👧كرونيك يقتل :لعنة -أنثى 💗💓❤️‍🔥

75

#الحلقة_75❤❤
#لعنة_أنثى 🔥🔥
#خولة_عزيز 🌶🌶
_عند حاتم ... فتح باب القبو ودخل قابلوه مرميين في الارض صرخ عليهم بغش
حاتم : توا بش نحكي كلام ومانحبش منكم حتى غلطة والله وتحاول وحدة منكم تغدر بيا إلا ماندفنكم حيين ... (هزولوا براسهم خايفين) ... وتوا تهزي انتي وياها غيروا دبشكم وبش نخلي رجالي واحد من رجالي يهزكم لفيلا عمر ...ومانحب حتى وحدة تعمل حركة خايبة تخلي حد يشلق باللي صاير .... رمى كلاموا وخرج ركب سيارتوا ديراكت لفيلا عمر بعد ماوصى رجالوا انوا مايغيبوش على عينهم .... لحق للفيلا لقى كل شي حاضر .... والناس بداو يجيوا ... بالوقت لحقت ميرنا وامها .... ووصلت معاهم ليان زادة مشاتلهم
ليان : كيف عزيزتي
ميرنا : كيفاش تحبني نكون ؟ تذكرت الليلة الكلبة لي عداتها لبارح غزرت لامها وڨحرتلها وصفية قلبها محروق على بنتها ماكانتش تتصور غباءها وتهورها راح يخلي حاتم يفضح سرها. ..اما علاش مايفضحوش هوكا لي كانت تلوي ذراعوا به مشى ومات .... لعنت روحها على بهامتها ... وعلى الورطة لي طيحت روحها فيها ... بقاو هكاكا لين لمحاتوا داخل مع واحد .... حست قلبها بش يطير من الفرحة ... هي بروها ماعرفتش كيفاش هزوها رجليها ليه
ليان : على سلامة باسل ... شحوالك توا
باسل : حمد لله ليان عيشك ... نقزوا جان على جنب وغمزوا بمعنى هذي هي البنت لي طايحة فيها وضحات بعايلتها بش تعاونوا ... ڨحرلوا باسل ...
باسل : تلم ياخي احنا فاش وانت فاش
جان : فاش ياخي ... كلنا راح نموتوا ... وننصحك ماتضيعهاش من يدك .. .... قعدوا يتغامزوا بينهم وهي شلقت عليهم
ليان : باسل ياخي ماكش تعرفني بالميسيو .... باسل غزرلها غزرة موت ...غزرة مش مفهومة ماعرفش علاش تغشش من كلامها بالرغم من انوا مافيه حتى شي يغشش .... مدلها جان يدوا يسلم عليها
جان : الدكتور جان عشير باسل... تبسمتلوا ومدتلوا يدها
ليان : اووه طلعت دكتورة زادة متشرفة ميسيو جان ... باسل فد منهم وقرب من حاتم والجماعة عزاهم ....
حاتم : ياخي شبيك تتوجع بيك شي ؟؟ ... باسل تخطف لونوا
باسل : ايه ضربني برد لمسلاني وخذيتاجازة ...
حاتم : الله يشفيك ... هزلوا راسوا باسل بمعنى يسلمك ....
كان واقف مع ليان لين شافها دخلت ... قلبوا تخطف من مكانوا .... وجودها رجع يفرحوا برشا ..... تمشي بخطوات ثابتة راسها لفوق ....ولا مرة صادف وحدة بقوتها ...يراقب فيها كيف النسر عيونوا ماتحطوش من عليها ... قربت من ميرنا عزاتها وسلمت عليه وزادت على صفية ... لي تبسمتلها ... وقت شافت باسل واقف هونيك مشاتلوا سلمت على الكل ومدت يدها لحاتم لي كبس عليها بقوة يغزر لعيونها بنقمة خلاها تتغوصر من كبستوا .... وقت حس على روحوا سحب يدوا .... قريب من باسل تهمسلوا
جيلان : علاش واقف مش باهيلك امشي معايا خليني ناخذك تقعد في بلاصة ... خذاتوا وعاوناتوا يقعد ... بالوقت جات ليان سلمت عليها .... دورت وجهها لمحت جان تبسمتلوا ومشات لعندوا
جان : تعرف اني نكره هذوا الاجواء ... كئيبة زح ... خلاها تتبسم من كلاموا ....
جيلان : اكيد بش تكون كئيبة هي زادة دفينة مش عرس ... وضحكوا .....يتبع

💥 جام لكل الحلقات ورأيكم خارج الريبوند 💥