#الحلقة_54❤❤
#لعنة_أنثى 🔥🔥
#خولة_عزيز 🌶🌶
كان يغزرلها ويثبت كأنوا يحاول يستوعب انوا لي قداموا هي ... شافها كيفاش واقفة وشعرها داخل بعضوا تسلل الخوف لقلبوا ... يحب يقنعوا روحوا انوا لي يخمم فيه مش صحيح ... مستحيل تعاود تعيش نفس اللعنة ... مافاقش على روحوا وقت نزل من سيارتوا ومشالها ...
أيهم : جيلان شبيك .؟ انتي مليحة .؟ جاوبني ... كانت كيف الجثة لي بلا روح تتنفس بسرعة ... صدرها يطلع ويهبط ... دموعها عموا وديان على خدودها ... حاول يحط يدوا عليها سحبت روحها منوا تصرخ
جيلان : ابعد .. ماتقربليش .. سيبني
ايهم : جيلان فيق انا ايهم فيق على روحك ..
جيلان : كااان ككااان بش يغتص... ماخلاهاش تكمل كلامها ... مجرد التفكير بلي راح تحكيه خلاه يعصب ... سحبها لعندوا حضنها زير عليها بقوة كانوا يحاول يخبيها بين ضلوعوا ...وهي كأنها لقات امانها في حضنوا ... الحضن لي كانت تلوج عليه طول عمرها ... اما هو شنوا عمل رماها للنار وواقف يتفرج فيها ... لعن روحوا خاطروا مامشاش معاها ... خاطروا كان يجري ورا إنتقاموا ولو على حسابها شذنبها هي تعيش لي عاشتوا كلوا وهي بنت 19 كان وحدة اخرى راها تهدت من اول يوم ... بقاو على هذيك الحالة ماحسوش بالمطر لي كانت تنزل عليهم... وقت حسها خنست جبد روحوا منها وحط يديها على وجها حاوطوا بكفوف يديه ... يغزرلها بندم وبحسرة كأنوا يعتذر منها ... سحبها وركبها في سيارتوا وركب هو زادا وقلع يسوق كيف المجنون ... يتعدا في السيارات لي قداموا كانوا ماهاموا شي كل هموا انو يوقف الوقت ويرجعوا وراء... دور وجهوا ليها لقاها متكية راسها وتغزر للفراغ ... تنهد بحسرة ...سخفاتو حالتها ... عدا يدوا على شعروا فاد من كل شي ... لحقوا ... نزل ومشى جهتها لقاها على نفس حالتها ... نزل لعندها حملها في حضنوا ودخل بها ... تعدا بها طول لغرفتوا ... حطها في فرشوا ومشى لغرفتها بش يجيبلها دبش نضيف .... دخل فتح الدرسينڨ ... هز لي قداموا من غير مايتعب راسوا ... رجعلها لقاها رقدت ... قعد على طرف السرير ... وهزها شوي فتحلها سحاب الغوب .... بدا ينزللها فيها ... كل ماينزل اكثر ناروا تشعل أكثر ... من جهة صورة بدنها الابيض لي خلا بدنوا يتكبس والسخانة تطلعلوا لراسوا ... ولا ملمسها الرطب ...عدا يدوا على صدرها يتلمس التاتو لي حاطاته عليه لمعوا عيونوا من الشهوة لي حركتها فيه حتى وهي بهذي الحالة ... نزل على وجهها أكثر تحركت بين يديه فاق على الشي لي يعمل فيه ... لعن وسب روحوا هو زادا مايختلفش عليهم ومانجمش يقاوم شهوتوا قدام بدنها ... ماكمل لبسها غير بطلوع الروح ....غطاها ولعن إبليس مشى لصالدوبان غير ونزل لتحت يعيطلوا في تلفون
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
