👧كرونيك يقتل :لعنة -أنثى 💗💓❤️‍🔥

70

#الحلقة_70❤❤
#لعنة_أنثى 🔥🔥
#خولة_عزيز 🌶🌶
_روح من الشركة مهدود تعدا عمل دوش خرج لحقوا ميساج ... فتحوا قراه جن دخل بعضوا مستحيل الكلام لي يقرا فيه صحيح ... صرخ بأعلى صوت ... خلا اموا لي كانت تحت تتفجع عليه طلعت تجري لغرفتوا ... لقاتوا واقف يغزر للفراغ وفي يدوا تلفون قربت منوا دزها ....
لؤي : ابعدني ماتلمسنيش ... مستحيل يكون صح .. يعني طول حياتي عايش في كذبة
جهيدة : على شنوا تحكي .. فهمني ياولدي ...خذات تلفون من يدوا وقرات لي فيه الارض لعبت بها رجليها فشلوا ... لسانها ثقال ... نزلوا دموعها واقف يغزرلها كانوا يستنى فيها تنكر الشي لي قراه وقت نزلوا دموعها دخلوا الشك ... دزها وقام يكسر في كل شي ...
وصل عمر لدار جاء يجبد مفتاحوا طاحوا الاوراق ... نزل يهزهم تصدم على ورقة تحليل الحمض النووي يدوا ترجف
... عيونوا رجعت كيف الجمرة ... فتح الباب بقوة سمع صوتهم لفوق .... مشالهم لقاها تحاول تشرحلوا ... كل كلمة تقولها يحسها كيف السكين يتغرس في قلبوا ... يعني طول عمروا عايش مع وحدة خدعاتوا مع شخص اخر وفوقها خلاتوا يربي ولدها ....الغش عمالوا عيونوا وماعرفش شنوا يعمل مشى لغرفتوا فتح الدرج وجبد سلاحوا .... في لحظة تقلبت حياتوا دخل صوب سلاحوا عليها ويصرخ
عمر : شكون بوه تخطفوا في زوج وقت شافوه حامل سلاح ... مشالوا لؤي ... يحاول يوقفوا
لؤي: بابا ..
عمر : ماتقوووولش بابا انا مش بوك .... دور موجه سلاحوا لجهيدة يهدد فيها بش تقولوا شكون بوه وهي كيف الحجرة مسيبتها للدموع ... تطرت من بلاصتها وقت شافتوا صوب سلاحوا لؤي ... مستحيل تخليه يقتل ولدها ... مسكتلوا يدوا لي فيها السلاح وتعافر فيه ... ماشافوش الطاولة تاع زجاج لي وراهم دزاتوا طاح على راسوا ... اما وقت طاح كان كبس على الزناد وخرجت رصاصة طايشة لقات بلاصتها في صدر لؤي لي كان واقف يغزرلهم مصدوم .... جمدت في بلاصتها وقت سمت الصوت ... بالوقت دخلت ميرنا والخادمة لي تصدموا من المنظر لي يشوفوا فيه الاب وولدوا غارقين في الدم ... ايه عمر مات ... مات وقت خترق زجاج الطاولة الشريان لي في رقبتوا ... والرصاصة الطايشة لي خرجت قتلت لؤي .... طاحت جهيدة دايخة ... وميرنا مشات تجري لؤي تحاول تقوموا نزلت حملتوا وتبكي بحرقة هو حب حياتها لي عملت المستحيل على خاطرو وتوا خسراتوا ... ...
💥 جام ورأيكم في الريبوند 💥

تتفاعلو نكمل