#الحلقة_6❤❤
#لعنة_أنثى 🔥🔥
#خولة_عزيز 🌶🌶
_جيلان بعد ماطلعت من المشفى وقفت طاكسي ومشات للبحر لبلاصة لي تعودت تريح فاها .. البحر بالنسبة ليها بئر اسرارها تفرغلوا كل لي قلبها بلا ماتخاف .. هو الوحيد لي شهد على لعذاب لي عاشتو والمرار لي مرت به ... طول عمرها ينعتوها ببنت الحرام .. ايه بنت حرام .. تخزر للشمس لي بدات تغرب لونها لي تعكس مع لون البحر .. حطت يدها على كرشها وتكلمت
جيلان : تعرف ان انا ماعندي حتى ذنب .. انا موش زيها انا ماسلمتش في شرفي بإرادتي كيف مايحكيو.. انا وقتها كنت موش فايقة بالشي لي نعمل فاه .. ليلتها كانت حفلة عيد ميلاد لؤي وانا خاطرني نحبوا مشيت للحفلة ومن بهامتي ماعرفتش شنوا صار .. حتى اني موش متذكرة شي من ليلتها .. لي نعرفوا اني فقت لقيت روحي راقدة في حضنوا .. كيفاش ووكتاش وعلاش بش يبقى نقطة استفهام في حياتي .. تعرف الي انا حبيت بوك .. هو وعدني يصلح كل شي صار .. وبش يتزوجني بعد مانتخرج .. أما صار لي ماكنتش نتوقعوا .. (زيرت يدها على كرشها اكثر ) اني حملت بك من ليلتها .. سامحني .. مانجمش نجيبك لهذي الدنيا وتعيش الشي لي عشتوا انا .. اه كون تعرف شعور انك ولد حرام وبوك موش معروف شكون..مستحيل نخليك تحس الاحساس لي حسيتوا انا .. انا مانجمت نعمل شي لنفسي اما نجم نمنع خزرة الناس ليك لي تخليك تتقزز من عملة انت ماعندك يد فاها .. سامحني ولدي سامحني ..
مسحت دمعتها لي نزلت .. ومشات كأنو القدر حب يعيد نفسوا اما هذي المرة هي بش يكون ولدها في مكانها ..
_ عمر ( اب لؤي ) قاعد في الصالون رجل فوق رجل تعب من الخدمة .. بالوقت دخلت جهيدة ( مرتوا )
جهيدة : كان تعبان اطلع ترقد وقت يوجد لعشاء نقول للخدامة تندهلك
عمر : ( غمض عيون بزربة وفتحهم ) كي نحب نرتاح نعرف غرفتي موش حتى تقولي انتي .. ولدك وينو
جهيدة : تتكلم وتتلعثم :لؤي دخل لعشية بدل وخرج
عمر : قلتلي لعشية مممم .. لوكتاش تغطي عليه .. الراجل قدوا قد البغل وانتي تعامل فاه كانوا طفل صغير .. كان ضاع راح يكون كلوا منك
عمر : زايد تكذب يالالا جهيدة .. والله بش تجلطوني انتي وولدك وقت يجي بش نحاسبوا ونحطلوا حد... حمل روحوا ومشى لبيروه بعد فرغ غشوا كلوا فاها ..
جهيدة : (تحكي في قلبها) شنعملك حتى ترضى عليا هذو سنين وماقدرتش نوصل لقلبك ولا نسيك فيها .. عطيتك كل شي مال وولد واسم شنوا تحب اكثر ياعمر .. شنوا تحب وطاحت على الارض تبكي بكل قهر كأنوا السنين واقفة على يومها لاحبت تتعدى ولا ترجع لوراء
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
