Unicode
မနက်ခင်းတွင်....
လီရှူးရိကို hyperbaric အောက်ဆီဂျင်ကုထုံး
နည်းနဲ့ကုသမှာဖြစ်တာကြောင့် ဝေ့ကျီ
ဆေးရုံကို ကိုးနာရီမထိုးခင်ရောက်လာခဲ့၏။
သူရောက်တဲ့အခါ အခန်းတံခါးဝမှာရပ်လို့
သူနာပြုနဲ့စကားပြောနေတဲ့ကျောမင်ယွမ်ကို
တွေ့လိုက်ရသည်။ ဝေ့ကျီမှာ အနည်းငယ်
အံ့အားသင့်သွားရကာ
"မင်း မနက်တုန်းကရောက်တာလား"
ကျောမင်ယွမ်က နှုတ်ခမ်းကိုတွန့်လို့
ပြုံးလိုက်ကာပင်
"မနေ့ကတည်းကရောက်နေတာပါ"
ဝေ့ကျီမှာ သုံးစက္ကန့်လောက် ကြောင်အ
သွားရတော့၏။ သူ့အကြည့်တွေက အခန်း
ဆီကိုရောက်သွားပြီးမှ ကျောမင်ယွမ်ဆီကို
တစ်ဖန်ပြန်ရောက်လို့လာသည်။ သူဘာကို
မေးချင်နေလဲသိတာကြောင့် ကျောမင်ယွမ်
ဖြေပေးလိုက်၏။
"သူ အထဲမှာရှိပါတယ်။ မနေ့တုန်းက သူ
ဆေးရုံမှာပဲ ညအိပ်ခဲ့တာ"
ဒီနှစ်အတွင်းမှာ ပိုင်ကျင့်က နေရာနှစ်ခုကို
ခေါက်တုံ့ခေါက်ပြန်ပြေးလွှားရင်း သူ
ဆေးရုံမှာအိပ်တဲ့အကြိမ်ရေက သူ့အိမ်ကို
ပြန်အိပ်တာထက် ပိုများလာခဲ့လေသည်။
နောက်ကျနေပြီဆို သူက အခန်းထဲကဆိုဖာ
ပေါ်မှာပဲအိပ်လိမ့်မည်ဖြစ်၏။
သူက သူ့အတွက်သူ ဘာတစ်ခွန်းမှမပြောခဲ့
ပေမဲ့ ကျောမင်ယွမ်ကတော့ အထူး
အခွင့်အရေးတစ်ချို့ရဖို့အတွက် အနောက်
တံခါးကို သုံးချင်ခဲ့လေသည်။
ဒါပေမဲ့အဆုံးမှာတော့ အဲ့တာကသူကျွမ်းကျင်
တဲ့နယ်ပယ်မဟုတ်သလို ပိုင်ကျင့်ကိုယ်တိုင်
ကလည်းဘာမှမပြောတာကြောင့် ကျောမင်ယွမ်
မှာသိပ်ပြီးများများစားစားပြောလို့မရခဲ့ပေ။
ကံကောင်းစွာနဲ့ပဲ အစပိုင်းမှာ သူ့ကိုလျစ်လျူရှု
ထားခဲ့တဲ့ဝေ့ကျီက နောက်ဆုံးမှာတော့
မနေနိုင်တော့ဘဲ လီရှူးရိရဲ့ဘေးခန်းကို
သူ့အတွက် ဧည့်စောင့်ခန်း လုပ်ပေးခဲ့၏။
"တကယ့်ကို ကရိကထ များလွန်းတာပဲ"
ဝေ့ကျီမှာ မကျေမနပ်နှင့် ငြီးတွားမိတော့သည်။
ကျောမင်ယွမ်လည်း သူ့နှလုံးသားထဲမှာ
တိတ်တဆိတ်သဘောတူလိုက်မိ၏။
သူအဲ့ဒီ့နေ့က နင်ယွဲ့ရဲ့ဖုန်းကို ကိုင်လိုက်တာ
ကြောင့်နဲ့ပတ်သတ်ပြီး ပိုင်ကျင့်က သူ့အပေါ်
စိတ်မကြည်သေးပါချေ။ အဲ့တာက
တကယ်တမ်းကျ သူ့အမှားလည်းပါသည်။
အဲ့ဒီ့ သခင်လေးနင်က သူ့ကိုဖုန်းခေါ်ပြီး
အစစ်အမှန် ဆန်လွန်းစွာပဲ ငိုလာခဲ့၏။ပြီးတော့
သူက တစ်နှစ်လုံးနီးပါး ပြဿနာမရှာခဲ့ပေ။
ပိုင်မိသားစုနဲ့ နင်မိသားစုကြားကအခြေအနေ
တွေကလည်းတင်းမာနေဆဲပင်ဖြစ်သည်။
အဲ့တာကြောင့် ရန်သူတစ်ယောက်နည်း
သွားတာကကောင်းတာပဲလို့ ကျောမင်ယွမ်
တွေးပြီး သူ့နှလုံးသားကို ခဏလောက်
နူးညံ့မိလိုက်တာပင်။ သူ ကူကယ်ရာမဲ့စွာပဲ
သက်ပြင်းချလိုက်မိတော့၏။ အတိတ်မှာ
တုန်းက သူ လီရှူးရိနဲ့ပိုင်ကျင့်တို့နှစ်ယောက်ကို
တွဲဖက်ပေးချင်ပေမဲ့ ပိုင်ကျင့်က ဒေါသထွက်
တာ ကိုပဲခံခဲ့ရသည်။ အခုကျသူ ပိုင်ကျင့်ကို
အကျိုးသင့်အကြောင်းသင့်ပြောတော့လည်း
ခံထုတ်ခံရလုနီးနီးပင်။ ထားလိုက်ပါတော့
သူက ဒီတိုင်း ချစ်ခြင်းသော ဘာသောတွေ
နားမလည်တဲ့ အရူးတစ်ယောက်သာသာပဲ...။
YOU ARE READING
ချစ်ခြင်း၏ အဆုံးဝယ် |ဘာသာပြန်|
Randomtotal chapter- 113 chapters update schedule- random.
