👧كرونيك يقتل :لعنة -أنثى 💗💓❤️‍🔥

79

هلو حلوين اسفة على التأخير والله امتحانات وأجواء لا أراكم الله اتمنى تكونو بخير حقا قبل أن ابدأ اريد ان اخبركم سأفعل قصة جديد اختارو بين الأسماء "حب مستحيل ، السنة الأخيرة، أو مافيا و هوس و سادية " اتمنى ان تكتبولي اي قصة ابدأ اكتبلكم علاها

#الحلقة_79❤❤
#لعنة_أنثى 🔥🔥
#خولة_عزيز 🌶🌶
جان : ارفع صوتك اكثر مش سامعك .... جاء بش يمشي لغرفتوا سمع الجرس يرن ... هز كتافوا زعما شكون يكون ... باز يكون باسل ... فتح الباب وكانت المفاجأة ... أيهم واقف بكل وهرتوا يدوا وحدة في جيبوا وثانية حامل بها سيجاروا ينفخ فيه .... وقت شافوا بهاكا المنظر سحب يدوا من جيبوا وعدل وقفتوا .... يغزرلوا صدروا عريان .... ركبوا العصب وقت جات في بالوا صورتهم مع بعض .... عيونوا رجعوا حمر كيف الدم .... دزوا وتعداه يصرخ بإسمها
من غرفة لغرفة
أيهم : جيلان .. جيلان ... وينك جيلان اطلع ....
كانت في المطبخ تاكل وماعندها شي تفكر فيه .... جمدت على صوتوا وقت سمعتوا ينادي بإسمها ... ضربت وجهها بكفوف صغار كأنها تحاول تفيق روحها  قريب تعملها تحتها ..
كان كيف الثور الهايج لي يجي قداموا يدزوا ويكسروا ... وجان وراه يحاول يوقفوا وهو شي حاجة مانفعت فيه
جان : شتعمل ياخي داخل لداري ومتهجم عليا ... جنيت شي
أيهم :لتوا لا شفت شي .. وينها ..
جان : على شكون تحكي ( حب يستفزوا )
أيهم : ماتقلبليش #### تخليني #### هوني .. نحكي على السخطة جيلان
جان : جيلان مش هوني وتوا من غير مطرود ... وهنا أيهم صايي فلتت من اعصابوا هجم عليه خنقوا من مريولوا .... ودزوا للحيط ضربوا لوجهوا ... تهز من فوقوا وقت سمع صوتها
جيلان : سيبوا ياهم سيبوا ... انت شنوا ياخي بلوة وطاحت فوق راسي ... نطرها مسكها على يدها ويكبس عليها حست بوجيعة اما ماحبتش تبينلوا ...
أيهم : شتعمل هوني مع راجل وزادا شبه عريان ... وڨحر لجان ...
جيلان : شمدخلك انت ... نعمل لي نحب عليه ... حكمها على فكها قريب يجيبوا في يدوا
أيهم : وقت نسألك تجاوب ... من غير ماتزيد معايا في الكلام ... قام جان وضربوا بونية لكرشوا ... خلاه يتعوصر وطاح فيه ضرب لي دمدملوا وجهوا ... جيلان رتعبت وقت شافت جان يضرب فيه ... حست بقلبها يعصر عليها .... ماحست بروحها غير وقت نزلت تجبد في جان من تحتوا ...
جان : هذي بش ماتحاولش مرة اخرى تهز يدك عليها ...
ايهم : ( بصوت مبحوح مخلطة مع وجيعة ) بش ندمك ياطحان .... وقام نفض روحوا يغزرلها ... قحرلها ڨحرة موت خلاها ترجع خطوة وراء
أيهم : عندك ساعة مانلقاكش في الدار ... ماتلوم كان روحك وغزر لجان ... يمسح في الدم لي ينزل على فموا ... وخرج خلا الباب مفتوح .... لحقت وراه لقاتو ركب سيارتوا وخلا كان العجاج وراه ... دخلت وغلقت الباب تكات ظهرها عليه .... يعني الحياة مصممة انها تعكسها ... وقفت تنفضت وقت غزرت لجان وجهوا كلوا مضروب مشاتلو تجري
جيلان : سامحني بربي كل صرا من تحت راسي ... كون ماجيتش مايص.... ماخلاهاش تكمل ... جبدها ضربت في صدروا ومن غير مايخليها تستوعب حط شفايفو على تاعها وباسها بكل حب ... بوسة عبرلها بها على كل شي داخلوا .... وقت فاقت على روحها دزاتوا تنهج ...
جيلان : شنوا عملت جنيت انت ...
جان : سامحني بربي اما مانجمتش نمسك روحي
جيلان : ماتخلينيش نندم اني وثقت فيك .. وفتحتلك قلبي ... وعطاتوا بظهرها جات تفتح الباب وقفها صوتوا
جان : تحبيه مش هكا ؟؟؟ ... حست قلبها يدق في الألف هي بروحها ماتعرفش مشاعرها ... بقات ساكتة ...
جان : بش يبكيك ... هو راح يكسر قلبك
جيلان : شعرفك انت ؟؟
جان : ماتنساش حبيبتوا وهو كان بش يفديها بروحوا .... حست بموس خترق قلبها ... كلاموا صحيح وماتنجمش تنكروا ... هو كل لي عملوا على خاطرها ... طول هذوك السنين مانجمش ينساها ... زعما راح تخليه هي ينسى في الشهرين لي قعدتهم معاه ... هزت يدها ومسحت دمعتها ...
جيلان : تهنى ... أنا نفسي وكارهتها ... قلبي غلقتوا من زمان ... وخرجت
جان : على شكون تحاول تكذب ياجيلان ... عليا ولا على روحك ... كان شفتي عيونك كيفاش كانوا خايفين عليه وقت كنت نضربوا ماتحكيش هكا ... اما هذا مايمنعش اني نحاول نكسب قلبك ... في الحب كل شي مسموح والفايز يغلب .... حكى هالكلام بينوا وبين روحوا ومشى جاب علبة الفارماسي عالج جروحوا ....
💥 جام ورأيكم في الريبوند 💥

حلوين بليز ماتنسو تختارون عنوان