ချစ်ခြင်း၏ အဆုံးဝယ် |ဘာသာပြန်|

80

Unicode

ပိုင်ကျင့်နဲ့ပိုင်ဟောက်တို့ ကျင်းဟိုင်မြို့ကို
ရောက်တဲ့အချိန်မှာည 12နာရီတောင်
ထိုးခါနီးနေလေပြီ။

အစတုန်းကတော့သူတို့ နောက်နေ့မနက်
လေယာဥ်လက်မှတ်ကို ဝယ်ထားခဲ့တာဖြစ်၏။
ဒါပေမဲ့ ဒီည အချိန်ကပ်သီလေးမှာပဲ အစည်း
အဝေးပျက်သွားခဲ့တာကြောင့် နောက်ဆုံး
လေယာဥ်ကိုပဲ စီးလာခဲ့ကြတော့သည်။

ဒီတစ်ကြိမ်မှာသူတို့ C မြို့ကိုသွားခဲ့ကြတာက
ညှိနှိုင်းမှုတစ်ချို့ပြုလုပ်ရန်ဖြစ်၏။
တစ်ဖက်လူက ခေတ်မှီဆက်သွယ်ရေးနဲ့
သတင်းအချက်အလက်နည်းပညာမှာ
ပါဝင်သူတစ်ဦးဖြစ်လေသည်။ သူ့တို့ရဲ့
နောက်ဆုံးပေါ် နည်းပညာက လုပ်ငန်းမှာ
ဖွံ့ဖြိုးမှုများကိုဖြစ်ပေါ်စေခဲ့၏။ ပိုင်ကျင့်က
ဒီ ပရိုဂရမ်ကိုဝယ်ယူပြီး ကုမ္ပဏီရဲ့
လက်အောက်က ပရောဂျက်ပေါင်းများစွာမှာ
အစားထိုးအသုံးပြုချင်တာဖြစ်သည်။ဒါပေမဲ့
လည်း ဒီလိုကိတ်ချိုချိုလေးကိုတပ်မက်တဲ့
လူတွေဟာ တပုံတပင်ရှိလေ၏။ ပြိုင်ဖက်
များလှတဲ့အပြင် သူတို့ဆီမှာ လက်ဦးမှု
လည်းမရှိပါချေ။ ဒါကြောင့်ရက်ပေါင်းများစွာ
ဆွေးနွေးပြီးတာတောင် သေချာပြီလို့
ပြောနိုင်တဲ့အခြေအနေမျိုးမဟုတ်ပေ။

လေဆိပ်ဝယ်...ပိုင်ကျင့်ကရှေ့ကနေ
လျှောက်လို့ ကျောမင်ယွမ်ကတော့
တစ်စုံတစ်ခုကိုတင်ပြနေပုံရကာ ဘေးကနေ
ကပ်လျှောက်လို့လာသည်။ သူတို့ရဲ့နောက်မှာ
တော့ မှုန်သိုးနေတဲ့မျက်နှာတွေနဲ့ ဌာနဆိုင်ရာ
ခေါင်းဆောင်တွေပင် ဖြစ်၏။ များပြားလှတဲ့
အလုပ်ဖိအားတွေနဲ့ ရက်ပေါင်းများစွာကို
ဖြတ်သန်းပြီးတဲ့နောက်မှာ ပုံမှန်မဟုတ်လွန်းလို့
သူ့တို့ဘေးလူတွေကတောင် စောဒကတက်
ကြတဲ့ အလုပ်ဂျိုးတွေတောင်မှ သည်းမခံနိုင်
ခဲ့ကြပါချေ။

သူတို့ထဲကတစ်ယောက်က တစ်ခုခုပြောချင်
နေပုံရပေမဲ့ တုံ့ဆိုင်းနေတဲ့အမူအရာမျိုးနဲ့
ပိုင်ကျင့်တို့ကိုကြည့်နေခဲ့ကာ ခြိမ်းခြောက်တဲ့
အကြည့်ပေါင်းများစွာကိုရခဲ့လေသည်။
တုံ့ဆိုင်းနေတုန်းမှာပဲ သူက ရုတ်တစ်ရက်
လှည့်စားခံလိုက်ရကာ ရှေ့ကို နည်းနည်း
လေးပဲရောက်နေတဲ့ ပိုင်ဟောက်ရဲ့ဘေးကို
တွန်းခံလိုက်ရတော့၏။