👧كرونيك يقتل :لعنة -أنثى 💗💓❤️‍🔥

40

#الحلقة_40❤❤
#لعنة_أنثى 🔥🔥
#خولة_عزيز 🌶🌶
رائد : شبيك تأخرت
جيلان :(تذكرت أيهم)تعطلت في الطريق ماك تعرف البلاد وقلبت عينيها تغزر للطاولة لي قاعدة فيها ..كبست على صاكها وتبسمتلوا بخبث
رائد : جيلان ماكش بش تتراجع خاطر.. ماخلاتوش يحكي وقت قصت عليه
جيلان : لا ... كل واحد لازم يدفع ثمن اغلاطوا وهي غلطت في حقي وتوا تاخذ حقها ...جبدت الكاس لي كان قدام رايد وحطت فيه حبتين ... ستناتهم حتى ذابوا وعيطت لسارفور جاها
جيلان : تنجم تاخذ هذا الكاس للمدام (وأشارتلوا لميرنا ) وتقولها على حسابي ... هزلها براسوا وخذاه
سارفور : تفضل مدام هذا على حساب لمدام لي هونيك ... دورت وجهها تغزر وين اشارلها ... هزتلها جيلان بكاس العصير لي قدامها .. كأنها تقولها بصحتك ... غزرتلها ميرنا بعيون ماتعبر على شي وبعدها تبسمتلها وخذات الكاس من السارفور وقلباتوا مرة وحدة تستطعم في ذوقوا لقاتو متغير اما ماهتمتش للأمر وكملت سهرتها مع صحابها
رائد: مش كأنك زودت الجرعة
جيلان : بالعكس انا عملتلها جو هههههه قوم خلينا نمشيوا خلصت خدمتنا ليلة .... قاموا خرجوا يضحكوا وعاملين جو مع بعض رائد تعود على جيلان وتقرب منها أكثر عكس أيهم ...
_البار تقريب فرغ من الناس باقي كان ميرنا وبعض الاولاد ... قرب منعا السارفور وطلب منهم يمشيوا ... لي معاها حملوا رواحهم ومشاو اما هي عندت ولصقت في بلاصتها ...
ميرنا :(مش جايبة خبر للي تعمل فيه ) لا بش نبقى هوني ستانست ياسر ههههههههه ... السارفور مابقالوا كان حل يعيط لحد من أهلها ... هز تلفونها وكلم لؤي ماجاوبوش ... وبعد كلم اختها ليان بالوقت هزت ..
ليان : ميرنا شبيك تعيط في الوقت هذا ... وقفها السارفور وقت حكى
السارفور : المدام هوني في البار وسكرانة على اللخر تنجم تجي تاخذها خاطرنا بش نسكروا ... خرجت ليان بسرعة من المشفى ماعرفتش كيفاش تصدمت في باسل
باسل: خير شبيك صار شي
ليان : هااا حتى شي حتى شي ومشات خلاتوا مستغرب اول مرة يشوفها هكا .... لحقت ليان للبار قابلتها اختها ...تصدمت من حالتها وجهها كلوا مبلبز بالمكياج وشعرها داخل بعضوا ....
ليان : ميرنا شتعمل ياخي ...ماعندكش يومين منين تزوجت ماتكبرش انتي .... ميرنا مش معاها كامل تضحك وتلعبلها بشعرها لي نزل عليها وقت طبست تقومها .. قومتها ليان وساعدها السارفور حطوها في السيارة ومشات روحت لدارهم ماخذاتهاش لدار لؤي ... لحقوا فتحت الباب تكركر فيها .... تعبتها وهي تمشي فيها ... قبل لا تلحق للغرفة جات عينها على باباها لي واقف يغزرلهم بملامح باردة ليان بلعت ريقها ... والخوف تملكها ...
حاتم : شنوا يصير هوني
ليان : ه هههي سكرت وانااا ... حاتم كبس على بونيتوا يحاول يتمالك نفسوا هو فد من تصرفاتها ستحملها ياسر ...كان بش يضربها اما لقاها مش في عالمها ... نفخ ودور خرج ... غدوة ويحاسبها .... ليان تنهدت براحة خاطروا ماعمل شي دخلتها للغرفة وحطتها في فرشها وخرجت..يتبع
💥 جام للحلقات كامل  ورأيكم خارج الريبوند 💥