اهلا حلوين سأبدأ بكرونيك مافيا ان شاء الله وفق لرغاباتكم وشكرا للتفاعل في هذه القصة نبدأ
#الحلقة_80❤❤
#لعنة_أنثى 🔥🔥
#خولة_عزيز 🌶🌶
_عند حاتم .... غابت الشمس وهي لتوا لا رجعت من الحمام كل مايحب يمشي يتأكد من شكوكو يجيه واحد من صحابوا يشدوا بالهدرة ... عينوا على ميرنا يغزرلها جبدت علبة دواء وشربت حبة ڨحرلها .... جبد روحوا من الجماعة ومشى تعدا للحمام مالقى حد عند الباب حط يدوا على بواني متاع الباب مغلوق ... كرز على الراجل لي حطوا عند البابكيفاش يمشي ويخليها ... دق شي بدا الشك يدخلوا ضرب الباب برجلوا تفتح ... يلقى الراجل تاعو غارق وسط دموا تحسس نبضوا لقاه عايش نفخ بقوي وسبها
حاتم : عملتها ياصفية والله مانشرب من دمك ..خرج كشكاشو طالع امر كل رجالوا يدوروا عليها ... يحبها عايشة او ميتة ... مشى لميرنا
حاتم : اتشهدي على روح امك .... غزرتلوا مستغربة ...
ميرنا : ياخي ماتملش طول ليوم وانت تتوعد هوكا قدامك اذبحها كان تحب
حاتم : سكر لغبك وامشي قدامي
ميرنا : سيب يدي مانيش ماشية معاك هذي داري ومانتحركش من هوني ... كبس عليها اكثر وجهوا قريب يطرشق من الغش
حاتم : ممممم قتلي دارك باهي هاني بش نخليك في دارك ... يكركر فيها وهي تسحب في روحها منوا .... طلعها لغرفتها هي ولؤي ورماها في الارض ... يحكي
حاتم : شفت كيف انا كريم معاك وخليتك في دارك ... وتوا بش تبقى هوني ياساقطة .... الا مانورجيك انتي وامك ... وغلق عليها الباب بالمفتاح
ميرنا : افتح الباب ... امي وينك ... طلع من هوني ... بربي امي ساعدني ... كان يسمع في صراخها اما شعرة ماتهزت من راسوا ... صرخت وبكات لين فدت تسطحت على سريرها وتكمشت تبكي بالساكت ....
_دخل لدار وجهوا كلوا مدمدم ....لتوا مابردش غشوا فيه ... لا وزادا هي لي تجاوب فيه كلمة بكلمة ... مش عاملتلوا حساب ... وقفوا مفجوعين على منظروا
خولة : هووو حبيبي شبيك علاش وجهك هكا ... حاولت تحط يدها على الجروح جبد وجهوا منها ...
رائد : أيهم شبيك مع من تعاركت
أيهم : شي ... مجرد عركة صغيرة ماتستاهلش نجبدوا عليها ..
خولة : ايجا اقعد خليني نداويلك جروحك ... بربي رائد جيبلي علبة الاسعاف .... عملها رائد براسوا باهي ... قربت منوا تتحسس في جروحوا ... وتسأل فيه كان يتوجع ... وهو كأنوا في عالم اخر ... جات بين عينيه صورتوا وهو عريان ... كبس على يدوا بغش وقت شك انوا ممكن يكون صار بينهم شي ... تنفض واقف خلاها تتفجع في مكانها ... اول مرة تشوفوا هكا ... هز روحوا وطلع لغرفتوا خبط الباب رايح جاي يسب كيف البغل دموا فاير للخر ... كل حاجة تعرضوا يهزها يكسرها .... رائد وخولة سمعوا صوت تكسار من تحت خافوا ... طلعوا يجريوا فتحوا الباب قابلهم بهاكا المنظر ... غزر في اختوا وقرب منوا يادوب قرب دزوا قريب لاطاح كون مامسكاتو اختوا ...
أيهم : اطلعوا برا .... مانحب نرا حتى حد .... غزرلوا رائد بحقد وسحب اختوا وخرجوا نزلوا
رائد : تي شبيه هايج هكا
خولة : باز يكون بسبب هاكا اللفعة ...
رائد : على شكون تحكي
خولة : جيلان شكون غيرها ... غزرلها رائد مستغرب من كمية الكره لي في عيونها كانها مش خولة صغرونتوا لي كان قلبها يوسع للناس لكل ... نفخ بالقوي وخرج ....
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
