#الحلقة_34❤❤
#لعنة_أنثى 🔥🔥
#خولة_عزيز 🌶🌶
_ توقفت سيارتهم قدام الحي ... النفس تقطع عليها ... حطت يدها على قلبها ... رجع شريط ذكرياتها لمخها .. كيفاش كبرت هوني .. هذا الحي شهد على كل معاناتها وضحكتها ... نزلت من السيارة تمشي بخطوات ثقال ... كل ماتقرب قلبها يقسى اكثر ... حقدها يزيد ... اليوم بش تدفعهم ثمن كل شي ... تغزر للشرطة لي قدام الدار يسحبوا في جميل وهي يحاول يفك روحوا منهم
جميل : سيبوني بربي اعطوني فرصة والله ندفع كل الديون
الشرطي : امشي من غير مشاكل ...ماعندناش كان انت ...
فريدة : جميل .. لا جميل ... خليوه .. هو ماعمل شي ..
الشرطي : هو بش يمشي معانا ووقت يدفع الديون لي عليه نفلتوه
فريدة : اعطيني يومين وانا ندبرلك المبلغ بربي ...
جميل : فريدة ساعديني مانيش حاب ندخل للحبس دخلوه لسيارة الشرطة وخذاوه ...فريدة تبكي وتجري ورا السيارة : ماتخافش جميل انا بش نخرجك.. بش نبيع الدار وندفع كل ديونك ... حرام عليكم لي تعملوا فيه .. رجعوه هو ماعمل شي .. .. جميل كان كل ليلة يقمر ويمضي على شيكات لين فدوا منوا وطلبوا منوا يخلص اما هو مانجمش وتوا هزوه للحبس ... مرمية في الارض تبكي بحرقة على راجلها كان هو خوها وبوها وسندها في الحياة ... وتوا خذاوه منها ... تهزت على صوت مدير مكتب العقار
المدير: مدام تفضل
فريدة : تمسح في دموعها وتشوف في الورقة ..شنوا هذا ؟؟
المدير : امر بإخلاء البيت ....
فريدة : قامت على طولها مفجوعة .. شنوااا .. جنيت انت هذي داري ..
المدير : مدام الدار مارجعتش دارك توا راجلك باعها وقبض ثمنها و توا ملكا ناس اخرين ... وهذي الوثيقة تثبت هذا تنجم تمشي للمحامي تتأكد ... فريدة تحس في الارض تلف بها بين ليلة ونهار خسرت راجلها ودارها .. توا وين بش تمشي ... هزت روحها ودخلت لدار لازمها تلقى حل وتخرج راجلها وترجع دارها
واقفة من بعيد تتفرج ... تتبسم بحسرة ... هي زادة تذلت وتهانت .. كيف هك طردوها في ليلة برد والمطر تنزل وماشفقوش عليها ...صحيح هي خالتها .. اما ماشفقتش عليها كذبتها وصدقت راجلها لي تهمها في شرفها توا خليها تذوق من نفس الكاس لي ذاقاتو هي ... لبست ليناتها ودارت ركبت في السيارة .. رائد يغزرلها كان متوقع انها تحن عليها وتشفق على حالتها وتتراجع على انتقامها اما صدماتو بعملتها واقفة مبردة دمها تستمتع بالمنظر لي تغزرلوا ... وقت شافها ركبت طلع هو زادا ومشاو
💥 جام ورأيكم في الريبوند 💥
أنت تقرأ
👧كرونيك يقتل :لعنة -أنثى 💗💓❤️🔥
Fantasy#حصريا على حسابي ❌❌ممنوع النقل نهائيا ❌❌ جيتكم بكرونيك جديدة نخليكم انتم لي تحكموا 💥🔥😘😍 كرونيك بعنوان : ❤ لعنة_أنثى ❤ بقلم: ❤ #Khawla_Aziz 🔥🔥🔥🔥🔥🔥🔥🔥🔥🔥🔥🔥🔥🔥 خرجت من البيرو تاع الدكتورة .. تمشي بخطوات متثاقلة.. تتمايل ... كلام الدكت...
