ချစ်ခြင်း၏ အဆုံးဝယ် |ဘာသာပြန်|

32

Unicode

အဲဲဒီ့နောက်ပိုင်း ဘာဆက်ဖြစ်ခဲ့သလဲ
ဆိုတာကိုတော့ လီရှူးရိ မမှတ်မိတော့ပါချေ။

ပြန်သွားပြီးတဲ့နောက်မှာ လီရှူးရိ
အပြင်းအထန်ဖျားခဲ့၏။ မျိုးစုံမက်ခဲ့တဲ့
အိမ်မက်တွေကတစ်ခါတစ်ရံမှာ
ကြည်လင်နေကာ တစ်ခါတစ်ရံမှာတော့
ရှုပ်ထွေးနေခဲ့သည်။ သူမှတ်မိတဲ့တစ်ခု
တည်းသောအကြောင်းအရာမှာ ပိုင်ကျင့်
ကိုအိပ်မက် မက်တဲ့အခါတိုင်းစိတ်တည်ငြိမ်
နေခဲ့တာချည်းပင်ဖြစ်၏။

ပိုင်ကျင့်သာ ရှိနေသ၍ ဘာပြဿနာမှ
ဖြစ်မလာနိုင်တော့သလိုပါပင်....။

ထိုနက်ရှိုင်းတဲ့ယုံကြည်မှုက သူ့အိပ်မက်တွေ
ထဲအထိပါပျံ့နှံ့လာခဲ့၏။

လီရှူးရိပြန်ကောင်းလာပြီးတဲ့နောက်မှာ
ပိုင်ကျင့်အပေါ်ကို ဘာခံစားချက်မှ
ထုတ်မပြခဲ့သလို သူ့ရဲ့ သံသယလွန်ကဲ
တတ်တဲ့စိတ်ကြောင့် နှစ်အနည်းငယ်ကို
မပျော်မရွှင်နဲ့ ဖြတ်သန်းခဲ့ရလေသည်။

တကယ်တမ်းမှာတော့ ပိုင်ကျင့်ကသူ့ကို
ဘယ်တုန်းကမှမကြိုက်ခဲ့ဘူးဆိုတာကို
လီရှူးရိ သိနေပါ၏။

ပိုင်ကျင့်သူ့အပေါ်လုပ်ပေးခဲ့တဲ့ကိစ္စတွေ
ကလည်း သူငယ်ချင်းတစ်ယောက်အပေါ်
လုပ်ပေးနိုင်တာမျိုးထက်ဘယ်တုန်းကမှ
မပိုခဲ့ပါချေ။

လီရှူးရိရဲ့မပြည့်ဝနိုင်တဲ့စိတ်ခံစားချက်
တွေကသာ ပိုင်ကျင့်ကိုနောက်ဆုံးသော
ကောက်ရိုးမျှင်လေးတစ်ခုအဖြစ်မှတ်ယူ
မိခဲ့ခြင်းဖြစ်လေသည်။

လီရှူးရိ အတိတ်အကြောင်းကို
မတွေးဖြစ်တာအတော်ကြာခဲ့ပြီဖြစ်၏..။

အခုသူတွေးကြည့်လိုက်တော့လည်း
ဘယ်တုန်းကမှမကျက်ခဲ့ပေမဲ့ပိပိရိရိ
ဖုံးကွယ်ထားခဲ့တဲ့ဒဏ်ရာတစ်ခုကို
ဆွဲဖြဲလိုက်သလိုမျိုးပါပင်။

လီရှူးရိ ကမ္ပည်းကျောက်စာတိုင်ကို
လှမ်းကြည့်လိုက်ရင်း သူ့အတွေးတွေမှာ
ဟိုတစ်စသည်တစ်စဖြင့်ပျံ့နှံ့နေခဲ့၏။

လက်စားချေခဲ့တာက ဘာတွေကိုများ
ပြောင်းလဲသွားစေခဲ့သလဲ..?