جنب خاطروا وصل للي بحب عليه
_جيلان بعد مارجعت عملت دوش وخرجت هي ورائد مشاو للشركة ....غطسوا في الخدمة مافاقوش كيفاه الوقت مشى ...
رائد : اوووه تي مابقاش ياسر على الحفلة قوم خلينا نمشيوا .... هزتلوا براسها هي زادة تعبت وراسها بش يطرشق من الحسابات ... هزت صاكها وخرجوا تلاقاو مع فهد لي كانت غزراتوا ليها كلها خبث عدا عيونوا على كل بدنها ورائد شلق عليه ڨحرلوا وجبد جيلان دخلوا للأسونسور لحق دخل معاهم ...
فهد : سمعت انوا فما حفلة ليلة
جيلان : مممم مانعرفش علاش يحبوا يعملوا هذي الضوجة شنوا يتغير وقت يعرفوني لرجال الاعمال
فهد : بربي جيلوا ماتستصغرش من روحك نسيت انك شريكة بنسة 40% (لاز على 40% ) في اكبر شركة في البلاد وعندها اسمها ومكانتها ڨحرتلوا
جيلان : انا ماتهمنيش المظاهر كل لي يهمني اني نعمل اسمي الخاص وفق القانووون .. اه قبل لا ننسى اسمي جيلان مش جيلوا ... بالوقت تفتح الاسونسور خرجت.. رائد قبل لا يمشي تبسم على النشعة لي كلاها .. ولحق عليها ...
رائد : تعرف انك قنبلة
جيلان : في الجمال .. رائد : لا نووية وضحكوا ومشاو لحقوا للفيلا دخلوا مالقاوهش
رائد : وين يكون مشى ... هو يعرف انوا اليوم الحفلة
جيلان :هزتلوا بكتفها.. مانعرفش خليني نطلع نغير مابقاش وقت ..
_في فيلا سي عمر ... الكل حاضر ... كبير وصغير رجال الاعمال والصحافة طبعا لي ماتفلتش فرصة ... صفية واقفة مع فهد وحاتم ... ليان ماحضرتش خاطر كان عندها مناوبة ... لؤي واقف مع اموا يشرب كأنوا بدا يحتفل قبل الوقت .... تقدمت صفية منهم ... جهيدة قلبت وجهها وقت شافتها
صفية : ميرنا وينهي ... من قبيل نلوج عليها مالقيتهاش
لؤي : تاعبة مانجمتش تنزل
صفية : اللطف على بنتي شبيها
جهيدة : مابها شي تدلل اكهوا .... ڨحرتلها صفية ومشات طلعت لغرفتها فتحت الباب لقاتها ملكتمة في اللحاف قربت منها حطت يدها على جبينها لقاتها تصبب بالعرق ...
صفية : ميرنا شبيك ياروحي
ميرنا : حتى شي خذيت برد
صفية : خليني نادي فهد ياخذك للمشفى ... ولا نكلم ليان تجيك
ميرنا : بربي امي فكني ...مايستاهلش مشفى خذيت داوء وتوا يخف عليا
صفية : باهي خليني نبقى معاك مالا هوني ... مانجمش ننزل ونخليك هكا والعقربة تاع حماتك تقول مافيها شي ... الله يحرقها قداشها لفعة ... تبسمت ميرنا على امها ...
صفية : الله يخليلي هذي الضحكة ...
ميرنا : انزل انتي زادا امي طاطا جهيدة بش تفرح كان ماحضرتش هي ماك تعرفها كيفاش تحب تظهر وحدها قدام الصحافة
صفية : تتتي والله عندك حق ... الساقطة نعرفها ماتكون كان هي لي خلاتك تمرض بش تبعدني مانحضرش ... باست بنتها وخرجت نزلت كل ماتلقى فرصة تنكد على جهيدة وتڨحرلها
💥 جام ورأيكم في الموضوع 💥