👧كرونيك يقتل :لعنة -أنثى 💗💓❤️‍🔥

38

#الحلقة_38❤❤
#لعنة_أنثى 🔥🔥
#خولة_عزيز 🌶🌶
جيلان تحكي : تصدمت على شوفتوا اخر حد توقعت انو يجي هوني .. ولا فوقها عرفني ومتأكد زادة ... ماحاولش يسألني على الشي لي صرا اكتفى انو يحذرني ... حسيت كأني خذلتوا هو مدلي يدوا من قبل وانا مثلت قدام اني مانعرفوش ... أما لي صدمني أكثر انوا مفكر خوه يخدم في المافيا تي طلع مايعرفش انوا خوه يخدم في المخابرات ... تبسمت بحسرة ... عندوا حق يقولي ماتوثقي في حد اذا هوما زوج اخوة وبيناتهم اسرار ... زعما أيهم علاش خبى عليه خدمتوا الحقيقية ..زعما هو زادا مايوثقش فيه ... فقت من افكاري وقت سألني
باسل : كيفاش حالة حملك ... حطيت يدي على بطني وجاوبتوا بغصة ... اني خسرتوا وقت الحادث ... هز يدوا وحضني لصدروا... حسيتوا شفق عليا ...او يمكن انو عندنا وجع مشترك جبدت روحي منوا وقررت نسألوا
جيلان : علاش ديما نحسك تتوجع
باسل : وجعني غيابها ...
جيلان : ماتت؟؟؟
باسل: خطفوها هي واختها ... خذاو اعضاءها ورماوها ...
جيلان : علاش ماشكيتش بهم
باسل: ماعنديش دليل أنهم هوما ... وحتى ولو شكيت بش ينجموا يفلتوا منها
جيلان : وبش تنتقم دخلت للمنظمة ... ورجعت منهم مش هكا ؟؟؟ ايهم يعرف ؟؟؟
باسل: ولا مرة عملت عمليات انا ننقل الاعضاء برك ... ولا مرة قتلت شخص وايهم مايعرفش هو يظن اني نخدم في المشفى برك مايعرفش اني تعمقت اكثر وتغلغلت وسطهم
جيلان : (تبسمت بحسرة ) شنوا الفرق .. الاعضاء لي تنقلهم مش هوما خذاوهم من شخص اخر كان يتنفس... واختها وين ...
باسل: باز تكون ماتت زادا ...
ياه طلعت الدنيا كل واحد عطاتوا دروس اما حد مانجح فيها مزالها تلعب بينا كيف ماتحب ... الكل يجري وراء حاجة وحدة وهي الانتقام ... ماتعرف شكون الظالم وشكون المظلوم كأنوا كلنا ضحية للحياة هذي ... حملت روحي ومشيت ... كنت نتوقع يلحق عليا اما هو بقى في مكانوا كأني حيرتلوا جروحوا اما واضح انوا جروحوا لتوا لا رتاحت مداموا يجري وراء الانتقام بش يتجرح اكثر ... اذا ماماتش من فراقها بش يموت من تأنيب الضمير .نعرفش كيفاش لقيت روحي قدام الدار فتحت لباب ودخلت مالقيت حتى حد تعديت لغرفتي عملت دوش ... لبست الكاب وخرجت نشف في شعري ... كرشي عملت صوت ..عرفتوا من الجوع ... يوم كلوا ماحطيتش لقمة في فمي ... جيت بش نغير اما تراجعت وقت تذكرت انوا مافما حتى حد في البيت خلي ننزل نجيب حاجة ناكلها ونطلع .... نزلت للمطبخ ... نعمل سوندويتش ... وعاملة جو مع روحي ...
_ عند ميرنا كانت في غرفتها فدت لبست غوب شطر بدنها معري ... حطت ماكياج سماوكي ونزلت قابلتها جهيدة هزت فيها عينها من فوق لتحت
جهيدة : وين يالالا في نص الليل
ميرنا : بش نمشي نسهر بحذا صحابي
جهيدة : لف وارجع منين جيت توا مافماش صحاب انتي عرست ووراك مسؤليات
ميرنا : بربي ماتعمليش فيها الحماية المعقدة ووخر من طريقي ... ناقص تقولي عصب راسك وادخل للمطبخ اعمل كسكسي ...
جهيدة شافت لؤي داخل اما ميرنا مالاحظتش هذا الشي
جهيدة : اه ياربي شنوا عملتلك انا حتى تسبني علاش .. هذي جزاتي خاطرني خفت عليك تخرج في نص الليل ... ميرنا مصدومة منها مافهمت شي شبيها تقلبت هكا تهزت على صوت لؤي
لؤي : شنوا يصير هوني
ميرنا : ااا اانا كنت خارجة وهي نعرفش شبيها تصرخ وتصيح
جهيدة : تحشميش تكذبي ...قبل شوي برك كنت تسب فيا ... لؤي تلاح عليها وجبدها من شعرها ... يحكي ولاز على لسانوا
لؤي : كيفاش تتجرأ وتحكي هكا مع أمي أمشي قدامي توا نورجيك كيفاش تتواقح ... طلعها معاه ودزها طاحت في الغرفة نحى السانتور تاعوا وطاح فيها ضرب كان سكران يضرب فيها كيف الوحش ماهوش عارف شنوا يعمل ماسيبها غير وقت فرغ غشوا ... ميرنا بقات طايحة في الارض تبكي على حالتها بعد ماكنت عايشة كيف الاميرة حد مايحاسبها ليوم تعرضت لأبشع اهانة في حياتها ... هزت روحها ودخلت لصالدوبان غسلت وجهها لقاتوا ماصارلوا شي اما لحمها كلوا زراق .. غسلت وخرجت غزرتلوا لقاتوا طايح فوق الفرش رقد ... لعناتوا ومشات غيرت دبشها ونزلت خرجت مشات للبار لي موالفة تسهر فيه ... دخلت لقات كل صحابها سلمت عليهم وقعدت ... طلبت كاس بالوقت جاء واحد قعد قدامها وعطاها كاس قلباتوا كلوا على مرة ... تبسملها
الشاب : بشويا توا السهرة بدات ... بش تسكر قبل الوقت
ميرنا : مادخلكش .... انا هوني بش نفرهد على روحي ... خلاتهم قاعدين وناضت تتمايل فرغت كل طاقتها في الشطيح ... رائد كان قاعد في طاولة بعيدة على الأنظار ... يراقب فيها ...جبد تلفونوا وبعثلها ميساج
💥 جام ورأيكم في الريبوند 💥