စာအုပ်ထဲက ဇာတ်ပို့ဇာတ်ကောင်ထဲသို့ကူးပြောင်းလာသော မှုခင်းဆရာဝန်အမျိုးသမီးတစ်ဦး။

Ch-102 : အိမ်အကူ

Ch-102 : အိမ်အကူ

"ဟေ့၊ ရဲအရာရှိလေး စစ်ဆေးမေးမြန်းဖို့ ဝင်သွားတဲ့ ရဲအရာရှိရဲ့နာမည် က ဘာလဲ?"

ယင်ထောင် က နားကြပ်တပ်ထားရုံရှိသေး ချမ်းသာသော အသွင်သဏ္ဍာန် ရှိသော အမျိုးသမီး က သူမ၏ပခုံးကို လာပုတ်သည်။

"တောင်းပန်ပါတယ်၊ ထုတ်ပြောဖို့အဆင်မပြေလို့ပါ" ယင်ထောင် က တောင်းပန်ရင်း ပြုံးပြလိုက်သည်။ သူမ ဖန်ကျင်း ကို ဒုက္ခပေးစရာ အကြောင်းမရှိပေ။

"ဟက်... နင် မပြောချင်လည်း ထားလိုက်တော့၊ ငါ့ဟာငါ မေးကြည့်မယ်"

ထိုအမျိုးသမီး က မပျော်မရွှင်လက်ပိုက်၍ ယင်ထောင်ကို မဖော်ရွေသောအကြည့်ကြည့်နေလေသည်။ "မင်းက ရဲစခန်းမှာ အရမ်းနာမည်ကြီးလား? ပြောရရင် ရဲတပ်ဖွဲ့မှာ အမျိုးသားနဲ့အမျိုးသမီး အချိုးက အရမ်းမြင့်မားတယ်၊ မင်းကို လိုက်တဲ့လူတွေ အများကြီး ရှိတယ်မလား?"

ယင်ထောင်က သူမကို လစ်ရူထားပေမဲ့ ကျဲယုက မပျော်မရွှင်နဲ့ထိုအမျိုးသမီးကို မေးခွန်းထုတ်လေသည်။ "ခင်ဗျားနာမည်က ကျောင်းရူ မဟုတ်လား?"

"ဟုတ်တယ်၊ မင်း က ငါ့ကို ဒီကိုလာဖို့ ဖုန်းဆက်တဲ့သူလား? ငါ ဘယ်သူလဲ မင်း မသိဘူးလား?" ထိုအမျိုးသမီး သည် စစ်ဆေးရေးခန်းထဲက ဖန်ကျင်းကို စိုက်ကြည့်နေသောကြောင့် ကျဲယုကို အာရုံစိုက်ဖို့ မအားလပ်ပေ။

"ခင်ဗျားက သတ်ခံရတဲ့စုန့်ရီ ရဲ့ သူငယ်ချင်းကောင်း မလား?" ကျဲယုက လှောင်ပြောင်သည်။ "ခင်ဗျား သတင်းကနေ ပြန်လည်စိတ်မသက်သာသေးဘူးလို့ ပြောခဲ့သလားလို့၊ အခု ခင်ဗျား ကောင်းမွန်နေသလားလို့လေ"

"ငါက စုန့်ရီရဲ့အတန်းဖော်၊ ငါတို့ အချင်းချင်း မဆက်သွယ်တာ တစ်နှစ်ကျော်ပြီ..." ဟု ပြောပြီးနောက် ကျောင်းရူက သူမအပေါ် ကျဲယု၏သဘောထားက မကောင်းမှန်း ရုတ်တရက် သိလိုက်သည်။ သူမက သူ့ကို ထပ်မေးလိုက်သည်။ "ဒါ့အပြင် ငါ အဆင်ပြေတယ်လို့ ဘယ်သူပြောသလဲ! ငါ အရမ်းကို ဝမ်းနည်းနေတာ!"

ကျဲယု တုန့်ပြန်တော့မည့်အချိန်တွင် ယင်ထောင် က တား၏။ ဖန်ကျင်း သည် စစ်ဆေးရေးအခန်းတွင်ရှိနေပြီး စစ်ဆေးမေးမြန်းမှုကို စတင်နေပြီဖြစ်သည်။ ယင်ထောင် က ကျဲယုကို တိတ်တိတ်နေဖို့ လက်ဟန်ပြလိုက်သည်။