👧كرونيك يقتل :لعنة -أنثى 💗💓❤️‍🔥

68

#الحلقة_68❤❤
#لعنة_أنثى 🔥🔥
#خولة_عزيز 🌶🌶
_ كان في بيروه يستنى فيها تروح اما شي كانها تحب تركبلوا السكر
ايهم : وين تكون مشات في هذا الليل ... افففف ياجيلان افففف ... جننتني بتفوريخك ... .... هز راسوا على دخلتها
خولة : نجم ندخل .... هزلها براسوا قربت منوا لين مارجعتش بينهم مسافة ... هزت يدها تتلمس في وجهوا
خولة : تعرف إلي صورتك مافارقتنيش .. كل ليلة نرقد عليها ...نحبك ايهم  قعدت فوق حجروا وحطت شفايفها فوق تاعوا وباساتوا ....
جيلان بعد ماطمنت على باسل روحت جات طالعة لغرفتها .. لمحت ضوء البيرو تاعو شاعل ... تردد تمشيلوا ... وبعدها قلبها تغلب على عقلها ...مشات وياريتها مامشات ... تغزرلهم كيفاه يبوسوا في بعض وهو مكبس عليها في حجروا ... حست بغصة في قلبها ... شدت دموعها  بش ماينزلوش ... طلعت لغرفتها من غير مادور وراها ... ايهم لمحها وقت مشات ... اما ماعمل حتى ردة فعل ... ماحاولش حتى يوقفها ... ولا يفسرلها الشي لي شافتوا
_طلع نهار جديد ... خارج من الدار وجهوا مقلوب ركب السيارة من غير كلمة ... كان يغزرلوامن طروفيزور
الراجل : معلم ياخي تخليها تمشي هكاكا من غير ماتعاقبها
حاتم : مش توا مش توا ... وقت يجي الوقت بشنخليها تتمنى الموت الساقطة .... توا مزالني محتاجها ...
الراجل : ميسيو حاتم نوصلك للشركة ولا وين
حاتم : لا امشي للمقبرة .... مشى حاتم والراجل تاعوا للمقبرة نزل ومشى جهة قبر ولدوا ..قعد يعدي في يدوا على التراب لي فوق قبرو ...
حاتم : كسرت ظهري بموتك ... كنت انت السند لي نعول عليه ...نعرف الي دفنتك من غير صلاة ولا كفن أاما والله نوعدك اني بش نعملك جنازة بعد مانجيبلك حقك من الساقطة جيلان ... وتوا ارتاح
_فاقت مخطوفة ماحستش على روحها كيفاش رقدت لوقت هذا كل ... غزرت للساعة لقاتها التسعة متاع الصباح سبت روحها وقامت غسلت ..لبست دبشها ونزلت ... شافها وقت كان خارج من بيروه ...
أيهم : جيلان .... دارت لعندوا هزتلوا بحاجبها بمعنى شتحب ....
أيهم : وين بايتة لبارح .... تبسمت بوجيعة .. هه لهذي درجة ماتهموش ... صحيح كون جات تعنيلوا راهو عرف بلي جات في اخر ليل ورقدت في غرفتها ...
جيلان : بايتة عند صديق ...
أيهم : شكون هذا ؟؟ من وين طلع لي نعرفوا انك ماعندكش حد قريب من غير باسل .. وايجا هوني كيفاش نجمت تهرب لبارح تحت صوت الرصاص هذاكا ... عدلت وقفتها وكتفت يديها تتبسم بسخرية
جيلان : هههههههه توا تذكرت تسألني ... مممم صحيح كيفاش تتذكر وحبيبة القلب رجعتلك ... ولا خلي نقولوا خطيبتك احتراما للاخ حتى مانطيحوش بشرفوا ...
أيهم : جيلاااان تلمي ماتقلبليش ### مع صباح وجاوبني شكون هذا الصديق .... هزت راسها شافتها واقفة في الدرج متبعة كلامهم ... قربت منوا لين رجعت تتنفس النفس لي يطلع منوا
جيلان : مش انت برك لي عندك ماضي .... انا زادا عندي ماضي واسرار ... ومشات خلاتوا كابس على قبضة يدوا ... ماحس غير بيديها حاوطوه من وراء .... جيلان وقت كانت راح تغلق الباب شافتهم بهذاك الوضع نقمة عليه اكثر وعلى روحها خاطرها سمعت لقلبها ووثقت فيه ...كانت تحب ياخذها في حضنوا ويخبيها من كل هذا العالم شافتوا حبل نجاتها اما هذا الحبل تقطع بها وقت وصلت لنص الطريق .... مسحت دمعتها وركبت سيارتها توقفت قدام الشركة تلاقات مع حاتم وعمر سلمت عليهم
حاتم : اوووه مدام جيلان لا تكون انتي زادا كان عندك سهرة ومانجمتش تفيق بكري .... جيلان فشلوا رجليها وقت تذكرت كيف قتلت ولدوا ...
جيلان : لا اما كان عندي خدمة مشيت عملتها وجيت سامحوني على التأخير
عمر : لا ماعندك علاش تطلب السماح انتي الشريكة الاكبر هوني ... تبسمتلوا وتعدات لمكتبها .. حتى رائد رجع مايجيش للخدمة وخلاها حاصلة وحدها وسط هذوا الوحوش ....
_رائد دخل وفي يدوا دوصيي ... لقى اختوا وايهم يبوسوا في بعض ... كبس على يدوا ... وخرج صوت خلاهم يجبدوا على بعض ... خولة حشمت من خوها مشات ورجعت لغرفتها ....
أيهم : رائد ... ماخلاهش يكمل وعطاه الدوصي ... حكموا عليه ايهم وفتحوا وكانت صدمة عمروا رجليه مش حاملينوا ... جيلان وميرنا اخوات يحكي بصوت متقطع ...
أيهم : يعنننن.نني جيلان بنت حاتم ... يعني الراجل لي نلاحقوا فيه هو بوها والشخص لي غتصبها خوها من بوها مش هكا .... خوذ هذا التقرير وخبيه ... مالازمش يوصل ليد جيلان ...
رائد : وجود جيلان توا وسطنا خطير برشا ... ولازم ...
ايهم : نعرف شنعمل ... نتمنى ماتمليش عليا اوامرك ...
رائد : انت مخليها هوني على خاطر المهمة او على خاطر شي ثاني
أيهم : فاش تخرف انت من الصباح احكي لي حاب تقولوا ديراكت ماترميليش تلمحيات
رائد : ايهم انت قبل سنين طلبت يد اختي واحنا عطيناك نتمنى ماتكونش نسيت ... ايهم العصب تمكن منوا كون صاب راهو خنقوا
ايهم : مانسيتش يارائد كون نسيت مانكونش واقف قدامك هوني توا انا كنت نجري وراء انتقامي ... على خاطرها .. نتمنى انت ماتنساش حدودك وقت تحكي معايا وماتخلطش الامور العاطفية بأمور الخدمة .... خبط باب في وحهوا وخرج ... .تعدا رائد للمكتب وفتح الخزنة وحط فيها تقرير التحليل متاع جيلان وميرنا والتقرير تاع لؤي وبوه خذاه معاه وخرج ....
💥 جام ورأيكم في الريبوند 💥