#الحلقة_83❤❤
#لعنة_أنثى 🔥🔥
#خولة_عزيز 🌶🌶
فاقوا على وضعهم وقت سمعوا صوتها من وراء الباب
خولة : ايهم بك شي ... شنوا هالصوت .. بربي ماتخوفنيش عليك ... كلامها خلاها تتعصب ڨحرتلوا وهو كأنوا فهم عليها ...
أيهم : حتى شي خولة امشي شد فرشك ...
خولة : باهي تصبح على خير
كانت تغزرلوا وبعدها عوجت فمها تحكي
جيلان : مستغربة كيفاش ماهيش راقدة هوني معاك .؟ .. اه نسيت خوها زادا معاكم ومايجيش تعملوا شي قداموا اما تنجموا تعملوها قدام عيوني انا ... كبس بيدوا على جنبها وقربها ليه لين ماعادش مسافة بينهم
أيهم : شنوا لا تكون غايرة ...
جيلان : بربي علاش نغير من شكلها ولا من كلامها لعسل ...
أيهم : اما عندها طاي قنبلة ... فتحتلوا عيونها على وسعهم ما أوقحوا
جيلان : ساقط زايد ماتحشمش
أيهم : علاش نحشم ... أما ياخسارة مزال ماذقتش عسلها ... اما هذا مايعنيش انوا انتي زادة لاباس عليك
جيلان : شنوا لي لاباس عليا ... تي يطلبوا رضايا بش يحكيو معايا ... انت لي عافس على النعمة لي بين يديك .. ( ماعرفتش على روحها منين جابت الجرأة هذي كل وحكات هكا ) وقت فاقت على روحها وجهها رجع احمر وتمنات الارض تنشق وتبلعها ... اما هو كان طاير بالفرحة من داخلوا وكاتم الضحكة في قلبوا بش مايخسرش وهرتوا قدامها ...
أيهم : لا انتي مش من نوعي ... كلاموا كرزها هزت يدها ودزاتو من كتفوا لين توجع ... في ساع ماتخلعت عليه ...
جيلان : شبيك ... تتوجع ... بربي سامحني ...
أيهم : ( كأنها فرصة وجاتوا ) شي شي يمكن يدي تلوات ...
جيلان : باهي ايجى اقعد خليني نشوف .... قعد على طرف السرير وهي مقابلتوا ... حطت يدها على كتفوا ... رعشة سرات في بدنوا اما كان مستحلي لمساتها ... كأنها الداء والدواء ... كانت تدلكلوا في كتفوا وبعدها هزت راسها لقاتوا يغزرلها
جيلان : مضيعة حاجة في وجهي
أيهم : بربي في هذي الظلمة كيفاش شفتني نغزرلك
جيلان : ماتخافش عيوني تخدم حتى في الظلام ... ياخي علاش ماعالجتش جروحك توا يتجرثموا ... خليني نعقمهملك .. قامت جابت علبة الاسعافات وهو باقي يغزرلها تمنى الوقت يوقف بهم هنا .... قعدت لقاتوا سارح بخيالوا مافاق غير وقت ضغطت على الجرح تهز يسب
أيهم : تي شبيه #### تعالج فيا ولا #### فيا
جيلان : ساقط عمرك لا تحشم اتلم ياخي واحكي كلمة من غير ماتسب
أيهم : علاش لي يعرفك يبقى عاقل ... ڨحرتلوا وكملت داواتلوا جروحوا ... ووقفت ...
جيلان : توا تصبح على خير
أيهم : وين ماشية ... خليك هوني .... حست قلبها بش يطلع من ضلوعوا يعني هو حابب عليها اما وقت تذكرت خطيبتوا فاقت لروحها كان صح حاببها راهو انهى علاقتو مع خطيبتوا
جيلان : مانحبش نكون عشيقة حد .... رماتلوا كلامها وخرجت .... خلاتوا مصدوم من كلامها ..... وقت كانت طالعة من غرفتوا شافتها خولة .... نار الكره لي داخلها زادت اكثر .... مش ممكن تخليها تاخذوا منها ... بش تعمل المستحيل حتى تخليه يكرهها ويحقد عليها
خولة : باهي ياجيلان انت لي خترت الحرب ... وانا لي بش نكسبها .... دخلت لغرفتها تحلف وتتوعد ....
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
