Unicode
အခန်းမှာ ကသိကအောက်ဖြစ်ဖွယ်ရာပင်
တိတ်ဆိတ်လို့သွားတော့၏။
စုန့်ရှောင်းရှောင်းက မေးထောက်ထားရင်း
မိန်းမောစွာနဲ့မတ်တပ်ရပ်နေဆဲ ဖြစ်တဲ့
ပိုင်ဟောက်ကိုကြည့်နေလေသည်။သူမရဲ့
အမူအရာမှာပွဲကြီးပွဲကောင်းတစ်ခုကို
ကြည့်နေရသလိုမျိုး ရွှင်မြူးလို့နေ၏။
စုန့်စစ်လော့ကရှေ့တိုးလာကာ သူ့လက်တွေ
ကိုတုန်ရီစွာနဲ့ဆန့်ထုတ်လိုက်ရင်း ပိုင်ဟောက်
ကိုလှမ်းကိုင်လိုက်သည်။
"ပိုင်ဟောက်...ပြန်ကြရအောင်လေ...နော်...
ငါတို့ပြန်ရောက်တော့မှ ဒီအကြောင်းကို
ပြောကြမယ်လေ"
ပိုင်ဟောက်ကစုန့်စစ်လော့ရဲ့လက်ကို ပြင်းပြင်း
ထန်ထန်ပင်ပုတ်ထုတ်လိုက်ပြီး စုန့်ရှောင်းရှောင်း
ကိုခက်ထန်စွာဖြင့်ကြည့်လာကာ
"ခင်ဗျားဘာအဓိပ္ပါယ်မရှိတဲ့စကားတွေကို
ပြောနေတာလဲ? ကျင့်ယန်ကဘယ်လိုလုပ်ပြီး
သေရမှာလဲ!"
စုန့်ရှောင်းရှောင်းကပျင်းရိစွာပင် ဖြေလာ
လေ၏။
"သခင်လေးပိုင်...မင်းတကယ်မသိတာလား
ဒါမှမဟုတ် မသိသလိုဟန်ဆောင်နေတာ
များလား? ဟန်ဆောင်နေတာဆိုရင်တော့
မင်းရဲ့ သရုပ်ဆောင်စွမ်းရည်က ငါ့ထက်
တောင်ညံ့နေသေးတယ်"
"စုန့်ရှောင်းရှောင်း!"
ပိုင်ဟောက်မှာ စုန့်ရှောင်းရှောင်းရဲ့စကားလုံး
တွေကြောင့်ဒေါသထွက်လာရကာ
"ခင်ဗျားဘယ်လိုလှည့်ကွက်တွေ လုပ်နေ
တာလဲ?"
စုန့်ရှောင်းရှောင်းက အထိတ်တလန့်ဖြစ်နေတဲ့
စုန့်စစ်လော့ကိုကြည့်ရင်း ခေါင်းယမ်းကာ
ရယ်လာ၏။
"ငါမင်းကိုတကယ်ကြီးလျှော့တွက်ခဲ့မိတာပဲ။
မင်းက ပိုင်သခင်လေးကိုတောင်အရူးလုပ်နိုင်
စွမ်းရှိတဲ့ဟာ..."
ပိုင်ဟောက်ကစုန့်စစ်လော့နဲ့တော်တော်လေး
ရင်းနှီးတာကြောင့် စုန့်ရှောင်းရှောင်းက
သူ့အကြောင်းကိုပါ စုံစမ်းခဲ့ဖူးလေသည်။
ပိုင်ဟောက်ကလုပ်နိုင်စွမ်းရှိပေမဲ့သူ့ရဲ့ဒေါသ
ကတော့ တကယ့်ကိုဆိုးဝါးလှ၏။အဲ့တာ
ကြောင့် သူမ ပိုင်ဟောက်ရဲ့မိဘတွေအကြောင်း
ကိုသိရတဲ့အခါ ပိုင်ဟောက်ကိုပြောမဲ့အစား
ပိုင်ကျင့်ကိုပဲတိုက်ရိုက်ဆက်သွယ်ခဲ့တာ
ဖြစ်လေသည်။ ပိုင်ဟောက်က ဒီလောက်ထိ
တုံးအမယ်လို့တော့ သူမ မထင်ခဲ့မိတာ
အမှန်ပင်။
YOU ARE READING
ချစ်ခြင်း၏ အဆုံးဝယ် |ဘာသာပြန်|
De Todototal chapter- 113 chapters update schedule- random.
