ချစ်ခြင်း၏ အဆုံးဝယ် |ဘာသာပြန်|

3

Unicode

နောက်နေ့မှာတော့ ကုမ္ပဏီရဲ့ လပတ်
အစည်းအဝေးကိုလီရှူးရိ ဦးဆောင်ရသည်။
သူဝင်လာတာကိုတွေ့တာနဲ့အမျိုးမျိုးသော
ဌာနခေါင်းဆောင်တွေ ပင့်သက်ရှိုက်မိလိုက်
ကြ၏။ သူတို့တွေထဲကတစ်ချို့မှာ နှလုံး
မကောင်းကြပါချေ။ သူတို့အိတ်ကပ်ထဲက
ဆေးကိုထုတ်ကာ နှစ်လုံးလောက်ကိုအမြန်
သောက်လိုက်ရသည်။ဒီလိုလုပ်ရတာ
သူတို့အမှားကြောင့်မဟုတ်ပါချေ။ ဒီလူက
အခုထိစီးပွားရေးကိစ္စနှင့်ခရီးသွားတုန်း
လို့သာသူတို့ကြားထားကြတာ
ဖြစ်သည်လေ။

ဒီငရဲမင်းကပြန်ရောက်နေပြီဆိုတာ
ဘယ်လိုလုပ်သိပါ့မလဲ!? လီရှူးရိက
အညှာအတာမဲ့သူတစ်ယောက်ပင်။ အကယ်၍
တစ်ယောက်ယောက်အမှားလုပ်တာကို သူ
မိသွားလို့ကတော့ ထိုလူရဲ့အနာဂတ်မှာ
သိပ်ကောင်းလိမ့်မည်မဟုတ်။ မင်းမှာ
အပြစ်ဒဏ်လျော့ပေါ့စေဖို့ ထောင်ချီတဲ့
အကြောင်းပြချက်တွေရှိနေရင်တောင်
သူကတော့ မျက်လွှာပင့်ကြည့်ဖို့ကိုပင်
စိတ်ဝင်စားမှာမဟုတ်ပေ။

ကုမ္ပဏီရဲ့ လတ်တလော ရှော့ပင်းမော်လ်
ပရောဂျက်အတွက် သဘောထားကွဲလွဲမှုတွေ
များနေတာကြောင့် အစည်းအဝေး
တစ်ခုလုံးက စိတ်ဆင်းရဲဖွယ်ရာပင်။

ဆောက်လုပ်ရေးဧရိယာ 4000စတုရန်းမီတာ
ကျော်နှင့် ရင်းနှီးမြှုပ်နှံငွေ 9သန်းကျော်ရှိတဲ့
ဒီပရောဂျက်က သေးသေးလေးမဟုတ်။
ဒီပရောဂျက်အတွက် တာဝန်ရှိတဲ့သူက
ပိုင်ကျင့်ရဲ့အစ်ကိုဝမ်းကွဲ ပိုင်ဟိန်ဖြစ်သည်။
အစကတော့ ဒီပရောဂျက်အတွက် ဒီဇိုင်းကို
ဟွားရွေးဒီဇိုင်းအဖွဲ့အစည်းနှင့်လက်တွဲဖို့
စီစည်ထားခဲ့တာဖြစ်သည်။ ဒါပေမဲ့အခုတော့
ဘယ်လို​ဖြစ်ပြီး သူတစ်ခါမှတောင်
မကြားဖူးတဲ့တစ်ခုဖြစ်သွားရတာလဲ?

လီရှူးရိကဘာလို့ပြောင်းလိုက်တာလဲဆိုတာကို
ပိုင်ဟိန် ကိုမေးလိုက်သည်။ပိုင်ဟိန် က
တစ်စုံတစ်ယောက်ကို အချက်အလက်တွေ
ကမ်းပြေးဖို့ပြောလိုက်ရင်း သူ့လည်ချောင်းကို
ရှင်းလိုက်ကာ အခြေအနေအကြောင်းကို
ရှင်းပြလာ၏။

လီရှူးရိ သူပြောတာကိုနားထောင်နေရင်း
ဒီဇိုင်းပုံကြမ်းတွေကိုလှန်ကြည့်နေလိုက်သည်။
လီရှူးရိ စာမျက်နှာတစ်ချို့ကို ဖတ်ပြီးတဲ့
နောက်မှာတော့ ပိုင်ဟိန်ပြောနေသည်ကို
ကြားဖြတ်ရင်း အေးစက်စွာပြောလိုက်သည်။